5
Esther Nih Siangpahrang le Haman Kha Puai Ah A Sawm Hna
1 Ni thumnak ni ah Esther cu a bawi thuam khan aa thuam i siangpahrang inn chung chungchin tual, siangpahrang khaan kaupi hmai zawn i a ummi ah khan a dir. Siangpahrang cu siangpahrang inn chungah khan, siangpahrang inn luhnak zawn i a ummi a bawi òhutdan cungah khan a òhu;
2 cun siangpahrang nih Siangpahrangnu Esther cu tual i a dir kha a hei hmuh tikah, Esther cu mithmai òha a pek i a kut in aa putmi sui bawifung kha amah leiah cun a hlerpiak. Cun Esther nih khan a hei naih i bawifung parte cu a va tongh.
3 Cun amah cu siangpahrang nih cun a thawh i, “Zeidah a si? Siangpahrang bawinu Esther? Zeidah na ka hal duhmi a si? Nangmah cu pek na si lai, ka ram hnarcheu tiang hmanh in,” tiah a ti.
4 Cun Esther nih a thawh i, “Siangpahrang na duhnak a si ahcun, siangpahrang ca i nihin ah ka timhmi zanriah ei awkah siangpahrang le Haman cu nan rat khawh nakhnga kan nawl hna,” tiah a ti.
5 Cun siangpahrang nih cun, “Esther nih a duhnak bantukin ka tuah nakhnga, Haman kha khulrang in ratpi u,” tiah a ti. Cucaah siangpahrang le Haman cu Esther nih a timhmi zanriah ei awkah khan an kal.
6 Cun annih nih zu kha an din lioah siangpahrang nih Esther cu a thawh i, “Zeidah hal na ka duhmi a si? Kan pek lai. Zeidah nawl na ka duhmi a si? Ka ram hnarcheu tiang a si hmanh ah tlinter a si lai,” tiah ti.
7 Sihmanhsehlaw Esther nih a thawh i, “Kan nawl duhmi le kan hal duhmi cu hihi a si:
8 Siangpahrang hmaiah mithmai òha ka hmuh a si i kan nawlnak kha siangpahrang nih pek le kan halmi kha tlinter awk na duhnak a si ahcun, thaizing ah zanriah kan timhpiak òhan hna lai i siangpahrang le Haman cu ra òhan u law thaizing ah cun siangpahrang nih a chim bantukin ka duhmi cu kan chimh lai,” tiah a ti.
Haman Nih Mordekai Caah Thlainak Ding A Ser
9 Cun cu ni cu Haman cu lunglawm le thanuam in a òin. Sihmanhsehlaw Haman nih Mordekai cu siangpahrang kutka i a hmuh tikah a hmaiah cun a dir zong a dir lo i a ther zong a ther lo caah khan Mordekai cungah cun a thin a hung ngaingai.
10 Asinain Haman cu aa sum i inn ah a òin; cun a hawikom hna le a nupi Zeresh kha a kawhter hna.
11 Cun annih cu Haman nih a rumnak sunparnak le a fapa zeizat an si le siangpahrang nih rian kainak le upatnak a pekmi vialte le siangpahrang bawi hna le sinum vialte hna cung i a chiahnak kha a relh òhan hna.
12 Cun Haman nih cun, “Siangpahrangnu Esther hmanh nih amah hrimhrim nih a timhmi rawl danghnak ah keimah dah ti lo cu ahohmanh siangpahrang sinah a ratter hna lo. Cun thaizing zongah hin siangpahrang sinah keimah cu a ka sawm chih rih.
13 Sihmanhsehlaw siangpahrang kutka i Judah mi Mordekai a òhut ka hmuh chung cu hi vialte zong nih hin zeihmanh an ka òhathnem hlei lo,” tiah a ti fawn.
14 Cun a nupi Zeresh le a hawikom vialte nih cun an thawh i, “Mithlainak dong 30 a sangmi ser si seh law, cun cuka ah cun Mordekai kha thlai si seh, tiah zingka ah siangpahrang cu chim; cun siangpahrang he cun lunglawm ngaiin rawl danghnak ah cun kal te u,” tiah an ti.
Hi ruahnak cheuhmi nih Haman cu a lung a ton ngaingai i mithlainak cu a serter hna.