31
Pathian Umnak Thlam Ca Rianòuantu Hna
(Exo 35.30§36.1)
1 Bawipa nih Moses cu a thawh i,
2 “Judah phun chung mi Hur fapa Uri i fapa Bazalel kha ka thim cang.
3 Thil dawh tein ser khawhnak dingah thiamnak le thil ti khawhnak le hngalhnak a ngeih nakhnga Pathian thlarau in ka khahter cang.
4 Cun a thiamnak cu hihi a si lai: pungsan dawh ngaiin ser khawh le sui le ngun le dar in òamh khawh le
5 lungvar in òamh khawh le thing kha dawh tein suai thiam le aa dawhmi thil phun dangdang ser khawh kha an si.
6 Cun amah sin i a òuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.
7 Cu ser awk tiah kan chimhmi cu, pumhnak thlam, biakamnak kuang, cu kuang a cung chin, pumhnak thlam chung thilri hman awk vialte,
8 cabuai le a thilri vialte, sui thiang in sermi mei vannak tung le a thilri vialte, zihmui khanghnak biakòheng,
9 khangh thawinak khanghnak biakòheng le a thilri vialte, kut òawlnak hmaihum le a thilri vialte,
10 rumra a kai ngaimi thilthuam thiang, Aaron le a fapa hna nih tlangbawi rian an òuan caan ah an hmanmi,
11 thuh awk chiti le hmunthiang ca zihmui, hi an si. Hi thil vialte hi keimah nih kan chimhningte khan an tuah dih awk a si lai,” a ti.
Dinhnak Ni
12 Bawipa nih Moses kha a thawh i,
13 “Israel mi cu, ‘Kaa dinh ni hi nan ulh hrimhrim lai, zeicahtiah hi ni cu nanmah le keimah, cun nan tefa le keimah karlak ah hmelchunhnak a si i cu hmelchunhnak nih a langhtermi cu Bawipa keimah nih nannih cu ka mi ca hrimhrim i kan sermi hna nan si hi a si.
14 Cucaah cun dinhnak ni cu nan ca i nizarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a òuanmi paoh cu a phun hawi sinin thlei a si hrimhrim lai.
15 Ni ruk chung rian nan òuan lai, sihmanhsehlaw ni sarihnak ni cu dinhnak ni, Bawipa nizarh a si. Hi ni ah rian a òuanmi paoh cu thah a si lai. Ref 31.15: Exo 20.8-11, 23.12, 34.21, 35.2; Lev 23.3; Deu 5.12-14
16 Israel mi nih dinh ni cu zungzal a hmunmi biakamnak caah nan techin nan fapar tiangin nan ulh lai.
17 Hi ni cu Israel mi le keimah karlak i zungzal hmunmi hmelchunhnak a si, zeicahtiah Bawipa keimah nih van le vawlei cu ni ruk chungah ka ser hna i ni sarihnak ni ah cun ka rian cu ka ngol i kaa din,’ a ti, tiah na chimh hna lai,” a ti. Ref 31.17: Exo 20.11
18 Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a òialnak lungtlap kha Moses cu a pek.