6
Israel Mi Cu An Luat Lai
(Exo 3.1§4.17)
1 Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a òhawl hrimhrim in an òhawl hna lai,” a ti.
Pathian Nih Moses A Auh Òhan
2 Pathian nih Moses cu a chawnh i, “Keimah cu Bawipa ka si. Ref 6.2-3: Gen 17.1, 28.3, 35.11; Exo 3.13-15
3 Abraham le Isak le Jakob sinah Lianngan Bik Pathian in ka rak lang. Annih sinah khan ka min in ka rak i langh lo, ka min cu Bawipa a si.
4 Anmah he khan biakamnak zong ka rak tuah i ramdangmi bantukin khua an rak saknak ram Kanaan ram kha kan pek hna lai, tiah bia ka rak kam hna.
5 Atu cu Izipt mi nih sal ah an zuatmi hna Israel mi an aihramnak kha ka theih i ka biakamnak kha ka philh lo.
6 Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in òuantermi hna rian hin kan luatter hna lai. An sal nan sinak chung hin kan chuah hna lai. Òih a nungmi dantatnak tlunter awkah aa samhmi ka baan òhawng hin, nannih cu kan khamh hna lai.
7 Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.
8 Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.
9 Cucu Moses nih khan Israel mi cu a va chimh hna, asinain an sal cannak kha a fak tuk hringhran i an lung a dongh tuk caah a bia kha an ngai duh lo.
10 Cun Bawipa nih Moses cu,
11 “Va kal law Izipt siangpahrang Faro cu, Israel mi kha a ram chungin rak chuahter hrimhrim hna seh, a ti tiah va chim,” a ti.
12 Sihmanhsehlaw Moses nih khan Bawipa cu, “Israel mi hmanh nih ka bia an ngaih duh lo ahcun, zeitindah Faro chinchin nih cun a ngaih duh nemmam lai? Biachim holhrel ah le santlailo ngaimi ka si fawn,” a ti.
13 Bawipa nih Moses le Aaron cu, “Va kal u law Israel mi hna le Izipt mi siangpahrang Faro kha, Israel mi cu Izipt ram in nan chuahpi hna lai tiah Bawipa nih a kan ti, nan va ti hna lai,” a ti.
Moses le Aaron Chuahkehnak
14 Hi hna hi an innchungkhar cio an lu cio kha an si: Israel fater Reuben fapa hna cu Hanok, Pallu, Hezron, le Karmi; hihi Reuben phun cu an si.
15 Simeon fapa ah: Jemuel, Jamin, Ohad, Jakhin, Zohar le Kanaan minu fapa Shaul; hi hna hi Simeon phun cu an si.
16 Levi fapa an min cu hihi an si, an tefa hna cio he: Gershon, Kohath le Merari. Levi cu kum 137 a nung. Ref 6.16-19: Nam 3.17-20, 26.57-58; 1Cha 6.16-19
17 Gershon fapa cu Libni le Shimei le an phun cio kha an si.
18 Kohath fapa cu Amram, Izhar, Hebron le Uzziel an si. Kohath cu kum 133 a nung.
19 Merari fapa cu Mahli le Mushi an si. Hi hna hi Levi phun cu an si, an tefa cio he.
20 Amram nih a pa far Jokhebed kha a òhit i Aaron le Moses kha a hrin hna. Amram cu kum 137 a nung.
21 Izhar fapa cu Korah, Nefeg le Zikhri an si.
22 Uzziel fapa cu Mishael, Elzafan le Sithri an si.
23 Aaron nih Elisheba, Amminadab fanu, Nahshon far, kha a òhit i Nadab, Abihu, Eleazar le Ithamar kha a hrinpiak hna.
24 Korah fapa cu Assir, Elkanah le Abiasaf an si, hi hna hi Korah phun kha an si.
25 Aaron fapa Eleazar nih khan Putiel fanu pakhat kha a òhit i cu nih cun Finehas a hrinpiak. Hi hna hi Levi innchungkhar lu cu, an phun ning cio in an si.
26 Hi Aaron le Moses hi Pathian nih, “Israel mi cu Izipt ram chungin an bu an bu in chuahpi hna u,” a timi hna kha an si.
27 Izipt siangpahrang Faro cu, “Israel mi kha luatter hna,” tiah a titu kha, Moses le Aaron òhiamòhiam an si.
Bawipa Nih Moses le Aaron Cu Rian A Fial Hna
28 Izipt ram ah Bawipa nih Moses cu a chawnh i
29 “Keimah cu Bawipa ka si; kan chimhmi vialte kha Izipt siangpahrang Faro cu va chim,” a ti. Sihmanhsehlaw Moses nih,
30 “Kei cu biachim holhrel ah san a tlai lo ngaimi ka si kha na hngalh, zeitindah Faro nih cun ka bia cu a ngaih duh lai?” a ti.