30
Zihmui Khanghnak Biakòheng
(Exo 37.25-28)
1 “Zihmui khanghnak caah biakòheng pakhat in na ser lai: anri thing in na ser lai.
2 Tungvangpalh a si lai i pe khat le a cheu a sau lai i pe khat le a cheu a kau lai i pe thum a sang lai. A ki fong kha a
pum he cun an i tlai dih lai.
3 A cunglei le a vampang pali le a ki hna cu sui thiang in na hut hna lai. Cun a velchum in sui hri na menh lai.
4 A putnak ding caah sui kual pahnih na ser hna lai i a kap veve a cunglei tlang tangah khan na chiah hna lai, a putnak lang
hrolhnak kha an si lai.
5 Hi lang cu anri thing in na ser hna lai i sui na hut hna lai.
6 Biakamnak kuang a chin he a ummi hmai i aa zarmi puanzar hmaiah khan hi biakòheng cu na chiah lai. Hika hmun hi kan ton
hnanak hmun a si lai.
7 Aaron nih meiinn kha a zohkhenh hna tikah hi biakòheng cungah hin zingfate in zihmui kha a khangh lai.
8 Cun zanlei i meiinn a van hna zongah khan a khangh fawn lai. Hi zihmui khangh thawinak hi nan tefa chan vialte tiangin
ngol loin nan tuah zungzal lai.
9 Hi biakòheng cungah hin khammi zihmui zeihmanh nan khang lai lo, saram khangh thawinak zeihmanh nan khang lai lo i ei awk
thawinak zong zeihmanh nan pechan lai lo. Cun din awk thawinak
zong zeihmanh a cungah hin nan thle lai lo.
10 Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual
ngaihthiamnak ca i thawimi saram thisen khan Aaron nih hi
biakòheng caah hin ngaihthiamnak a hmuhpiak lai. Hmailei i a ra
ding chan zongah hihi tuah hrimhrim awk a si lai. Hi biakòheng
cu a zarh hringhranmi biakòheng a si,
Bawipa sin i pekchanhmi biakòheng a si.”
Biakinn Ca Ngunkhuai
11 Bawipa nih Moses cu a thawh i,
12 “Israel mi kha na rel hna tikah, mi pakhat nih anmahle an nun man cio kha
Bawipa an pek awk a si lai, zeicahtiah milu rel lioah an cungah
harnak a tlun sual nakhnga lo, cuticun an pek awk a si lai.
13 Milu relnak ah aa telmi paoh nih cun, pek awk a simi zat kha an pek hrimhrim awk a si lai i biakinn i hmanmi cuaithlainak
in pekmi cu thlai an si lai. Cu an pekmi cu
Bawipa sin pekmi laksawng a si lai.
Ref 30.13: Exo 38.25-26; Mat 17.24
14 Milu relnak i relmi, cucu kum kul le kum kul in a cunglei a simi paohpaoh nih khan pek awk timi zat, shekel cheu cu
Bawipa sinah khan an pek hrimhrim lai.
15 Nan nunnak man ca Bawipa sinah nan pek tikah, a rummi nih tam deuh in nan pe hlei lai
lo; cun sifakmi nih tlawm deuh in nan pe hlei fawn lai lo.
16 Hi tangka cu Israel mi sin khan na lak lai i pumhnak thlam chung rianòuannak caah khan na hman lai. Cu tangka nih cun
Bawipa kha Israel mi cu a hngalhter òhan hna lai i cu tangka cu nan
nunnak ca i nan pekmi kha a si,” a ti.
Kut Òawlnak Hmaihum
17 Bawipa nih Moses cu a thawh i,
18 “Kut òawlnak caah dar hmaihum pakhat na ser lai i a hunnak zong dar in na ser lai. Pumhnak thlam le biakòheng
karlak ah khan na chiah lai i a chungah ti na chiah lai.
Ref 30.18: Exo 38.8
19 Aaron le a fapa hna nih khan cu ti cu an kut le an ke òawlnak ah an hman lai.
20 Mei in khanghmi thawinak kha Bawipa sin i pekchanh awkah pumhnak thlam chung i an luh ah siseh,
tlangbawi rian òuan in biakòheng cu an hei fuh ah siseh, ti in
an i òawl hmasa ahcun thihnak an huah lai lo.
21 An thih sual nakhnga lo an kut le an ke kha an i òawl awk a si lai. Hi phung hi anmah le an tefa hna nih zungzal in an
zulh awk hnga phung a si,” a ti.
Thuh Awk Chiti le Zihmui
22 Bawipa nih Moses cu a thawh i, Ref 30.22-38: Exo 37.29
23 “Zihmui phun òha bik kha la hna: mura zihmui a ti pawng kul, a rim a hmui in a hmuimi nakzik pawng hra, a rim a hmuimi
fu pawng hra,
24 kassia zihmui pawng kul, (hi vialte hi biakinn i hmanmi cuaithlainak in tah an si lai), cun oliv chiti pawng hleihnih.
25 Hi vialte hi na cawh hna lai i thuh awkah hmanmi chiti ah na ser hna lai; zihmui sertu nih a sermi zihmui bantuk a si lai
i thuhnak ah hmanmi chiti thiang a si lai.
26 Cu chiti cun pumhnak thlam le biakamnak kuang le
27 cabuai le a cung thilri vialte le mei vannak tung le a thilri vialte le, zihmui khanghnak caah hmanmi biakòheng le
28 khangh thawinak caah hmanmi biakòheng le a thilri vialte le kut òawlnak hmaihum le a hunnak kha, na thuh dih hna lai.
29 Cuticun hi thil hi na thianh hna lai i a zarh ngaingaimi thil ah an cang lai; cucaah a tawngmi hna paoh cu thil zarh ah
an cang ve lai.
30 Cun Aaron le a fapa hna kha chiti cu na thuh hna lai i ka tlangbawi rian òuan awkah thianh an si lai.
31 Israel mi cu na thawh hna lai i, ‘Hi chiti thiang, thuhnak ca i hmanmi hi nan caah hmailei chanpi tiangin a thiangmi a si
lai.
32 Mi sawhsawh kha nan toih hrimhrim hna lai lo i hi chiti he aa lomi chiti dang ser awkah hi bantuk cawhmi zong nan hmang
fawn lai lo. Chiti thiang a si i cucaah cun a thiang in nan ruah
awk a si lai.
33 Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin
thlei an si lai,’ tiah na chimh hna lai,” a ti.
34 Bawipa nih Moses cu, “A tanglei zihmui, stakte, onikha, galbunum le frankinsen thiang kha aa zat cio in la hna law
35 zihmui sertu nih a ser bangin zihmui ser tuah. Cite na thlah lai, a thiangmi le a zarhmi zihmui a si lai.
36 A cheu cu dip tein na rial lai, cun a cheu cu pumhnak thlam chung ummi biakamnak kuang hmaiah khan na chiah lai, cuka
hmun cu nangmah kan ton lainak hmun a si lai. Hi zihmui cu a
zarh hringhranmi zihmui ah na ruah lai.
37 Nangmah hman awk caah hi zihmui he aa lomi zihmui kha na ser lai lo. Hi zihmui cu Pathian sinah pekchanhmi zihmui thiang
ah na ruah lai.
38 Ahohmanh hi bantuk zihmui mah hman awkah aa sermi cu a phunhawi sinin thlei a si lai,” a ti.