EFESA
Khuami Hna Sinah Paul Cakuat
1
Upat Biakchawnhnak
1 Pathian duhnak in Khrih lamkaltu keimah Paul nih Efesa khua i a ummi mithiang hna le Jesuh Khrih ah zumhtlakmi hna nan sinah ca kan kuat hna.
2 Pathian kan Pa le Bawipa Jesuh Khrih nih vel le daihnak in pe ko hna seh.
3 Pathian le kan Bawipa Jesuh Khrih Pa cu thangòhat si ko seh. Amah nih cun Khrih thawngin van pennak ah hin Thlarau lei thluachuahnak phunkip a kan pek.
4 Amah hmaiah cun a thiangmi le soisel um lomi kan si nakhnga vawlei hramthawk hlanin amah nih a kan thim cang.
5 Amah Jesuh Khrih thawngin a fale kan si khawh nakhnga dawtnak in khaukhih cia kan si.
6 Dawtmi Pa thawngin a liannganmi a vel laksawng cu man loin a kan òhumhthlak caah thangòhat ko u sih.
7 Kan i buarsomi cu a kan ngaihthiam i a thisen cun a kan tlanh.
8 Kan cungah a vorhthaihmi vel cu a va lianngan hringhran dah!
9 Khrih ah tlinter awkin a rak timhmi biakenret cu fimnak phunphun le mit hmuh in kan sinah a langhter.
10 Van le vawlei cung i thil vialte cu a caan a cut tikah amah ah fonhtonh dih te awkin a rak timh ciami a si.
11 A timh cia bantukin amah duhning in zeizong vialte cu amah ah a tling.
12 Khrih ah ruahchannak a ngei hmasami kannih cu a sunparnak thangòhat dingah nun awkin khaukhih le thim kan si.
13 Khamhnak thawngòha biatak cu nan rak theih i amah cu nan zumh caah nannih zong kamhmi Thiang Thlarau cun amah ah chingchiahnak khenhchih nan si.
14 Cucu kan hmuh hngami kan ro kha a sunlawinak thangòhat awk caah kan hmuh hrimhrim lai ti a kan kamhnak a si.
15 Hi a si caah hin Bawipa Jesuh Khrih nan zumhnak le mithiang vialte nan dawtnak hna cu keimah zong nih ka rak theih.
16 Cucaah ka thlacamnak ah kan telh tawn hna i ngol loin nan caah lunglawmhnak ka chim.
17 Kan Bawipa Jesuh Khrih Pathian sunparnak Pa nih cun amah hngalhnak dingah fimthiamnak le phuangtu Thlarau cu in pe ko hna seh.
18 Nan lung mit a auter lai i zei ruahchannak caah dah an auh hna ti le mithiang hna caah ro a khonmi zeitluk in dah a tam,
19 zumtu kannih cungah a huham lianngan òhawnnak cu zeitluk in dah a ngan ti kha nan hngalh khawh lai;
20 cu òhawnnak cun Khrih cu thihnak in a thawhter i van ah khin a orhlei kamah a òhutter.
21 Uknak, nawlngeihnak, òhawnnak le bawinak vialte le cunglei le hi vawlei le a um te laimi vawlei le min sakmi vialte nakin a ngan deuh.
22 Zeizong vialte kha a ke tangah a chiah dih i amah cu Khrihfabu caah zeizong vialte lu ah a ser.
23 Khrihfabu cu a pum a si, cucu zeizong vialte tlin cikcektertu amah tlinnak kha a si.