1 Luat awkah Khrih nih a kan thlah cang, cucaah fek tein dir u law sal seihnam cu i banh ti hlah u.

2 Atu cu keimah Paul nih hitihin ka ti, cuarpar nan i tan ahcun Khrih cu nan caah zei òhathnemnak hmanh a ngei lo. 3 Cuarpar aa tanmi paoh nih phung cu a dihlak in a zulh a hau tiah mi kip ka chimh hna. 4 Phung nih thiamcoh hngami nannih cu Khrih he òhen nan si i vel kha nan tluk tak. 5 Kannih cu Thlarau thawngin zumhnak in kan hmuh lai tiah kan i ruahchanmi dinnak kha kan hngak. 6 Zeitintiah Khrih Jesuh ah cun cuarpartan zong tan lo zong zeihmanh a si lo, dawtnak in a langmi zumhnak tu hi a biapimi a si. 7 A ningcang tein nan rak òhang ko nain biatak zulh awkah ahodah an dawn hna. 8 Cu bantuk lemthawinak cu an autu hna tuahmi a si lai lo. 9 Thilnu tlawmte nih changhlum ning piin a thawhter tawn. 10 Keimah hmuhning he aa dangmi hmuhning dang cu nan ngei bal lai lo tiah Bawipa min in kan zumh ko hna, aho an si khum ah hnahnawhnak an petu hna cu dantat a si ko lai. 11 U le nau hna, cuarpartan a herh tiah ka chim ko rih ahcun zeicahdah hrem cu ka si kun? Cuti a si ahcun vailamtahnak ka chimmi cu tlukrilhnak a si hnga lo. 12 Um siarem loin an tuahtu hna kha an chiaòha i tan lawlaw hna seh law ka duh!

13 U le nau hna, nannih cu luatnak ah auhmi nan si bantukin pumsa diriamhnak ah cun hmang hin hlah u, dawtnak in pakhat le pakhat i bultawlnak tu ah hmang u, 14 Zeitintiah phung vialte cu “Na innpa cu nangmah naa dawt bantukin va daw,” timi bia pakhat ah khan a tling dih. 15 Asinain pakhat le pakhat nan i seh nan i kaoh ahcun i ralring u, pakhat le pakhat nan i hlo dih sual ai hnga.

16 Ka chim duhmi cu hihi a si: Thlarau hruaining in kal u law nan thisa duhnak di cu riamhter hlah u. 17 Thisa duhnak cu Thlarau he aa ralchanmi a si i Thlarau duhnak cu thisa duhnak he aa ralchanmi a si, zeitintiah na tuah hngami tuah lo awkah an i do tawn. 18 Thlarau nih an hruai hna ahcun phung tangah nan um ti lo. 19 Thisa duhnak cu a fiang ko, nu le pa sualnak, thurhhnawmhnak, thlahthlamnak, 20 siasal biaknak, dawih le eih, huathaihnak, i ralnak, nahchuahnak, thinhunnak, mah zawnruahnak, i òhenhmalnak, mah le phu cio òanhnak, 21 hngarnak, ritnak, aukhuang cercur in umnak le cu bantuk a dangdang hna an si, cu bantuk mi hna nih cun Pathian pennak cu an co lai lo tiah ralrinnak kan pek cang hna i atu zongah kan pek òhan ko rih hna. 22 Sihmanhsehlaw thlarau theitlai hna cu dawtnak, lawmhnak, daihnak, lungsaunak, zaangfahnak, òhatnak, zumhtlak sinak, 23 nunnemnak, i sumnak te hna an si. Cu hna ralchan cun zei phung hmanh an um lo. 24 Khrih ta a simi hna nih cun an thisa diriamhnak le duhnak te hna cu vailam ah an tahchih cang,

25 Thlarau i a nungmi kan si ahcun Thlarau hruainak in nung u sih, 26 i uah hlah u sih, pakhat le pakhat thin i hunter lo le i nahchuah loin um u sih.