22
David Ih Ral Nehnak Lungawi Hla
(Saam 18)
1 Siangpahrang David cu Saul le midang a ral pawl kut sung ihsin Bawipa Pathian in a luatter tikah Bawipa ih hnenah a sakmi hla cu a tanglam pawl hi an si:
2 Bawipa cu ka Lungpi a si,
Amah cu ka ralhruang le i tlentu a si.
3 Ka Pathian cu ka beunak Lungpi le
ka himnak a si.
Amah in ralphaw bangin i hum ih,
i òan ruangah ka him a si.
Bawipa cu i runtu a si,
i hum ih thi luannak ihsin i luatter.
4 Bawipa cu ka ko ih,
Ka ral pawl ih kutsung ihsin i luatter.
5 Thihnak tilet cun i khuh ih,
Siatnak tisuar cu ka par ihsin a luang.
6 Thihnak in a hridai in i òem ih,
Thlan khur in thang i kam.
7 Ka thin a pit ih
Bawipa ih hnenah ka au,
Ka Pathian hnenah bomnak ka dil.
A biakinn sungah ka aw a thei ih,
Bomnak ka dilnak cu i run ngai.
8 Bawipa cu a thin a heng ruangah,
Leilung pumpi a hnin;
Vanhram tiangin a hnin òheh.
9 A hnar sung ihsin meikhu a suah,
A ka in mei-alh le meivam a suak.
10 Bawipa in van cu a run hliip ih
a rung òum,
Khawdur tla cu a ke hnuai ah a ret.
11 Cherubim to in a rung òum,
Thli parah cuangin
zamrang zet in a zam.
12 Khawthim sungah a zual aw ih,
Khawdur sah zet in a kulh.
13 A umnak hmaiih tleunak sungin,
Nimthlakau meivam a suak zohzo.
14 Cun Bawipa cu van ihsin
khuari bangin a hrum,
Cungnungbik Bawipa ih aw cu
a khawk durdo.
15 A conkiang pawl a kap ih,
A ral pawl an òhekdarh aw thluh.
A nimthla a kau ih,
A ral pawl an tlan thluh.
16 Bawipa in a ral pawl
a kawkih,
A thinheng in a hro hai tikah,
Tipi thuanthum ih tawdeng cu
a lang ih,
Leilung ih hramòohnak tiangin
an lang thluh.
A hnar ihsin a thaw
17 Bawipa in van ihsin
i run dawh ih i kai ngah,
A thukzet mi tidai sung ihsin
i suah ngah.
18 Ka hrangih a cak tukmi
ka ral pawl le
Keimah i huatu pawl ih
kut sungin i run zo.
19 Ka thin a pih laitak ah in do,
Asinan Bawipa cun i hum a si.
20 Phannak hmun ihsin i hruai suak,
Zalennak hmunah i thlenpi,
Ka parih a lung a awi ruangah
21 Midik ka si man cu
Bawipa in i pek a si;
Mawh nei lo in ka kut a fai ruangah
i thluasuah a si.
22 Bawipa ih in hmuhmi
lamzin ka thlun;
Ka Pathian hnen ihsin ka pial lo.
23 Amah ih daan hmuahhmuah
ka thlun,
A thupekmi pawl ka fehsan dah lo.
24 Sualnak cu ka hrial ih,
Soiselnak um lo ka si kha a thei.
25 Midik ka si man cu
Bawipa in i pek a si,
Mawh nei lo in ka kut a fai ruangah,
26 Rin tlakmi hnen ahcun
rin tlak Bawipa na si.
A famkimmi hnen ahcun
famkim Pathian na si.Ref 22:26 Saam 18:25;
27 A thianghlimmi minung parah cun
a thianghlim in na lang ih,
Mi hrokhrawl pawl hnen ahcun
an sualnak hawl fetfettu na si.
28 Mi hnuai dor pawl cu na run ih,
Mi hngal pawl cu na namthlak.
29 Maw Bawipa nang cu
ka mei-inn na si ih,
Ka thimnak hmuahhmuah na tleuter.
30 Ka ral pawl do dingah
thazang i pek,
An hauhruang pawl lan thei dingah
31 Hi Pathian ih thil tuahmi pawl cu
an famkim a si,
A thu pawl cu ziangtluk rin tlak so an si!
Beunak a hawltu hrangah cun,
Amah cu ralphaw a si.
32 Bawipa amah lawng Pathian a si,
Pathian Amah lawng hi
kan Lungpi a si.
33 Pathian cu ka beunak cak a si,
Amah in ka lamzin a tluangter.
34 Ka ke cu zukneng ke bangin
a zamrang ih,
Tlang parah khoh zet in i dinter.Ref 22:34 Hab 3:19;
35 Dar li hman nawp thei dingah,
36 Maw Bawipa,
na runnak phaw i pek,
I bawm ih mi mak ah i tuah.
37 Luat zet in ka ke i karter ih,
Rilh bahnak ka tong dah lo.
38 Ka ral pawl cu ka dawi hai ih
ka siatsuah thluh,
Ka neh thluh hlan lo ka kir dah lo.
39 Ka vuakthlu hai ih
an tho thei nawn lo;
Ka ke hramah an bokta.
40 Raldonak hrangah cahnak i pek,
Ka ral pawl ih parah nehnak i pek.
41 Ka ral pawl cu ka hnen ihsin
na tlanter;
I huatu pawl ka siatsuah thluh.
42 Bomnak an dil nain zohman in
an run thei lo;
Bawipa an ko nain
an aunak a let lo.
43 Ka rial hai ih leivut vekah an cang;
Ka pal hai ih lamzin ih
44 I dodaltu hnenin i luatter ih,
Miphun tampi tlunah
uktu bawi ah i tuah;
Ka theih dah lomi tla
ka ukmi ah an cang.
45 Ramdangmi tla ka hmaiah
an kuun ih,
Ka thupekmi an theih ve tein
an thlun.
46 Ramdangmi cu an thin a nau ih,
An ralhruang sung ihsin khur
47 Bawipa cu a nung!
Lungpi cu thangòhat uh,
Pathian cu cawisang sin uh,
Ka rundamnak Lungpi cu.
48 Ka ai ah phuba latu cu Amah a si,
Miphun tampi ka hnuai ah a ret.
49 I raltu pawl ih kutsung ihsin
i luatter.
Maw Bawipa,
ka ral pawl ih tlunah
nangmah in nehnak i pek;
Mi siatsuahtu pawl ih
kut ihsin i run zo.
50 Curuangah miphun zakip hnenah
Bawipa ka lo thangòhat ding;
Na hmin thangòhatnak cu
hla in ka sak ding.Ref 22:50 Rom 15:9;
51 Pathian in a siangpahrang hnen ah
nehnak a pek;
A cat lomi a duhdawtnak cu,
kumkhua in a langter;
A hril cia mi David le
a tesinfa pawl hnenah.