8
Nun Siannak
1 U le nau hna, Masidonia Khrihfabu hna cu zeitluk in dah Pathian nih a velngeih hna ti nan hngalh kan duh.
2 Harnak phunkip an tong nain an lunglawmhnak nih a chilh hna i an sifah hmanh ruat loin, pekchanh leiah an siang hringhran.
3 An pek khawh tawk an pek, an pek khawh tawk leng hmanh an pek ti cu a hngaltu ka si.
4 Anmah lungtho tein an pekmi a si; Judea mithiang mi hna bawmhchanhnak i tel ve hmanh an kan nawl chih len.
5 Kan ruah lengpi a si; Bawipa sinah an i pe hmasa, cu hnu cun Pathian duhning in kanmah sinah an i pe òhan.
6 Cucaah hi rian a ottu Titas kha hi zawnruahnak rian hung lim dingin kan fial.
7 Nan zumhnak ah siseh, thawngòha karhternak ah siseh, nan hngalhnak ah siseh, midang bawmhnak i nan lungthawhnak ah siseh, nan kan dawtnak ah siseh, zeipaoh ah hawi nan hleih tawn hna, cucaah hi zawnruahnak rian zongah hin hawi nan hleih òhan hna awk ka duh.
8 Hihi nawlpek in ka chimmi a si lo, sihmanhsehlaw midang lungthawhnak kha zohchunh in dawtnak taktak nan ngeihnak kha langhter ka duh caah a si deuh.
9 Zeitintiah kan Bawipa Jesuh Khrih vel cu nan hngalh ko, a rum ko nain nanmah zawnruah ah a si a fak, cucu a si a fahnak khan nan rum khawh nakhnga caah a si.
10 Hi kong ah hin keimah ruahnak ka chuahpi; kan hnulei kum khat lioah nan ot lawng hmanh si loin lungtho ngaiin nan rak thawkmi cu nan lim ah a òha bik lai ka ti.
11 Nan rak i zuam cang bantuk khan nan ngeih tawk cio in pe u law lungtho tein atu tan ah hin lim lawlaw ko u.
12 Pek a duh ahcun, a ngeih lomi cungin si loin a ngeihmi cungin a pekmi kha Pathian nih a cohlan lai. A ngeih lomi kha pek awkah a hal bal lo.
13 Nan cungah thilrit khinh i midang thil zanter kaa tim lo, nan i ruan awktu ka duh.
14 Nannih cu atu ah tampi nan ngei i annih tu cu tlawmte lawng an ngei; Tlawm te lawng nan ngeih caan a phan i annih nih tampi an ngeih ahcun an in bawmh ve hna lai, nan i ruang cio lai.
15 Hitihin rak òial a si;
“Tampi a charmi nih a hleihluat a ngei lo,
Tlawmte a charmi zong a chambau hlei lo,”
16 Kanmah tluk tein bawmh duhnak lungthin a ngeimi Titas sinah a petu Pathian cu kan thangòhat ko.
17 Nan sin i rat awk ka fialmi cu a hna a tla, a ngaingai ah cun tuah a duh tuk i amah lungtho tein a rak i tim cang.
18 Thawngòha chimnak in Khrihfabu kip sinah a min a thang ngaimi unaupa zong a sinah kan rak thlah ve.
19 Cu lawng si loin kan khualtlawnnak kip i a kan zul dingah Khrihfabu hna nih an rak thim cangmi zong a si. Bawipa thangòhatnak le a herhbaumi kan unau hna bawmh awkah kan lung a kan thawhtertu dawtnak thawhlawm kan khawlhmi tawlrel zong a kan bawmh ve lai.
20 Siang ngaiin nan thawhmi laksawng phawtzamhnak ah hin ahohmanh nih an kan mawhchiat nakhnga lo kan i ralring ngai ko.
21 Bawipa hmuhnak lawngah si loin minung mithmuh zongah a hmanmi tuah kha kan i tim.
22 Voi tampi kan hneksak i zeipaoh ah aa biatak ngai tiah kan hngalhmi kan unaupa zong kan hun thlah ve. Bochannak nganpi an ngeih hna caah voi dang nak hmanh in a lung a tho deuh.
23 Titas hi cu ka hawikom le ka òuanhawi a si i kan unau hna tu hi cu Khrihfabu thlahmi an si; an rianòuannak nih Khrih cu an sunlawiter.
24 Nan dawtnak hna kha an cungah rak langhter u law a thlahtu hna Khrihfabu nih an theih tikah kan in chawr hna kha a hmaan ti an hngalh lai.