10
Khaubok
1 Bawipa nih Moses cu a thawh i, “Faro sinah va kal. Khuaruahharmi thil hi an lakah ka tuah khawh nakhnga caah amah le a bawi pawl cu an lung ka òhawnter cang hna.
2 Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.
3 Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.
4 Ka mi kha kalter duh loin na um peng ko ahcun, thaizing ah na ram chungah khaubok ka tlunter hna lai.
5 Vawlei kha an khuh dih lai i a langh in a lang lai lo. Rial nih a hrawh lomi thil vialte kha an ei dih lai; na thingkung vialte kha an ei dih hna lai.
6 Na inn le na bawi pawl inn le na mi hna inn kha an khat lai. Na pu na pa hna nih hi ram i an rat hramthawk in an hmuhmi thil vialte lakah hi tlukin a chiami cu a um lai lo,’ a ti,” tiah an chimh. Cun aa mer i Faro cu a chuahtak.
7 Faro cu a bawi pawl nih khan an thawh i, “Hi pa hi zei can dah harnak a kan pek lai? Va kal ko hna seh law Bawipa an Pathian cu va bia ko hna seh. Izipt ram a rawk cang hi na hmu kho rih lo maw?” an ti.
8 Cucaah Moses le Aaron cu Faro sinah khan an ratpi òhan hna i annih cu a thawh hna i, “Nan kal lai i Bawipa nan Pathian cu nan va biak lai. Asinain ahodah a kal ding cu nan si lai?” a ti.
9 Moses nih cun, “Kan dihlak in kan kal lai; kan ngakchia hna he, kan tar hna he, kan fapa hna he, kan fanu hna he, kan tuu hna he, kan meheh hna, he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.
10 Faro nih cun, “ Bawipa nih in bawm hna seh! Nu le ngakchia cu nan i kalpi hna hnga lo, zeicahtiah harnak pakhatkhat tuah nan i tim ti cu a fiang.
11 Cucaah cun va kal i Bawipa biak kha nan duhmi a si ko ahcun, pa lawnglawng nan kal lai,” a ti i cuticun Faro hmaika khan a òhawl in an òhawl hna.
12 Bawipa nih Moses cu a chawnh i, “Izipt ram cungah khan na kut cu hler law khaubok kha tlunter hna. A kheumi thil paohpaoh kha ra ei dih hna seh, rial nih a nganhmi kha ei dih hna seh,” a ti.
13 Cun Moses nih a òhiangòhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubok kha thli nih cun a chuahpi hna.
14 Izipt ram chungah cun an lut ciammam i ram cu a pumpi khah in an khat. Cu zat khaubok cu an hmu bal hna lo i hmailei zongah an hmu bal ti hna lai lo.Ref 10.14-15: Biat 9.2-3
15 Ram kha a khuh in an khuh dih i cucaah vawlei cu nak dup in a um ko. Ram chung i a khomi thil vialte le rial nih a nganhmi thingthei kung vialte kha an ei dih. Izipt ram chung a dihlak ah thing hring pakhat siseh, ram hring pakhat siseh a taangmi an um lo.
16 Cu tikah Faro nih Moses le Aaron kha khulrang in a auh hna i, “ Bawipa nan Pathian cung le nanmah cungah ka sual cang.
17 Cucaah atu voi khat te hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka òhialpiak nakhnga amah sinah cun thla ka campiak u,” a ti hna.
18 Moses nih Faro cu a chuah tak i Bawipa sinah cun thla a cam.
19 Bawipa nih thlitu cu nitlaklei kap in òhawng ngaiin a hranter i khaubok cu a choih hna i Rili Senb Rili Sen asiloah Hluang Rili ah khan a thlak dih hna. Izipt ram chung a dihlak ah khaubok pakhat hmanh an tang lo.
20 Sihmanhsehlaw Bawipa nih Faro cu a lung a òhawnter i Israel mi cu kalter a duh òhiamòhiam hna lo.
Khuamui
21 Bawipa nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti.
22 Moses nih a kut cu van leiah khan a hler i Izipt ram chung dihlak ah cun ni thum chung muihnak a chah ngaingaimi a tlung. Ref 10.22: Slm 105.28; Biat 16.10
23 Izipt mi cu pakhat le pakhat an i hmu kho lo i ni thum chung ahohmanh an inn in a chuak kho an um lo. Asinain Israel mi an umnak ah khan cun ceunak a um ko.
24 Faro nih cun Moses kha a kawh i, “ Bawipa biak ah cun va kal u, nan nu pawl le nan ngakchia hna zong kal ve hna seh, asinain nan tuu le nan meheh le nan caw bel hika ah hin nan chiahtak hna lai,” a ti.
25 Moses nih cun aa thawh i, “Cu ti a si ahcun, Bawipa kan Pathian sin i pekchanh awkah, raithawinak ding ca le khangh thawinak ding caah saòil na kan pek a hau lai.
26 Kan saòil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saòil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.
27 Bawipa nih Faro cu a lung a òhawnter i kalter kha a duh hna lo.
28 Moses cu, “Ka hmaika hin chuak! A hmuh in ka hmu ti hlah, na ka hmuh ahcun na ka hmuh ni cu ka thih ni a si ti kha i ruah,” tiah Faro nih cun a ti.
29 Moses nih cun, “Na chim bang cun si ko seh! Zeitikhmanh ah in hmu ti hlah ning,” tiah a leh.