3
Haman Nih Judah Mi Hrawh A Duh Hna
1 Cun hi thil hna ah hin Siangpahrang Ahasuerus nih Agag mi Hammedatha fapa Haman cu a rian a kaiter i hawi hmaiah khan a chiah i amah sinah a ummi bawi vialte hna cungah khan a òhutter.
2 Cun siangpahrang kutka ah a ummi siangpahrang sinum vialte hna nih khan Haman cu an kunpiak i upatnak an pek; zeicahtiah cuticun nan tuah lai tiah siangpahrang nih khan nawl a pek hna. Sihmanhsehlaw Mordekai nih cun a kunpiak lo i upatnak zong a tuahpiak lo.
3 Khi tikah kutka i a ummi siangpahrang sinum hna nih cun Mordekai cu an thawh i, “Zeicahdah siangpahrang nawlbia cu na al?” tiah an ti.
4 Cun ni khat hnu ni khat an chimh lengmang i an bia kha ngaih a duh hna lo tikah, Mordekai bia cu a hua hnga maw hua lo ti hngalhnak caah Haman cu an chimh; Mordekai nih cun annih cu, kannih cu Judah mi kan si, tiah a ti hna.
5 Cun Haman nih Mordekai nih a ka kunpiak duh lo i upatnak a ka pe duh lo ti kha a hmuh tikah a cekne tiangin a runh.
6 Sihmanhsehlaw Mordekai lawng tlaih kha cu aa nautat. Cun annih nih khan Mordekai cu zei miphun dah a si ti kha an rak chimh cang i cucaah cun Ahasuerus ram chung dihlak i a ummi Mordekai miphun Judah mi vialte hna cu hrawh awkah aa tim.
7 Thla khatnak thla, cucu Nisan thla a si, Siangpahrang Ahasuerus a bawi kum hleihnihnak ah Haman hmaiah khan camcawhfung Pur timi kha an zuk; cun thla khat hnu thla khat in a thla hleihnihnak Adar thla tiang camcawhfung cu an zuk lengmang.
8 Cun Haman nih Siangpahrang Ahasuerus cu a thawh i, “Na ram chung i peng dihlak ah hin, a kenkip le mi kip sinah aa òhekmi miphun pakhat an um; an phunglam cu midang hna phunglam he khan an i dang i annih nih siangpahrang nawlbia kha ngaih an duh lo caah annih cu hi bantukin in ko ahcun siangpahrang caah miaknak zeihmanh a um lai lo.
9 Siangpahrang na hna a tlak ahcun annih kha hrawh awkah nawlbia chuah si seh, cun kei nih siangpahrang rian a uktu hna sinah khan, siangpahrang chawkhonnak chung i chiah awkah, ngun talen 10-000 ka pek lai,” tiah a ti.
10 Cucaah cun siangpahrang nih a kutdong cung i min khenhnak kutdonghrolh kha a lak i Hammedatha fapa Agag mi Haman, Judah mi hna ralpa kha a pek.
11 Cun siangpahrang nih Haman cu a thawh i, “Nangmah nih a òha tiah na hmuhning paoh in tuah awkah tangka he an minung he nangmah sinah pek a si,” tiah a ti.
12 Cun siangpahrang caòialtu hna kha thla khatnak thla, a ni hleithum ni ah an auh hna i Haman nih a nawlngeihnak vialte kha hmang in, siangpahrang kut tang bawi hna le peng vialte a uktu bawi hna le mi vialte a uktu bawi hna sinah khan, an peng chung i an hmanmi ca cio in le an miphun nih an hmanmi holh cio in nawlbia pakhat an òial; Siangpahrang Ahasuerus min in òial a si i siangpahrang kutdonghrolh in khenh chih a si.
13 Judah mi vialte cu a no a tar in, nu he ngakchia he, ni khat ni te i an ci hmih awk le thah awk le hloh awkah le an thil kha ramh dih awkah, thla hleihnihnak thla, Adar thla, a ni hleithumnak ni ah, siangpahrang ram chung peng dihlak ah caphortu nih ca cu an kalpi.
14 Cu ni ca i i timhtuahnak caah, cu ca òial chinmi cu ram chung dihlak ah khan mi vialte sinah nawlbia ah thanh awk a si cang.
15 Siangpahrang nawl in caphortu hna cu khulrang in an kal i nawlbia cu Susa khuapi ah khan an chuah. Cun siangpahrang le Haman cu zudin awkah an òhu; sihmanhsehlaw Susa khuapi cu i tuai ur in a um.