3
Israel Mi Nih Bashan Siangpahrang Og An Tei
(Nam 21.31-35)
1 “Cun kan i mer i Bashan lam ah cun kan hung kal; Bashan siangpahrang Og cu amah le a mi vialte hna he kannih kha Edrei ah doh awkah a ra chuak.
2 Sihmanhsehlaw Bawipa nih a ka chawnh i, ‘Amah cu òih hlah, zeitintiah amah le a mi vialte hna le a ram cu na kut chungah kan pek cang i Amor miphun siangpahrang Sihon, Heshbon i a ummi cung i na tuah bantuk khan, amah cungah na tuah ve lai,’ tiah a ti.
3 Cucaah Bawipa kan Pathian nih Bashan siangpahrang Og zong cu le a mi vialte hna cu kan kut chungah a kan pek i amah caah a tangmi pakhat hmanh an um lo tiangin amah cu kan tuk.
4 Cun khi caan ah a khua vialte cu kan lak dih hna § annih sinin kan lak lomi khua pakhat hmanh a um lo § khua 60, mah cucu Argob ram a dihlak, Bashan ram i Og pennak cu a si.
5 Mah khua vialte hna hi, hau a ngei lomi khuate tampi hna hleiah hau sang pipi in kulhmi le kutka le hrenhnak a ngeimi an si.
6 Heshbon siangpahrang Sihon cung i kan tuah bang khan kan hrawh cikcek hna; khua kip cu kan hrawh hna i pa, nu, le ngakchia cu kan thah hna.
7 Sihmanhsehlaw saòil vialte le khuachung thil hna cu hranchaw ah kan i lak hna.
8 Cucaah khi caan ah Jordan tiva ral ah a ummi Amor mi hna siangpahrang pahnih hna kut chungin ram cu kan lak, Arnon nelrawn in Hermon Tlang tiang
9 (Sidon mi hna nih Hermon cu Sirion tiah an ti i Amor mi hna nih cun Senir tiah an ti),
10 tlangrawn ram i khua vialte le Gilead a dihlak le Bashan a dihlak cu Salekah le Edrei tiang, Bashan i Og pennak chung i khua hna cu kan lak hna.
11 (Refaim mi a taangmi hna chungin Bashan siangpahrang Og lawnglawng kha a taang; zohhmanh, a ihkhun cu thir ihkhun a si; Ammon mi hna khua Rabbah ah a um, a si lo mei? Minung dong in, a sau dong kua, a vang dong li a si.)
Jordan Nichuahlei Cotu Miphun Hna
(Nam 32.1-42)
12 “Cun mah ram hi kan rak lak tan ah khan Reuben mi hna le Gad mi hna cu Arnon nelrawn kamah a ummi Aroer in aa thawkmi ram le Gilead tlangram a cheu, a khua hna he, ka pek hna;
13 Gilead ram a taang rihmi le Og pennak Bashan ram a dihlak cu, mah cucu Argobram a ningpi in, Manasseh phun cheu kha ka pek. (Khi Bashan cu a ningpi in Refaim mi hna ram tiah ti a si.
14 Manasseh phunmi Jair nih Argob ram vialte cu a lak dih, mah cucu Bashan kha a si, Geshur mi hna le Maakath mi hna ramri tiang khan; cun khuate hna cu amah min a sak hna i tu chan tiangin Havvoth-jair tiah ti a si.)
15 Makhir cu Gilead kha ka pek i,
16 Reuben mi hna le Gad mi hna cu Gilead in Arnon nelrawn tiang ram kha ka pek hna, cu nelrawn laifang cun an ramri cu a si, Jabbok tiva Ammon mi hna ramri tiangin;
17 Arabah zong ka pek hna; a ramri cu Jordan tiva Khinnereth in nichuahlei i a ummi Pisgah tlangpang toi i a ummi Arabah rili, mah cucu Cite Rili, tiang kha a si.
18 “Cun khi caan ah khan nawl kan pek hna i, ‘ Bawipa nan Pathian nih hi ram cu co awkah an pek cang hna; nannih nan unau Israel mi hna hmaiah nan mi ralòha vialte hna cu hriamnam put in an lan hmasa lai. Ref 3.18-20: Jos 1.12-15
19 Sihmanhsehlaw nan innchung hna le nan ngakchia hna le nan saòil hna cu (saòil tampi nan ngeih kha ka hngalh) kan pek cangmi hna khua hna chungah
20 Bawipa nih nanmah bantukin nan unau hna cu dinhnak a pek hna i Bawipa nan Pathian nih Jordan tiva ral ah ram a pekmi hna an co hlantiang, an taang lai; khi tikah nan dihlak in kan pekmi hna nan covo cio ah khan nan kir lai,’ tiah ka ti.
21 Cun khi tikah Joshua kha nawl ka pek i, ‘Hi siangpahrang pahnih hna cungah Bawipa nan Pathian nih a tuahmi vialte cu na mit nih a hmuh cang; cu bantukin nan va phak laimi ram vialte cungah Bawipa nih a tuah lai.
22 Nan òih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.
Moses Cu Kanaan Luh A Sianh Lo
23 “Cun khi caan ah Bawipa cu ka nawl i, Ref 3.23-27: Nam 27.12-14; Deu 32.48-52
24 ‘Maw Bawipa Pathian, nangmah na salpa hi na lianhngannak le a òhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?
25 Ka lanhter ko, tiah kan nawl, Jordan ral i ram òha khi ka hmuhter ko, khi tlangram dawh le Lebanon khi,’ tiah ka ti.
26 Sihmanhsehlaw nanmah ruangah Bawipa cu ka cungah a thin a hung i a ka ngai duh lo i Bawipa nih cun, ‘Mah hi na caah i za ko seh, hi kong cu ka chim ti hlah.
27 Pisgah tlangpar ah hung kai law, nitlaklei le chaklei le thlanglei nichuahlei kha hei zoh hna law, na mit in cuan tuah hna, zeicahtiah hi Jordan ral ah cun na kai lai lo.
28 Asinain Joshua cu nawl pe tuah, amah cu forh law, thazang pe tuah, zeitintiah hi mi hna lu ah hin a kal lai i na hmuh laimi ram cu a coter hna lai,’ a ka ti.
29 Cucaah Beth-peor ral i nelrawn ah khan kan cam.