9
Saram An Thi
1 Bawipa nih Moses cu a thawh i, “Va kal law Faro cu, Hebru mi hna Pathian Bawipa nih, ‘Ka mi cu an ka biak nakhnga kalter hna.
2 Na kalter duh òhiamòhiam hna lo i na tlaih peng ko rih hna ahcun,
3 nan saòil cungah rai òihnung ka tlunter lai: nan rang si hna seh, nan laa si hna seh, nan kalauk si hna seh, nan caw si hna seh, nan tuu si hna seh, nan meheh si hna seh, an cungah rai ka tlunter lai.
4 Israel mi hna saòil le Izipt mi hna saòil kha ka thleidan hna lai i Israel mi ta a simi cu pakhat hmanh an thi lai lo.
5 Bawipa nih caan ka khiah cang; thaizing ah ka tuah lai,’ a ti, tiah na va chimh lai,” a ti.
6 A thaizing ah Bawipa nih a chim bantuk cun a tuah taktak i Izipt mi saòil vialte cu an thi dih, sihmanhsehlaw Israel mi hna saòil cu pakhat hmanh an thi lo.
7 Faro nih khan zeitindah thil umtuning a si ti kha a hal tik hna ah, Israel mi ta a simi saòil cu pakhat hmanh an thi lo ti kha a hngalh. Sihmanhsehlaw Faro cu a lung a hak òhiamòhiam i a kalter duh hlei hna lo.
Hma
8 Bawipa nih Moses le Aaron cu a thawh hna i, “Meiphu vutcam kha va òhuam u law Moses nih cu vutcam cu Faro hmaiah khan thlitu lakah vorh seh.
9 Izipt ram dihlak cungah khan leidip bantukin an zuang lai i a khuazakip ah minung cung le saram cungah hma an chuahter lai,” a ti.
10 Cucaah meiphu vutcam kha an i òhuam i Faro hmaiah cun an dir; Moses nih khan thli lakah cun a hlonh i minung cung le saram cungah hma kha an chuahter.Ref 9.10: Biat 16.2
11 Camhthiam pawl kha, annih zong cu hawi dang bantukin hma nih cun a tlunh ve hna caah Moses hmaiah khan an chuak kho lo.
12 Sihmanhsehlaw Bawipa nih Faro kha a lung a hahter i Bawipa nih a rak chim bantuk khan a kalter duh òhiamòhiam hna lo.
Rial
13 Bawipa nih Moses cu, “Zingka tein tho law Faro cu va tong law, ‘Hebru mi hna Pathian Bawipa nih, “Ka mi cu kalter hna law ka bia hna seh.
14 Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawleicung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.
15 Nangmah le na mi hna cung i rai tlunter awkah ka kut kha rak samh ning law nan rak lo dih cikcek cang hnga.
16 Sihmanhsehlaw ka òhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.Ref 9.16: Rom 9.17
17 Asinain ka mi hna cungah na ruam a kai òhiamòhiam rih i kalter na duh hna lo.
18 Ngai hmanh, thaizing atu tikah hin rial ngan pipi ka tlakter ciammam lai i cu bantuk rial cu Izipt ram a thawhkehnak in ahohmanh nih an hngalh bal lomi rial an si lai.
19 Cucaah hmun lawng i a ummi nan saòil vialte le thilri vialte hna kha dornak a ngeimi hmun ah chia dih hna u tiah nawl pe hna. Khuhzarh a ngei lomi vialte kha, mi si hna seh, saòil si hna seh, rial nih cun a tlak hna lai i an thi dih lai,” a ti,’ tiah va chim,” a ti.
20 Faro bawi a cheu pawl kha cu Bawipa nih a chimmi kha an òih i cucaah an salle le an saòil kha inn chungah an khumh hna.
21 Asinain a cheu nih cun Bawipa chimmi kha zeihmanh ah an rel lo i an salle le an saòil hna kha lolak ah cun an kaltak ko hna.
22 Cun Bawipa nih Moses cu a thawh i, “Van leiah na kut hler law Izipt ram chungah a dihlak in, mi cung le saòil cung le lochung i a ummi thlai kung vialte cungah rial cu tla seh,” a ti.
23 Cucaah Moses nih a òhiangòhunh kha van leiah a hler i Bawipa nih cun khua a ritter, rial le òek kha vawlei ah an tla. Bawipa nih rial cu Izipt ram cungah khan a tlakter.
24 Rial fak piin a tla i nimtlau kha a kenkip ah a lek; Izipt ram a thawhkehnak in Izipt ram cungah cu bantuk thlichia cu a um bal rih lo.Ref 9.24: Biat 8.7, 16.21
25 Izipt ram chung dihlak ah khan leng i a ummi paoh cu minung he saòil he rial nih cun a den dih hna. Lo chung thlai kung vialte kha a den dih hna i thingkung vialte kha a khiah dih hna.
26 Israel mi an umnak Goshen ram lawnglawng kha rial a tlak lonak hmun cu a si.
27 Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.
28 Bawipa sinah cun thlacam u! Hi khuari le rial hi kan ing kho ti hna lo! Nan kal lai, tiah bia kan kam hna, sau nan hngah a hau ti lai lo,” a ti.
29 Cun Moses nih amah cu, “Khuapi chungin ka chuah cangka tein Bawipa sinah ka kut ka va hler lai. Vawlei hi Bawipa ta a si ti kha na hngalh naklai khuari cu a dai lai i rial cu a dih lai.
30 Asinain nangmah le na bawi pawl nih Bawipa Pathian cu nan òih rih lo ti kha ka hngalh,” a ti.
31 Khum le barli cu an rawk dih, zeicahtiah barli cu a hmin cang i khum cu a par lio a si.
32 Changvut le fangvoi tu cu an rawk lo, zeicahtiah annih cu tlai deuh i a vuimi an si.
33 Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.
34 Faro nih ruah le rial le khuari kha an dih cang ti a hmuh tikah a sual òhan hoi i a bawi hna he khan lung hak in an um òhan.
35 Bawipa nih Moses sinin a rak chim bantuk te khan lung hak cun a um i Israel mi cu kalter kha a duh hna lo.