13
Amnon Le Tamar
1 Tikcu a rei vivo ih, David ih fapa Absalom in farnu pakhat Tamar timi a neihmi cu mimawi ngaingai a si. Cule David nupi dang ih fapa pakhat Amnon in Tamar cu a ngai.
2 Amnon cu Tamar a ngaituk ruangah a na; ziangahtile a co theinak lamzin a um hrimhrim fawn lo tiah a ruat. Tamar cu fala him a si ih mipa zohman an tongter dah lo.
3 Amnon in rualpi pakhat a nei ih a hmin cu Jonadab a si ih David ih u Shammah ih fapa a si. Jonadab cu mi depde a si ih,
4 Amnon hnenah, “Siangpahrang ih fapa na si nain ni khat hnu ni khat riahsia ninghang in ka lo hmu. Ziangruangah so a si, i sim hnik aw,” a ti.
Cutikah Amnon in, “Ka unau Absalom ih farnu Tamar ka ngai ruangah a si,” tiah a sim.
5 Jonadab in, “Ka na ti awla na ihkhun ah it aw. Na pa ih a ra lo veh tikah “Ka farnu Tamar ra sehla rawl i ra pe seh. Ka hmuh theinak ahhin rawl cu ra tuah sehla amah rori in rawl i pe seh,” tiah rak ti aw,” tiah Amnon cu a ti.
6 Curuangah Amnon cu a nater aw ih a it.
Siangpahrang David in a ra veh tikah, Amnon in, “Tamar ratter awla hitawk ka mithmuh ahhin sang ra tuah seh, cule amah rori in i pe sehla ka duh,” tiah a rak dil.
7 Cule David in Tamar hnenah thu a cah ih, “Amnon umnak ah va feh awla rawl va tuah sak aw,” tiah a fial.
8 Tamar cu a va feh ih Amnon cu ihkhun parah a va hmu. Sangvut a lak ih a nawng ih Amnon ih hmai ahcun sang a tuah. Cule a sang cu a rawh ih,
9 a rawhnak kheng sungin a suah ih Amnon cu a pek. Asinan a ei duh lo. Amnon in, “Midang hmuahhmuah cu khualeng ah suak thluh hai seh,” tiah a ti ih an suak thluh.
10 Cule Tamar hnenah, “Ka ihkhun ahhin sang cu rak keng awla, nangmah kut rori in i ra baar aw,” tiah a ti. A rawhòheh pektemi sang cu a lak ih Amnon ih hnen ahcun a fehpi.
11 Sang a pek lai ah Amnon in Tamar cu a kai ih, “Ka hnenah rung it aw,” tiah a ti.
12 Cutikah Tamar in, “A si lo, ka it lo ding. Hramhram in cuvek thil mawilo cu i tuahter hlah. Cuvek cu Israel mi pawl ih tuah keelmi a si lo. Cubangtuk thil borhbah cu tuah hlah.
13 Ziangtinso mi hmaiah ka mit ka men ngam nawn ding? Cule Israel ram sungah nang cu mualpho in na um ding. Siangpahrang va tong sawn awla keimah òhit ding cu a lo el lo ding, tiah ka zum,” a ti.
14 Asinan Tamar ih òong cu a ngai duh lo. Thacakdeuh a si vekin Amnon in Tamar cu a kaihrem ih a sualpi.
15 Cu òheh ve tein Amnon in Tamar cu a mitkem ih a hua ngaingai. A hmaisa ih a rak ngainak hnakin a hnu ih a huatnak cu a nasasawn. Curuangah Tamar cu, “Tho awla tlan aw!” tiah a dawi.
16 Cutikah Tamar in, “Si hlah e, cuti menih i dawi asile ka thang i siatter zomi hnakin a sia sawn ding a si,” a ti.
Sikhalsehla a thu cu Amnon in a ngai duh cuang lo.
17 A hnenum pakhat a ko ih, “Hi nu hi ka mithmuh ah um hlah seh. A ban in innleng ah suahhlo awla sangka hren aw,” tiah a fial.
18 Hnenumpa in a suah ih sangka cu tawh a hren.
Tamar cu a cuih san siangpahrang fanu, pasal nei hrih lo fala pawl ih an hruk òheumi korfual, a ban a saumi a hruk.
