36
1 “Bazalel le Oholiab le Bawipa nih thiamnak le hngalhnak a pekmi zungthiammi vialte hna, biakinn saknak caah a herhmi thil paohpaoh tuah a thiammi hna nih khan, zeizong vialte cu Bawipa nih a chimning tein an ser awk a si lai,” a ti hna.
Laksawng Tampi An Rak Put
2 Moses nih Bezalel le Oholiab le Bawipa nih thiamnak a pekmi zungthiam pawl vialte, rianòuan awk caah timhcia in a ummi vialte hna kha a auh hna i rian cu thawk cang u tiah a ti hna.
3 Israel mi nih biakinn saknak caah an thawhmi thawhlawm vialte cu Moses nih khan a pek hna. Israel mi nih khan an thawhlawm cu zingfate in Moses sinah khan an rak put lengmang.
4 Biakinn a satu zungthiam pawl nih khan an rian cio cu an kaltak zau i Moses sinah cun an ra i
5 “ Bawipa nih a kan fialmi rianòuannak caah mi zapi nih an rak putmi cu a za leng a si cang,” an ti.
6 Cucaah riahhmun chungah cun Moses nih bia a thanh i, “Biakinn saknak ca thawhlawm kholhmi ah ahohmanh nih, nu nan si ah, pa nan si ah rak tho ti hlah u,” a ti. Cuticun mi nih khan thil rak put cu an ngol.
7 An rak put cia kha rian a dihlak limnak ding caah a za leng a si cang.
Pathian Umnak Thlam Sernak
(Exo 26.1-37)
8 Rian a òuanmi hna lak i zungthiam bikbik pawl nih khan Pathian umnak thlam cu an ser. Puan zun hra in cu biakinn cu an ser i cu puan cu khumlahrual hmangòhia le tuuhmul dum, sendung le a sen in tahmi an si i an cungah cherubim kha dawh tein an suai hna.
9 Puan cu an i ngaw dih i a sau pe 42, a kauh pe ruk cio an si.
10 Puan zun nga cu hmunkhat ah an òhit hna i a dang zun nga zong cu hmunkhat ah an òhit ve hna.
11 An bu a lenglei bik i a ummi puan tlang ah khan puan dum in hnam an sih hna.
12 Bu khatnak puan hmasa bik ah khan hnam 50 an sih hna i bu hnihnak puan a hmanung bik ah khan, bu khatnak he i rup dingin hnam 50 òhiamòhiam an sih fawn hna.
13 Sui sio 50 an ser hna i cu sui sio cun an bu hnih cun hmunkhat ah an peh hna. Cuticun Pathian umnak thlam cu inn pakhat ah a cang.
14 Cun meheh hmul in puan zun hleikhat an ser hna i cucu Pathian umnak thlam cung i a ummi thlam kha a si.
15 Zun khat cu pe 45 cio an sau i pe ruk cio an kau, an dihlak in an i ngaw cio.
16 Zun nga kha bu khat ah an òhit hna i a dang zun ruk kha bu khat ve ah an òhit hna.
17 Bu khatnak puan hmanung bik ah khan a hnam 50 an sih hna i a dang bu zongah khan cu bantuk òhiamòhiam cun 50 an sih ve hna.
18 Cu bu hnih pehnak ah cun dar sio 50 an ser hna i cuticun thlam khat ah a cang.
19 Thlam khuhnak cu tuukawng phaw si sen in buhmi in an ser i cu khuhnak a khuh chintu cu saphaw òha ngaiin an ser.
20 Pathian umnak thlam caah cun anri thing in vampang an ser hna.
21 Vampang cu pe 15 sau le lehhmah 27 kau cio an si i
22 pakhat le pakhat pehnak dingah aa rupmi a fong pahnih cio an ngeihter hna.
23 Thlanglei kam caah vampang kul an ser hna i
24 an kedanh caah ngun in sermi kedanh 40 an ser hna, tlap khat nih danh hnih cio an co i a fong an ngeihmi cio ah khan an danh hna.
25 Cun thlam chaklei kam caah khan tlap kul an ser hna,
26 tlap khat caah danh hnih lengmang in ngun kedanh 40 an ser hna.
27 Thlam hnulei, nitlaklei caah khan tlap ruk an ser hna,
28 cun thlam hnulei a kil veve caah khan tlap hnih an ser hna.
29 Hi a kil tlap hna hi a hram in an i peh i a par tiang an i tlai, a kual hmasa bik tiang khan an i tlai. A kil vampang pahnih hna cu, cuticun ser an si.
30 Cucaah vampang 8 le ngun kedanh 16, tlap khat caah pahnih lengmang an si.
31 Cun anri thing in thingthluan an ser hna, khattelei kap vampang caah thluan nga,
32 khattelei kam vampang caah thluan nga, nitlaklei kam, a hnulei vampang caah thluan nga an ser hna.
33 Cun a laifang thingthluan cu khattelei deng in khattelei deng tiang vampang laifang in an khan.
34 Vampang cu sui an hut hna i thingthluan hrolhnak dingah khan sui kual an thlaih hna, sui kual zong cu sui in an hut ve hna.
35 Puanzar cu tuuhmul a dum, sendung le a senmi le khumla hrual hmangòhia in an ser hna i a cungah cherubim hmanthlak kha dawh tein an suai hna.
36 Puanzar dohnak caah cun anri tung pali an ser hna i sui in an hut hna i sui sio an thlaih hna. Tung an dirnak caah cun ngun kedanh pali an ser hna.
37 Thlam chung luhnak innka caah tuuhmul a dum, sendung le a sen le khumla hrual hmangòhia in puanzar an ser i dawh tein an òamh.
38 Tung panga an ser hna i sio an thlaih cio hna, an lu lei kha le an fung kha sui an hut hna. Tung caah cun dar kedanh panga an ser hna.