8
Co Awk Ram Òha
1 “Nan nundam i nan karh i Bawipa nih nan pupa hna sinah pek awkin chiat a sermi ram cu nan co nakhnga, nihin ah kan pekmi hna nawlbia vialte cu òha tein nan tuah lai.
2 A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum 40 chung ramlak ah an vahternak hna kha, i cinken ko u.
3 Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlòam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo. Ref 8.3: Mat 4.4; Luk 4.4
4 Hi kum 40 chung hi nan thilpuan nih an òehtak hna lo i nan ke a phing lo.
5 Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.
6 Cucaah Bawipa nan Pathian nawlbia cu zul tuah u; amah lam kha zul u law, amah kha òihzah tuah u.
7 Zeitintiah Bawipa nan Pathian nih ram òha chungah an luhpi hna lai. Mah ram cu tiva tete hna le, tlang le nelrawn ah a luangmi tikhor le cerhti hna le,
8 changvut le barli le mitsur ruang le theipi kung le taleti le oliv thing le khuaihliti a tamnak ram a si;
9 khi ram ah rawl kha chambau loin nan ei lai i zeihmanh nan bau lai lo; a lung hna cu thir an si i a tlang hna ah cun tawngcaa “copper” dar sen tinak a si. nan cawh khawh lai.
10 Cun nan ei lai i nan khim lai i Bawipa nan Pathian cu, ram òha an pekmi hna caah cun, nan lawmh lai.
Bawipa Philh lonak Ding Ralrin Peknak
11 “Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u; Ref 8.11-16: Hos 13.5-6
12 nan ei i nan khim tikah le inn òhaòha nan sak hna i a chungah nan um i,
13 nan saòil run hna le nan tuurun hna an karh i nan sui le nan ngun an karh i nan ngeihmi vialte a karh tikah,
14 nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.
15 Amah cu a kau i òih a nungmi ramlak, mei alh bantuk a simi rul hna le tlangngaikuang hna an umnak le ti um lomi ramcar chungin an hruaitu hna a si; amah nih òeklung lungpi chungin ti an pek hna i
16 ramlak chungah khan nan pupa hna nih an hngalh lomi manna in an cawm hna, a donghnak ah nannih cu òhatnak tuahpiak awkah an hneksak hna i thluachuahpek awkah an òhumh hna.
17 Nan lung chungin, ‘Keimah òhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.
18 Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak òhawnnak an petu hna cu Bawipa nan Pathian kha a si tiah i cinken ko u.
19 Cun Bawipa nan Pathian nan philh i pathian dang kha nan zulh hna i an rian nan òuan i nan biak hna ahcun, nan rawk hrimhrim lai, tiah nihin ah hin ralrin kan pek hna.
20 Nan hmaiah Bawipa nih miphun a rawkter hna bangin Bawipa nan Pathian aw cu nan ngaih duh lo ahcun, cu bangin nan rawk ve lai.