EXODUS
Exodus
1. Israel mi pawl Izipt ram sal tannak in an luatnak.
2. Izipt ram in an chuah i Sinai Tlang an phak tiang.
3. Sinai Tlang ah Pathian nih annih he biakamnak a tuah i ziaza lei le uknak lei le biaknak leiah nawlbia a pek hna.
4. Israel mi caah biaknak inn nan ser lai ti le tlangbawi hna zulh awk phung le Pathian biaknak ca phung kha an si.
Hi cauk nih biapi bik ah a chiahmi cu Pathian nih a mi hna kha sal cannak chungin a chuah hna tikah zeidah a tuah ti le hmailei caan ah ruahchannak ngeimi miphun ah a ser hna tinak kong hi a si.
Hi cauk chungah hin a biapi bikmi pa cu Moses a si. Moses cu Pathian nih Izipt ram in a mi hna hruaitu caah a thimmi a si. Hi cauk chungah hin hngalh bikmi hmun cu Nawlbia Pahra (20.1-17) umnak hmun kha a si.
1
Israel Mi Izipt Ram Ah Sal An Si
(Gen 46.8-27)
1 Hi hna hi Jakob fapa, an pa sinah Izipt ram i an innchungkhar cio he a vung kalmi hna an min kha a si: Ref 1.1-4: Gen 46.8-27
2 Reuben, Simeon, Levi, Judah,
3 Issakhar, Zebulun, Benjamin,
4 Dan, Naftali, Gad le Asher.
5 Jakob tefa hrimhrim kha 70 an si. Josef cu Izipt ram ah khan a rak um cang.
6 Josef le a unau pawl vialte cu an thi dih, cu chanmi cu an dihlak in an thi dih.
7 Asinain Israel mi nih cun fa tampi an ngeih hna i an tam tuk i an òhan tuk hringhran caah cu ram cu an khat dih. Ref 1.7: Lam 7.17
8 Siangpahrang thar, Josef a hngal lomi kha Izipt ram ah khan a hung bawi. Ref 1.8: Lam 7.18
9 A mi kha a thawh hna i, “Israel mi hna hi zohhmanh hna u, an tam tuk i an òhawn tuk cang caah hin thinphang kan si.
10 An tam chin lengmang ti nakhnga lo an cungah fim ngaiin kan òuan a hau lai. Ral a thawh sual ahcun kan ral hna sin tu ah khan an i òawm lai i kanmah kha an kan doh lai i kan ram hin an chuak lai,” a ti hna. Ref 1.10: Lam 7.19
11 Cucaah sal uktu bawi kha an cungah an chiah hna i rian fak òuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.
12 Sihmanhsehlaw Izipt mi nih Israel mi cu fak deuh in an hrem hna paoh ah tam deuh in an karh i kau deuh ah an i òhek. Izipt mi nih cun Israel mi cu an huat hna i an òih hna;
13 sal hremnak a fakmi chungah khan an khumh hna i
14 tlakser rian le tlakrawh rian le rian har phun zakip kha an òuanter hna i cuticun rethei ngaingai in an chiah hna. Rian har phun zakip kha rumro in an hnek hna.
15 Cun Izipt siangpahrang nih khan, Israel nu pawl nau an hrin tikah a bawmtu hna sayamah pahnih, an min Shifrah le Puah a simi kha a thawh hna i,
16 “Hebru nu pawl kha fa nan ngeihter hna tikah, pa an si ahcun nan thah hna lai i nu an si ahcun nan nunh hna lai,” tiah a ti hna.
17 Sihmanhsehlaw nau hrintertu sayamah hna nih cun Pathian kha an òih caah siangpahrang nawl kha an zul lo i pa zong kha an nunh hna.
18 Siangpahrang nih khan sayamah cu a kawh hna i, “Zeicahdah hi bantukin nan tuah i pa ngakchia kha nan nunh hna?” a ti.
19 Annih nih, “Hebru nu pawl cu Izipt nu bantuk an si lo, fahrin kha an i fawih ngaite i sayamah kan va phak tikah hin cun an fale cu an rak chuak diam cang tawn caah a si,” tiah an leh.
20 Pathian cu sayamah hna cungah cun a òha i Israel mi cu an karh chin lengmang i an òhawng chin lengmang.
21 Sayamah hna nih khan Pathian kha an òih caah Pathian nih annih cu tefa a pek hna.
22 Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna. Ref 1.22: Lam 7.19