7
1 Ca nan hun òialmi kong ah khan hitihin chim ka duh. Mipa nih minu cu tawngtham loin a um ah a òha.
2 Sihmanhsehlaw nu le pa sual awkin tukforhnak a um caah pa kip nih mahle nupi cio ngei hna seh law nu zong nih mahle va cio ngei ko hna seh.
3 Va nih a nupi cungah nupi cung tuah hngami cu tuah ko seh law cu bantukin nupi zong nih va cungah a tuah hngami cu tuah ko seh;
4 zeitintiah nu nih amah pum cu a uk lo, a va tu nih a uk; cu bantuk cun va zong nih amah pum kha a uk lo, a nupi tu nih a uk.
5 Thlacam awkin caan zeimaw chung hman awkin nan hnatlak òi hmasa dah ti lo ahcun pakhat le pakhat ahohmanh nan duhnak i al hlah u; cu hnu cun nupa cang òhan u, cuti lo cun i sum khawh lo ruangah Satan nih an tukforh sual hna lai.
6 Nawlpeknak in ka chimmi a si lo i lam awnhnak lei tu in ka chimmi a si.
7 Keimah bantuk hin si dih u ti kan duh hna. Sihmanhsehlaw Pathian nih a mi kip dang cio in a pekmi hna laksawng cu pakhat nih lam khat in midang pakhat nih lam dangin an ngei cio.
8 Aa òhi um rih lomi hna le nuhmei hna cu keimah bantukin hmeih a òha deuh ka ti.
9 Sihmanhsehlaw an i sum khawh lo ahcun i òhi um ko hna seh. Zeitintiah horduhcuainak cun i òhitumh a òha deuh.
10 Nupi nih a va kir tak hlah seh tiah aa òhiummi hna sinah keimah si loin, Bawipa fialmi nawlpek awk ka ngei,
11 a kir ahcun va ngei loin hmei ko seh. Asiloah a va he i fonh òhan hna seh, cun va zong nih a nupi mak awk a si lo.
12 A dang hna sinah, Bawipa bia si loin keimah nih, Khrihfa pakhatkhat nih a zum lomi nupi a ngeih i a sinah um ko a duh ahcun a mak awk a si lo, ka ti.
13 Nu pakhatkhat nih a zum lomi va a ngeih i a sinah um ko a duh ahcun a kir tak awk a si lo.
14 Zeitintiah a zum lomi va cu a nupi thawng cun thianter a si, cun a zum lomi nupi zong a va thawngin thianter a si. Cutiasi lo ahcun nan fale kha a thiang lo an si lai. Sihmanhsehlaw atu ning cun an thiang ko,
15 Asinain, a zum lomi nih òhen a duh ahcun i òhen ko hna seh! Cu bantuk kong ah cun Khrihfa pa siseh, Khrihfa nu siseh, zeihmanh nih a tlai hna lo. Zeitintiah Pathian nih dai tein um awkah a kan auh.
16 Khrihfa nu, zeitindah na va cu na khamh lai le na khamh lai lo na hngalh? Khrihfa pa zeitindah na nupi cu na khamh lai le na khamh lai lo na hngalh?
17 Ahopaoh Bawipa nih a thiahning le Pathian nih a auhning in nun lam tlai ko seh. Cucu Khrihfabu vialte caah ka chiahmi phung a si.
18 Auh a si ah khan aho tal cuarpartan a si cang maw? Cuarpartannak hmape cu hloh awk i zuam hlah seh, auh a si ah khan aho tal cuarpartan lo a si maw? Cuarpartan awk i tim hlah seh.
19 Zeitintiah cuarpartan le tan lo nih khan zeihmanh a danter hlei lo, Pathian nawlbia zulh tu kha a biapi deuhmi a si.
20 Ahopaoh auh an si lio ning te khan um ko hna seh.
21 Auh na si lioah khan sal na si maw? Zeihmanh a poi lo. Sihmanhsehlaw luatnak na hmuh khawh ahcun cu caan òha na hmuhmi cu tlolh hlah.
22 Zeitintiah Bawipa ah auhmi sal cu Bawipa miluat a si cang. Cu bantuk cun auh a si lioah miluat a si ahcun Khrih sal a si.
23 A man in cawkmi nan si; minung sal ah i cang hlah u.
24 Cu a si caah u le nau hna, zei ti ning in auh na si hmanh ah cuti ning cun Pathian ah hmun ko.
25 Va ngei lo le nupi ngei lomi hna kong ah Bawipa sinin nawlpek awk ka ngei lo nain Bawipa zaangfahnak thawngin zumhtlak ka si caah ka ruahnak ka chim.
26 Harnak caan nih a kan nam cang caah ahopaoh a umning in um ko ah a òha tiah ka ruah.
27 Nupi he naa tlai maw? I hlihphuah i zuam hlah. Nupi ngei lo na si maw? Òhit awk kawl hlah.
28 Sihmanhsehlaw na òhit ahcun sual a si lo, cun ngaknu nih va a ngeih ahcun a sual lo, asinain aa òhiummi nih cun vawlei hnahnawhnak a in lai. Cu thil cun luat hna seh ti kan duh hna.
29 U le nau hna, ka chim duhmi cu, kan ngeihmi caan a tawi tuk ko cang; atu thawk cun nupi a ngeimi cu a ngei lo bantukin um ko hna seh;
30 ngaih a chiami hna cu ngaihchia lo bantukin, a tha a nuammi hna cu a tha a nuam lo bantukin, thil a cawmi hna cu thil ngei lo bantukin;
31 vawlei thilri a tawngthammi hna cu a tawngtham lo bantukin um ko hna seh; zeitintiah atu lio vawlei umtuning cu a liam cuahmah ko.
32 Lungretheihnak nan hrial awk ka duh. Nupi ngei lo cu zeitindah Bawipa lung ka ton lai tiah Bawipa rian ah a lungre a thei;
33 sihmanhsehlaw nupi a ngeimi cu vawlei rian ah, zeitindah ka nupi lung ka ton lai, tiah a lungre a thei;
34 cucaah a lung a òe. Cun va ngei lomi le ngaknu hna cu pum le thlarau in zeitindah kan thian lai tiah Bawipa rian kong ah an lungre a thei; sihmanhsehlaw va ngeimi nu cu zeitindah ka va lung ka ton lai tiah vawlei thil ah a lungre a thei.
35 Cucu nanmah ca òhathnemnak ah ka chim, thlauh kan duh hna caah a si lo, ningcang tein nan nun awk le Bawipa ah cun lung òengnge lo tein nan i pek awk ka duh caah ka chim.
36 Mi pakhatkhat nih aa hammi nu cungah ningcang loin ka um tiah a ruah i a pumsa duhnak a òhawn tuk ahcun, a si awk a si ko, a duh ningin tuah ko seh: i òhium ko hna seh, sual a si lo.
37 Sihmanhsehlaw nupi òhi lo dingah hnek si loin, nupi òhit lo awkah a lung aa thleh khawh i a lung zong aa tei i a tuah awk kha a lung aa fian ahcun aa hammi nu kha a òhit lo ah a òha ko.
38 Cun a hammi a òhit zongah a òha ko; òhit loin aa summi pa nih òhatnak a tuah deuh.
39 A va a nun chung paoh cu a nupi kha a luat lo, a va a thih ahcun a duhmi paoh vat khawh awkah a luat, asinain Bawipa min tu in a si awk a si.
40 Sihmanhsehlaw keimah ruahnak ah cun va ngeih lo khan um ko seh law aa lawm deuh hnga ka ti. Keimah zong Pathian Thlarau ka ngei tiah kaa ruah.