1 Mah caah cun nanmah Jentail mi hna aiawh in Khrih Jesuh caah thongtla keimah Paul nih, 2 nanmah caah hi rian hi Pathian nih a velngeihnak in a ka pek ti cu nan theih cang lai tiah ka ruah. 3 Tawi tein ka òial cang bantuk khan biakenret cu ka sinah biaphuan in a langhter. 4 Ka ca hi nan rel tikah Khrih biakenret ka purh khawh zia kha nan hngalh khawh lai. 5 Kan hnulei chan mi hna sinah cun hi biaphuan hi langhter a rak si bal lo, sihmanhsehlaw atu cu lamkaltu le profet a thiangmi hna sinah Thlarau in phuan a si cang. 6 Cucu thawngòhabia thawngin Jentail mi hna nih Judah mi he roco òi, pum khat i òengnge le Khrih Jesuh ah biakam aa hrawm òimi an sinak kha a si.

7 Pathian vel laksawng a ka pek caah a huham hmang in cu thawngòhabia rianòuantu ah cun ser ka si. 8 Kei hi mithiang mi vialte hna lakah a tenau bik ka si ko nain Khrih rumnak chim cawk lo cu Jentail mi hna sin chim awk le 9 zeizong vialte sertu Pathian chungah chan saupi chung thuhmi biakenret cu mi vialte hmuh awkin a phuangtu ah vel a ka ngeih. 10 Cucu Pathian fimthiamnak phunkip kha Khrihfabu thawngin van uktu le nawlngeitu hna sinah atu ah hin hngalhter a si. 11 Kan Bawipa Khrih Jesuh ah a tlinter cangmi hi Pathian nih a rak tumtah zungzalmi a si. 12 Amah kan zumh caah Pathian cu ralòha ngai le ngamh ngaiin kan panh kho cang. 13 Cucaah cun nan ca i ka temhinnak ruangah hin nan lung dong hlah u tiah kan nawl hna, cucu nan sunparnak caah a si.

14 Mah ruangah hin kan Pa hmaiah khukbil in ka kun; 15 amah nih cun van le vawlei i a ummi a chungkhar vialte kha min a sak hna. 16 A sunpar rumnak ning in nan chung nunnak ah a Thlarau in òhawnnak thazang in pe ko hna seh. 17 Nan zumhnak thawngin Khrih cu nan lungthin chungah khuasa seh law dawtnak ah khan hrihhram thla ko u tiah thla ka cam. 18 Cuti a si ahcun a dawtnak a kauhning, a sanning, a sauning le a thuhning cu mithiang mi hna vialte he fiang tein nan hngalh khawh lai. 19 Hngalhnak vialte a lonh dihtu Khrih dawtnak cu nan hngalh i Pathian tlinnak ah cun khahter nan si nakhnga caah a si.

20-21 Kanmah nih kan hal khawh le kan ruah khawh leng hmanh in a huham in kan chungah rianòuan khotu Pathian sinah sunparnak cu a Khrihfabu le Jesuh Khrih ah a zungzal in hmun camcin ko seh. Amen.