9
1 Mithiang mi hna bawmhchanhnak thawhlawm kong ah cakuat a herh lem lo.
2 Masidonia mi bawmh nan duh hna kha ka hngalh ko caah an sinah kan chawrnak hna kong zong ka chim. Akhaia mi hna nih nikum khan bawmh an in duh cang hna, ka ti hna. Cucaah nan lung thawhnak nih khan mi tam deuh cu an lung a canghter hna.
3 Hi kongah hin kan chawrnak hna kha pakpalawng a si lo nakhnga hi unau hna hi ka rak thlah hna. Bawmh nan i timhnak zong ka chimh fawn hna.
4 Ka sinah Masidonia mi an rat i nannih vial nan rak i timh òung lo ahcun nanmah cu chim lo kanmah hrimhrim kan ningzah kan celh hnga lo, kan in zumh tuk fawn òung hna.
5 Nan i kammi laksawng kha rak timh chung awkah unau hna hi keimah hlan i rat chung a herh tiah ka ruah. Timhcia in a rak um ahcun hnekchom si loin nanmah lungtho tein nan thawh kha a lang hnga.
6 Chim duhmi cu hihi a si. Semrel ngaiin a tuhmi nih cun semrel ngaiin a zun lai, zungvuar ngai in a tuhmi nih cun zungvuar ngaiin a zun lai.
7 Ahopaoh nih amah ruah cia ning in, zaangai lo le hnekchom lo tein pe ko seh; zeicahtiah lunglawm tein a pemi kha Pathian nih a dawt hna.
8 Pathian cu nan herhmi nak tam deuh hmanh in thlua an chuah khotu hna a si; nan herhbaumi vialte nan ngeih dih lai i thil òha tuahnak ca zongah tlamtling tein an pek ko hna lai.
9 Hitihin rak òial a si;
“Sifak kha a vorhhnawh hna,
A mi zawnruahnak cu dongh ni a ngei lo.”
10 Pathian nih thlaici tuhtu sinah thlaici a pek i ei awkah rawl a pek. Cucaah na tuh khawh zatin thlaici an pek lai i thlaikho cu a òhanter lai i na siannak nih zun awk theifang tampi a chuahter lai.
11 Zeitik paoh ah siang lakin an rumter lai i kan sinin nan hmuhmi laksawng thawng khan Pathian sinah mi tampi nih lawmhnak an chim lai.
12 Zeitintiah a herhbaumi hna bawmhnak nan tuahmi nih hin mithiang hna an herhnak a tlinh lawng si loin Pathian sin lunglawmhnak chim zong a liam in a liamter chin lai.
13 Hi nan rian, Khrih thawngòha phuannak ah nawl nan ngaihnak le an ca he midang ca he siang ngaiin nan phawtzamhnak thawngin Pathian an thangòhat lai.
14 Pathian nih a hleiin an dawt hna ruangah an in ngai hna i nan caah thla an cam.
15 Chim cawk lomi a laksawng ruangah Pathian cu thangòhat ko u sih!