6
Thukam Kuang Jerusalem Ah An Fehpi
(1 San 13:1-14; 15:25-16:6, 43)
1 David in Israel ralkap lakih a òha bik pawl a khawm ih thawng sawmthum an kim.
2 Cherube cherub timi cu thlanei ramsa lem a si ih Thukam Kuang parah an ret. Cherub pahnih karlak cu “Pathian velneihnak hmun” an ti òheumi a si. pahnih karlak ih a siangpahrang tohkham parih a to Ziangkimtithei Bawipa ih hmin an putter mi Thukam Kuang la dingah a cuih ralkap pawl cu a hruai ih Judah ram Baalah khua ah an feh.Ref 6:2 Suah 25:22;
3 Thukam Kuang cu cawleng thar parah an ret ih tlang parih Abinadab ih inn ihsin an suahpi. Abinadab ih fapa Uzzah le Ahio in Thukam Kuang a phurtu cawleng cu an kilkhawi phah vivo.Ref 6:3 1 Sam 7:1, 2;
4 Cawleng hmaiah Ahio a feh.
5 Cule Bawipa ih hmaiah an lungawi in hla an sak ih tingrisit, òingòang, khuang, mumeek le darsumsel pawl an tum ih David le Israel mi pawl cu an laam thei patawp in an laam ciamco.
6 Cule Nakon ih fang cilnak puum an thlen tikah leng hnuktu cawcang cu an bah ih curuangah Uzzah in a hei dawh ih Thukam Kuang cu a kai ngah.
7 Cutikah Bawipa Pathian ih thinhennak cu Uzzah parah meisa bangin a alh ih cutiih òihzahnak a neih lo ruangah Uzzah cu Thukam Kuang kiangah cun a thihter.
8 Bawipa a thin a heng ruangah Uzzah a that a si, ti kha David in a theih tikah a ai a thok ih a cuih hmun cu Perez Uzzah f Perez Uzzah ti cu Uzzah hremnak hmun tican a si. tiah an ko. Tuih sun tiangin cuticun an ko ta.
9 Cule David in Bawipa cu a òih ih, “Ziangtinso atu ah Thukam Kuang cu ka ken ngam ding?” tiah a ti.
10 Curuangah amah ih khua Jerusalem ah fehpi lo dingin a ruat. Git khua ih ummi Obed Edom ih inn ah a fehpi.
11 Cutawkah Thukam Kuang cu thla thum a um ih Bawipa in Obed Edom le a innsang pawl cu mal a sawm.Ref 6:11 1 San 26:4, 5;
12 Thukam Kuang an inn ih a um ruangah Obed Edom le a innsang pawl le a neihmi hmuahhmuah cu Bawipa in mal a sawm, ti kha David in a theih tikah Thukam Kuang cu Jerusalem ih ken dingah lungawi le thatho zet in Obed ih inn ihsin a lak.
13 Cule Thukam Kuang a phurtu pawl kar ruk an kar tikah David in Bawipa ih hnenah cawcang pakhat le a thau mi tuufaate pakhat thawinak ah a pek.
14 Cun David cu puan nemte pakhat lawng a thlaih ih Bawipa thangòhatnak ah a laam thei patawp in a laam ciamco.
15 Cutiin David le Israel mi pawl in au phah le mumeek tum phahin Thukam Kuang cu Jerusalem khua an thlenpi.
16 Thukam Kuang Jerusalem khua sungih a thlen tikah, Saul ih fanu Mikhal in sangkate in khua a hei zoh ih David cu Bawipa ih hmaiih a laam le a khir rero kha a hmuh tikah David parah a mitkem ngaingai.
17 David ih sak cia mi Puanthlam sungah Thukam Kuang cu an rak keng ih an ret. Cuih hnuah David in mei-ur thawinak le remnak thawinak Bawipa ih hnenah a pek.
18 Thawinak pawl a pek òheh hnuah Israel mi pawl cu Ziangkimtithei Bawipa ih hmin in thluasuah a pe hai.
19 Cun nunau siseh, mipa siseh, sang zawlkhat ciar, a ro ih kiomi sa semkhat ciar, le carmi sabit rah hlomkhat ciar a zem hai. Cuih hnuah misenpi cu an inn ciar ah an tlung.
20 Amah David khal a innsang tong dingin a tin ve ih Saul ih fanu, a nupi Mikhal in a rak hmuak ih, “Tuih sun Israel siangpahrang cu a hmin a thang zet ual! A hnaòuantu fala pawl hmaiah mi-aa bangin puan paate thawn ningzah hman thiam lo in a laam ciamco kha!” tiah a rak ti.Ref 6:19, 20 1 San 16:43;
21 Cutikah David in, “A minung Israel mi hruaitu ah i tuah ih na pa le a sungkhat pawl lan tahrat in keimah sawn i hriltu Bawipa Pathian sunloihnak ah ka laam a si. Bawipa sunloihnak ahcun ka laam rero ko dingih,
22 mualpho sinsin khal ka si ko ding. Nang cun zianghman ah i siar lo ding, asinain na timi fala pawl cun in uar zet ding a si,” tiah a ti.
23 Saul ih fanu Mikhal cu a thih tiang faate a nei lo.