5
Moses le Aaron Faro Hmaiah An Chuak
1 Moses le Aaron cu Faro sinah khan an va kal i Faro cu, “ Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.
2 Faro nih cun, “ Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.
3 Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.
4 Izipt siangpahrang nih cun Moses le Aaron cu, “Mi an rian nan òhulh hna hi a sullam zeidah a si? Sal hna, nan rian ah khan kal ko u,” a ti hna.
5 Faro nih cun aa thawh òhan i, “Hi mi hna hi ka ram chung mi taktak nakin an tam deuh cang. An rianòuanmi hi òuan hna hlah seh ti maw nan duh?” a ti hna.
6 Cu ni hrimhrim ah cun Faro nih khan Izipt mi sal uktu hna le Israel mi kuli khawng hna kha,
7 “Tlakrawh sernak ah mi cu hlan bantuk khan capawl nan pe ti hna lai lo, anmah tein vaa lak cang hna seh.
8 Asinain tlakrawh an sermi a tlawm a tam cu, hlan i an sermi zat òhiamòhiam kha a si lai; nan òhumhpiak hrimhrim hna lai lo. ‘Kan Pathian sinah raithawi kan duh caah kan kalter,’ an ti cu an thathut caah a si ko.
9 Fak deuh in rianòuanter hna u law an rian ah hin i manh hrimhrim loin an um lai i Moses le Aaron nih lih an chimh lengmangmi hna hi ngai loin an um ko lai,” a ti hna.
10 Sal uktu hna le kuli khawng pawl cu mi zapi sinah khan an va kal i, “Faro nih, ‘Capawl ka pe ti hna lai lo,
11 anmah tein an i hmuh khawhnak hmun ah i kawl hna seh; asinain an sermi tlakrawh cu hmasa zat òhiamòhiam kha a si lai,’ an ti hna,” tiah an chimh hna.
12 Cucaah mi cu capawl kawl ah khan Izipt ram ah cun an i òhek.
13 Sal uktu pawl nih khan an hnawh hna i, “Capawl an rak in pek lio hna i ni khat ah nan sermi zat hrimhrim kha nifate in nan ser lai,” an ti hna.
14 Faro sal uktu pawl nih khan Israel mi kuli khawng pawl, rian zohtu i an chiahmi hna cu, fung in an tuk hna i, “Zeicahdah hmasa i nan sermi zat tlakrawh kha nihin ah nan ser lo,” an ti hna.
15 Cun Israel mi kuli khawng pawl cu Faro sinah khan an va kal i, “Bawipa, zeicahdah hi bantukin kan cungah na tuah?
16 Bawipa, capawl kha an kan pe lo, asinain hmasa kan sermi zat òhiamòhiam kha nan ser lai an kan ti. Cun Bawipa, fung in an kan tuk fawn. Na palh,” tiah an va ti.
17 Faro nih cun, “Nan tha a thu, nan tha a thu tuk hringhran. Cucaah cun, ‘ Bawipa sinah raithawinak pekchanh kan duh caah kan kalter,’ nan ka ti.
18 Nan rian ah khan kal zokzok u. Capawl zeihmanh an in pe hna lai lo, sihmanhsehlaw cu zat cu nan ser awk a si timi zat òhiamòhiam khan tlakrawh cu nan ser lai,” a ti hna.
19 “Nan rak ser tawnmi zat òhiamòhiam khan tlakrawh cu nan ser lai,” tiah ti an si tikah, Israel mi kuli khawng pawl nih cun, harnak chungah kan um cang, ti kha an i hngal.
20 Faro sin khan an hung chuah tikah, anmah a rak hngak ko mi hna Moses le Aaron nih khan an rak ton hna.
21 Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.
Moses Thlacamnak
22 Cun Moses cu Pathian leiah khan aa mer òhan i, “ Bawipa, zeicahdah hi mi hna hi, hitihin na hrem hna? Zeicahdah keimah hi na rak ka thlah?
23 Nangmah aiawh in Faro sinah biachim awk i ka rat ri in na mi cu heh tiah an hrem hna i nang nih annih bawmhnak ah zeihmanh na tuah fawn òung lo,” a ti.