50
1 Josef nih a pa cu aa kunhnawh i a òap i a hmai ah a hnamh.
2 Cun Josef nih a kut tang rianòuanmi sibawi hna cu a pa cu thu kho loin si in nan thuh lai tiah a ti hna. A ti bangin an tuah i
3 ni 40 an rau, thu lo dingin si thuhnak tuahnak ah hin cu can cu rauh tawn phung a si ko. Cun Izipt mi nih khan ni 70 chung an òah.
4 A pa òahnak caan cu a dongh tikah Josef nih Faro bawi pawl kha a thawh hna i, “Zaangfahnak tein, Faro kha,
5 ‘Ka pa nih a thih lai ah, Kanaan ram chung i aa cawhmi thlan ah na ka vui lai, tiah bia a ka kamter caah ka pa ruak cu va ka vuiter seh law ka vui dih in ka ra kir òhan lai, a ti,’ tiah va ka chimhpiak u,” a ti hna. Ref 50.5: Gen 47.29-31
6 Faro nih cun, “Na ka vui lai tiah bia an kamter bantukin va kal law na pa cu va vui ko,” tiah a leh.
7 Cucaah Josef cu a pa vui ah khan a kal. Amah sinah cun Faro bawi vialte hna le a inn i rian a òuanmi upa vialte hna le Izipt ram chung haotu deuhdeuh paoh kha an kal dih.
8 Cun Josef a innchungkhar le a unau hna le a pa innchungkhar zong kha an kal ve. An ngakchia hna le an tuu hna le an meheh hna le an caw hna lawng kha Goshen ram ah cun an chiahtak hna.
9 Rangleng le rangcung ralkap zong kha an kal ve; bu ngan ngaingai an si.
10 Cun Jordan nichuahlei i a ummi Atad hmun, facang cilnak hmun kha an phak tikah khika ah ruak humhnak nganpi an ser i Josef nih a pa ruak cu ni sarih a suan.
11 Kanaan mi nih Atad i ruak humhnak an tuahmi cu an hmuh tikah, “Izipt mi caah a fak ngaingaimi mithi ngaihnak a si,” an ti. Cucaah cu hmun cu Abel-mizraimo 50.11 ABEL-MIZRAIM cu Izipt ram hring hmun ti a si i Izipt òahnak ti bia he a aw chuah aa lo. tiah min sak a si. Jordan nichuahlei um a si.
12 Cuticun Jakob nih a chimh hna bang khan a fale nih cun an tuah;
13 Kanaan ram ah khan an kalpi i Abraham nih Hit mipa Efron sinin vuinak hmun caah a cawkmi vawlei Mamre in nichuahlei i a ummi Makpelah lo chung lungkua ah khan an vui. Ref 50.13: Lam 7.16
14 Josef nih a pa kha a vui dih in a unau hna le ruak vuinak ah amah sin i a kalmi vialte hna he khan Izipt ram ah an kir òhan.
Josef Nih A Unau Pawl Kha Hnangamnak A Chimh Hna
15 An pa a thih hnuah khan Josef unau pawl nih cun, “Josef nih hin kan hua peng sual in a cung i òhat lonak kan rak tuahmi ruangah khan teirul cham kan tim seh law zeitin?” tiah an ti.
16 Cucaah Josef kha bia an hei cah i, “Na pa nih a thih hlanah hi bia hi a kan chimhtak:
17 Josef cu va chim u law a unau hna nih a cung i an tuahmi thil òhalo hi ngaithiam hna seh tiah na pa nih an nawl va ti u,’ a ti. Cucaah cun na pa Pathian sal hna nih na cungah kan tuahmi òhat lonak cu kan ngaithiam ko,” an ti. Hi bia an chimh tikah Josef cu a òap.
18 Cun a unau pawl hrimhrim kha an ra i a hmaiah an kun i, “Na sal kan si ko hih,” an ti.
19 Sihmanhsehlaw Josef nih cun a thawh hna i, “Nan thinphang hlah u; Pathian hmun ah khan keimah le keimah cu kaa chia kho lai lo.
20 Ka cung i òhat lonak tuah awkah khua nan rak khan, sihmanhsehlaw cu nan khuakhannak cu Pathian nih thil òha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.
21 Cucaah nan thinphang hlah u. Nanmah he nan fale he òha tein kan zohkhenh hna lai,” a ti.
Josef Thihnak
22 Josef cu a pa innchungkhar mi hna he khan Izipt ram ah cun an um i a thih ah kum 110 a si.
23 Efraim fale hna le an fale chin kha a hmuh manh hna. Manasseh fapa Makhir fale kha an chuah tikah Josef nih a innchungkhar chungah a lak hna.
24 A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.
25 Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna. Ref 50.25: Exo 13.19; Jos 24.32; Heb 11.22
26 Cuticun Josef cu kum 110 a ti ah a thi i Izipt ram ah cun thut lonak sii an thuh i kuang chungah an chiah.