19 A cuih a korfualpi cu a thlek òheh ih a lu ah vutcam a phulh aw ih a hmai hup aw in napi òap phahin a feh.
20 A òapa Absalom in, “Amnon in a lo hmuhsuam maw si? Ka farnu, ngui thlang aw, ziangahtile Amnon cu na òapa a si ve ih midang hnen khalah phuang hlah aw. Cutluk lawmmam ih riahsiat ding a si lo,” tiah a rak ti. Cutiin Tamar cu Absalom ih inn ah riahsia ninghang le lungleng in a um.
21 A cuih thu cu siangpahrang David in a theih tikah a thin a heng ngaingai.
22 A farnu Tamar a kai ih a sualpi ruangah Absalom in Amnon cu a hua ngaingai ih a biak hman a bia duh nawn lo.
Absalom In Phu A La
23 Cuih hnu kum hnih ah Efraim khua kiangih Baal Hazor ah Absalom in a tuu pawl an hmul a metter. Cuih puai ahcun Absalom in siangpahrang ih fapa pawl hmuahhmuah ra tel dingin a sawm thluh.
24 A pa David hnenah a feh ih, “Siangpahrang bawipa, ka tuu pawl an hmul ka metter ih cutawkah na kuthnuai bawi pawl thawn na ra ve lo ding maw?” tiah a va sawm.
25 Siangpahrang David in, “Kan ra lo pei, ka fapa. Kan zate ih kan rat ahcun kan lo zonzaihter tuk ding,” tiah a ti. Absalom cun a hnek rero nain siangpahrang in feh ding a lungkim cuang lo ih, va feh aw, a ti ih Absalom cu thluasuah a pek.
26 Sikhalsehla Absalom in, “Cuti asile ka u Amnon tal cu na thlah pei cu!” a ti.
David in, “Ziangahso a feh ding?” tiah a ti.
27 Asinan Absalom in a leem rero ruangah a netnak ahcun David in Amnon le a fapa dang pawl cu Absalom hnen ahcun a fehter.
Absalom in siangpahrang ei ding tlak in rawl thaw zet in a dar hai.
28 Cule Absalom in a hnenum pawl hnenah, “Amnon hi zoh thup uhla zu mawng nawn ih a um tikah, “That uh,” tiah thu ka lo pe leh ding. Òih hlah uh. Keimah ih thupek a si lo maw? òhukòhun duh hlah uh. Ralòha zet in tuah mai uh,” tiah a tiam.
29 Absalom ih thupek vekin a hnenum pawl in Amnon cu an that. David ih fapa dang pawl cu zamrang in an laak an to ih an tlan thluh.
30 An inn an thlen hlanah David hnenah, “Absalom in na fapa pawl a that thluh; pakhat hman an luat lo,” tiah thu a thang.
31 Cutikah siangpahrang cu a ding vukvi ih a riahsia in a hnipuan a thlek thluh ih zial parah a hlon aw. A kiangkap ih a ummi a hnenum pawl khalin an hnipuan an thlek thluh ve.
32 Culaifang ah David ih u Shammah ih fapa Jonadab cu a ra ih, “Maw siangpahrang, na fapa an zate in an that lo. An thah mi cu Amnon lawng a si. Amnon ih a farnu Tamar a sualpi vete khan hivek thil hi a tuah leh ding, ti cu Absalom ih mithmai ah na hmu thei ko a sisi.
33 Curuangah na fapa pawl an zate in an thi tiih na theihmi thu cu zum duh hlah. Amnon lawnglawng a thi a si,” tiah a sim.
34 Cuih sungah Absalom cu a rak tlanhlo zo.
Cule kotka kiltu ralkap pa in Horonaim lamzin ih tlangpar ihsin mi burpi an run kha a hmu. Zamrang in siangpahrang hnenah a feh ih, “Horonaim lamzin ih tlangpar ihsin mi tam nawn an rung ka hmu,” tiah a sim.
35 Cutikah Jonadab in, “Khi a rungmi pawl khi an ra ding ka lo ti cia mi na fapa tla an si,” tiah a ti.
36 Cutiih a sim òheh ve tein David ih fapa pawl cu an rung thleng. An òap ciamco ih David le a kuthnuai bawi dang pawl khal napi in an òap ve.
37 Absalom cu a tlan ih Ammihud ih fapa, Geshur ram siangpahrang, Talmai hnenah a relh. Cun David cu a fapa Amnon ngai in reipi a um.Ref 13:37 2 Sam 3:3;
38 Geshur ram ah Absalom cu kum thum a um.
39 David cu a mithi ngai a reh deuh thlang ih a fapa Absalom riangri a ngai zet.