7
Kanaan Mi Siasal Biak Lo Ding
(Exo 34.11-16)
1 “ Bawipa na Pathian nih, co awkah na va luhnak ram chungah an luhpi tik le nangmah hmai in miphun tampi, Hit mi le Girgash mi le Amor mi le Kanaan mi le Periz mi le Hiv mi le Jebus mi, nanmah nakin a òhawng deuh le a ngan deuhmi miphun phun sarih hna cu a òhawl hna i, Ref 7.1: Lam 13.19
2 Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.
3 Annih he nan i òhi-um lai lo, an fapa hna kha nan fanu hna cu nan pe hna lai lo, an fanule zong nan fapa hna caah nan la fawn hna lai lo.
4 Zeitintiah nan fapale hi pathian dang biak awkah keimah zulhnak hin an pialter sual hna lai; cu tikah Bawipa thinhunnak cu nan cungah a alh lai i khulrang in an hrawh ko hna lai.
5 Sihmanhsehlaw hi bangin annih cungah nan tuah lai: an biakòheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai. Ref 7.5: Deu 12.3
Bawipa Caah Miphun Thiang
6 “Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna. Ref 7.6: Exo 19.5; Deu 4.20, 14.2, 26.18; Tit 2.14; 1Pet 2.9
7 Nannih cu midang nakin nan tam deuh caah Bawipa nih a dawtnak cu nan cungah a chiah i an thim hna a si lo, zeicahtiah nannih cu miphun vialte lakah a tlawm bik nan si ko.
8 Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a òhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.
9 Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i, Ref 7.9-10: Exo 20.5-6, 34.6-7; Nam 14.18; Deu 5.9-10
10 amah a huami hna tu cu hrawh awkah anmah cung lila ah teirul a chammi a si; amah a huami cu a dinhdorh lai lo, chikkhatte ah a lehrulh ko lai.
11 Cucaah nihin ah kan pekmi hna nawlbia le phungbia le phunglam hna cu òha tein nan tuah hna lai.
Nawlngaih Thluachuahnak
12 “Cun hi phunglam kha nan ngaih hna i nan tuah hna caah Bawipa nan Pathian nih nan pupa hna sinah zulh awk i chiat a sermi biakamnak le a fekmi dawtnak cu nannih sinah a hmunhter lai; Ref 7.12-16: Deu 11.13-17
13 an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.
14 Miphun vialte hna nakin nannih cu thluachuah nan hmu deuh lai; nannih lakah nu siseh, pa siseh, a cingmi nan um lai lo, nan saòil lak zongah, an um lai lo.
15 Cun Bawipa nih nannih sinin zawtnak vialte kha a lak lai i Izipt hrirai òhalo vialte nan hngalhmi kha nan cungah a tlunter lai lo, sihmanhsehlaw nannih an huami hna vialte cungah cun a tlunter lai.
16 Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.
17 “Nannih nih nan lung chungin, ‘Hi miphun hna hi kanmah nakin an ngan deuh, zeitindah kan pawnchuah khawh hna lai?’ nan ti ahcun,
18 annih cu nan òih awk a si lo, sihmanhsehlaw Bawipa nan Pathian nih Faro le Izipt vialte cungah a tuahmi le
19 nan mit nih a hmuhmi hneksaknak ngan le hmelchunhnak le khuaruahharnak le a òhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan òihmi miphun vialte hna cungah a tuah lai.
20 Cuhleiah nannih sinin aa thupmi hna le a taangmi hna kha an rawh dih hlantiang, Bawipa nan Pathian nih annih lakah khuaingal a thlah hna lai.
21 Annih kha nan òih awk a si lai lo, zeitintiah Bawipa nan Pathian, a lianngan i òih a nungmi Pathian cu, nannih lakah a um.
22 Bawipa nan Pathian nih hi miphun hna cu nan hmaiah duhsah duhsah in a òhawl hna lai; ramsa kha nannih caah an tam tuk sual nakhnga lo, hmakhatte ah nan òhawl dih hna lai lo.
23 Sihmanhsehlaw an rawh dih hlantiang Bawipa nan Pathian nih annih cu nanmah kha an pek hna lai i fak piin a tuaiter hna lai.
24 An siangpahrang hna cu nan kut chungah an pek hna lai i vanrang toiah an min cu nan hloh lai; nan hrawh hna hlantiang pakhat hmanh nih an in dawn kho hna lai lo.
25 Suaimi an siasal pathian cu mei in nan khangh hna lai; an hutnak ngun siseh, sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.
26 Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.