4
1 Ka chim duhmi cu hihi a si, rocotu cu ngakchia a si chung paoh cu zeizong vialte a ngeitu a si ko nain sal he zeihmanh aa hlei lo.
2 A pa nih ni a khiah hlan paoh cu tawlreltu le cawmkengtu tangah a um.
3 Kannih zong ngakchia kan si lioah cun vawlei thlarau sal kan si.
4 Sihmanhsehlaw a caan a zat taktak tikah cun Pathian nih a Fapa a run thlah; nu chungin phung tangah hrinmi a si.
5 Fa i ser kan si nakhnga phung tang i a ummi hna kha tlanh awkah a si.
6 Fa nan si caah Pathian nih a Fapa Thlarau cu kan lungthin chungah a run thlah i, “Abba, Kapa,” tiah a au.
7 Cucaah Pathian thawngin sal nan si ti lo i fa tu nan si, Fa nan si ahcun rocotu nan si.
8 Cu hlan i Pathian nan rak hngalh lo lioah khan cun an kotho zongah khuazing a si bal lomi sal ah nan tang;
9 sihmanhsehlaw atu cu Pathian nan hngalh cang, asiloah, Pathian nih an hngalh hna ti awk hmanh a si deuh hnga; zeitindah a derthawmmi le san a tlai lomi vawlei thlarau ah leh òhan in an sal ah can òhan nan duh khawh?
10 Ni le thla le khua caan le kum hna ah ulh khunmi nan hei ngei!
11 Nan ca i ka retheihnak hi pakpalawng a si sual lai ti ka phang.
12 U le nau hna, keimah bantuk ah cang ko u, tiah kan nawl hna, zeitintiah keimah zong nanmah bantuk ah kaa cang ve ko. Ka cungah palhnak zeihmanh nan tuah lo.
13 Nan sinah thawngòha ka chim hmasa bik kha ka taksa dam lo ruangah a si ti nan hngalh.
14 Sihmanhsehlaw ka pum sining kha nan caah hneksaknak a si ko nain nan ka hnawmhnonh in nan ka nautat lo i Pathian vanmi le Jesuh Khrih khan in nan ka cohlan.
15 Nan rak i lunghmuih ngai tawnmi kha khoika ah dah a si cang? Si kho seh law nan mit hmanh i khoih in nan ka pek ko hnga ti kha ka hngalh ko.
16 Biatak kan chimh hna ruangah hin nan ral ah maw kaa can?
17 An in sunsak ngai hna kha tinhmi òha an ngeih ruangah si loin nanmah kha thlei i anmah tu kha kan sunsak hna seh ti an in duh hna caah a si.
18 Nan sin i ka um tik lawngah si loin tinhmi òha he an rak in sunsaktu hna midang an um zongah a tha òhiamòhiam ko.
19 Ka fale tete hna, Khrih sining nan chung i a um hlan paoh cu nan caah nau nganfah in ka ngan a fak òhan.
20 Atu ah cun nan sinah um in ka aw-an zong danter ka hei duh dah! Zeitindah kan tuah hna lai ti awk ka hngal lo. Nan caah hin ka lungre a thei ko.
21 Rak ka chim tuah u, phung tang i um a duhmi hna, phung nih a chimmi hi nan thei lo maw?
22 Zeitintiah hitihin òial a rak si: Abraham nih Fapa pahnih a hrin hna. Pakhat cu salnu sinah a hrin i pakhat cu nutak sinah a hrin.
23 Sihmanhsehlaw salnu sinah a hrinmi cu thisa in a hrin i nutak sin i a hrinmi cu biakam in hrinmi a si,
24 Hihi tahchunhnak a si, mah nu pahnih hna kha nawlbia pahnih an si. Pakhat cu Sinai tlang in a si i a hrinmi fale hna cu sal ah a hrin hna; cucu Hagar a si.
25 Hagar cu Arabia ram i Sinai tlang a si i atu lio Jerusalem khualipi tahchunhnak a si, zeitintiah a fale he sal an si.
26 Sihmanhsehlaw van Jerusalem cu a luatmi a si i amah cu kan nu a si.
27 Zeitintiah,
“Maw hring lo nu, micing na thanuam ko;
Nau nganfah ngei bal lo, lunglawm in au tuah,
Zeitintiah va ngei komi nakin òhinhmi nu nih fa tam deuh a ngeih,” tiah rak òial a si.
28 U le nau hna, kannih cu Isak bantuk biakam fa kan si,
29 Kha caan lioah khan pumsa i hrinmi nih Thlarau in hrinmi cu a rak hrem, atu zongah cu ti òhiamòhiam cun a si ko.
30 Sihmanhsehlaw Cathiang nih zeitindah a rak ti kha, “Sal le a fapa kha òhawl hna; zeitintiah salnu fa nih cun nutak fapa ro kha a co ve awk a si lo,” a ti.
31 Cucaah cun u le nau hna, kannih cu sal fa kan si lo i nutak fa kan si.