3
Jerusalem Sualnak Le Tlennak
1 Jerusalem cu a cem a si! Khi khuapi borhbah le raltho duh khuapi, mah ih minung a hrem rerotu khuapi cu!
2 Bawipa ih òong a ngai duh lo ih a nunsimnak tla a awih lo. A rinsannak cu Bawipa ih hnenah a re lo; Bawipa ih bomnak khal a dil lo.
3 A bawi pawl cu a huuk reromi kiosa vek an si; a thureltu bawi pawl cu cinghnia rilrawng vek an si; an hrong tuk ah thaizing tiang an deh mi malte hman a re thei lo pawl an si.
4 A profet pawl cu duhdah ih nung pawl an si. A puithiam pawl cun a zarh timi kha an buar ih Pathian daan kha anmah duh zawng in an her vivo.
5 Sikhalsehla khuapi sungah Bawipa cu a um. A dikmi lawng a tuah; a òha lomi a tuah dah lo. Zingtin pelh lo in a minung pawl hnenah dingnak a thlenter. Asinan miòha lo pawl cun thil òha lo an tuah thotho ih an ning khal a zak lo.
6 Bawipa in, “Miphun tampi ka siatralter òheh zo. An khuapi pawl ka siatsuah òheh ih an phar le an ralvennak innsang pawl cu hnawmpen ah ka canter òheh zo. Khuapi pawl an òiosan, khuapi lamzin pawl an òhing reprep; zohman an tang nawn lo.
7 Hibangtuk hnu ahcun ka minung pawl in, in upat, in òihzah dingih ka nunzirhnak tla an pom dingih ka thuzirhmi pawl an hngilh nawn lo ding tiah ka ruat. Sikhalsehla a hlan keel in an nuncan cu a sia thotho.
8 “Hngak hrih uh! Miphun pawl sual ka puh ni tiang hngak hrih uh. Miphun tampi le uknak tampi ka thinhennak a nasat zia an theihnak dingah hmunkhat ih finkhawm hai dingah ka ruat cat zo. Ka thin aithoknak in leilung pumpi hi meisa bangin a kang òheh ding.
9 “Cule miphun kip an hmurka ka thleng dingih hmurka thiang thawn ka hnen lawngah thla an cam ding. An zate in ka thu an ngai ding.
10 Ram hlatpi Ethiopia ram tiva ral hman in òhekdarh a simi ka minung pawl in ka hnenah thil pek ding an rak keng ding.
11 Cutikah nannih ka minung pawl, keimah in rak dodal ruangah ningzak in nan um nawn lo ding. Mi hngalhngawng le mi puarthau hmuahhmuah cu ka hloralter òheh hai dingih nannih pawl in ka tlang thianghlim parah cun in dodal nawn lo ding.
12 Cutawkah mi lungnem le mi tangdor pawl, Bawipa ih hmin a rinsantu pawl ka taan ding.
13 Israel mi a tangsun pawl in zohnen hmanah thilsual an tuah nawn lo ding; thuphan an per nawn lo ding; an hmur le an lei in mibum khal an tum nawn lo ding.Ref 3.13 Thup 14:5; Daihnak le himnak thawn khua an sa dingih zohman an òih nawn lo ding,” tiah a ti.
Lungawinak Hla
14 Maw Israel mi pawl,
Lungawi in au uhla hla sak uh.
Maw Jerusalem fanu,
Na thinlung zate thawn
lungawi in um aw.
15 Bawipa in a lo hremnak cu
a bang zo;
Na ral pawl a hlonhlo òheh zo.
Bawipa, Israel ih siangpahrang cu
nan hnenah a um;
Òihphan ding zianghman a um nawn lo.
16 Tikcu a ra thleng dingih
Jerusalem hnenah:
“Maw Zion khuapi,
zianghman phang hlah;
Na kut tla na òih ruangah
zawng òheh hlah seh.
17 Bawipa na Pathian cu
na hnenah a um,
A cahnak huham in nehnak a lo pek.
Bawipa cu na parah
a lung a hmui ding,
A duhdawtnak ruangah
nunnak thar a lo pe ding.
Hla a sa dingih na parah
a lung a awi ding.
18 Puai tuah caan ih lungawimi
bangin,” an ti ding.
Bawipa in,
“Na harsatnak caan cu ka cemter zo;
Na ningzahnak cu ka hlonhlo zo.
19 Tikcu a ra thleng dingih,
A lo hremtu pawl ka hrem ding.
Ke awl mi pawl ka run hai dingih
Ralkaih thawngtla mi pawl
ka hruaikir ding.
An mualphonak cu upat an conak ah
ka tuah ding.
Leitlunmi hmuahhmuah in
an lawm hai ding.
20 Tikcu a ra thleng dingih,
òhekdarh mi na minung pawl
ka hruaikir hai ding.
Leilung pumpi ih hminthang ah
ka lo tuah dingih,
Mi neinung zet ah ka lo tuahsal ding;
Cumi cu na mit in na hmu ding” tiah a ti.
Bawipa in a òong zo a si.