11
David Le Bathsheba
1 Òhal a hung suakih siangpahrang pawl ral an do tikcu a thlen tikah, David in Joab le a kuthnuai bawi pawl le Israel ralkap pawl cu ral do dingah a kuat. Ammon ralkap pawl an neh ih an khuapi Rabbahg Rabbah timi hi tuih san Jordan ram ih an khuapi Amman khi a si. cu an kulh. Asinan David cu Jerusalem ah a rak um.Ref 11:1 1 San 20:1;
2 Nikhat zanlam ah David cu sunih a colhnak ihsin a tho ih a inn diphun parah a kai. Diphun parih a feh rero lai ahh Diphun parah a feh ti tikah an inn par a rawn ruangah a si. nunau pakhat ti a kholh awk laifang a hmu. Cunu cu mimawi ngaingai a si.
3 Curuangah zo a si, ti theih duh ah mi pakhat a thlah ih Eliam ih fanu Hit mipa Uriah ih nupi Bathsheba a si, ti a thei.
4 Bathsheba va hruai dingah David in midang a thlahsal ih a hnenah an ratpi. Cule David cun a ihpi. (Bathsheba cu thlatin thi a neihmi nunau daan thianfainak a tuah òheh pekte a rak si.) Cuih hnuah a inn ah a tin.
5 Cule nau ka keng a si, ti a theih tikah David hnenah thu a cah.
6 David in, Joab hnenah mi a thlah ih, “Hit mi Uriah kha ka hnenah rak thlah aw,” a ti. Curuangah Joab in Uriah cu David hnenah a thlah.
7 Uriah a thlen tikah David in ralkap pawl ih thu le an raldonak thu pawl a rak sut.
8 Cule a hnenah, “Inn ah va tlung awla va cawl hrih aw,” tiah David in a ti. Uriah cu a tlung ih a inn ah David in laksawng tla a kuat.
9 Sikhalsehla Uriah cu a inn ah a thleng lo. Siangpahrang inn kotka ih siangpahrang kiltu pawl hnenah a riak.
10 David in Uriah cu a inn ah a tlung lo, ti kha a theih tikah a ko ih, “Tikcu reipi hnuah na ra tlung sikhawh, ziangahso na inn ih na tlun lo?” tiah a sut.
11 Cutikah Uriah in, “Israel le Judah ralkap pawl cu lamhlat zet ah raldo in deu sungah an um ih Thukam Kuang khal an hnenah a um. Ka bawipa Joab le a kuthnuai bawi dang pawl tla hramlak ah an riak a si. Culaifang ah ziangtinso ei le in dingah le ka nupi hnenih it dingah ka inn ahcun ka tlun thei ding? Cuvek cu ka tuah hrimhrim lo ding, tiah siatcam in thu ka kam a si,” a ti.
12 Cutikah David in, “Tuih sun cu hitawkah um awla thai sun ah ka lo kuatkir ding,” tiah a ti. Curuangah a cuih sun cu Jerusalem ah a um.
13 A thai sun ah Uriah cu David in zanriah a dar ih zuri ko in a tulh. Asinan a cuih zan khal inn ah a tlung cuang lo. Amah ih puan sin in siangpahrang inn kiltu pawl hnen thotho ah a riak.
14 A thaizing ah David in Joab hnenah ca a ngan ih Uriah ih kut in a kuat.
15 A ca sungah cun, “Uriah hi ral a hrannak bik, hmailam bik ah rak fehter aw. Cule dunglam ah siipsan awla ral pawl in that hai seh,” tiah a ngan.
16 Curuangah Ammon mi khuapi an kulhnak ih ral a hrannak bik ah Uriah cu Joab in a fehter.
17 Ral pawl cu khuasung ihsin an ra suak ih Joab ih ralkap pawl thawn an do aw. David ih ralbawi pawl hrekkhat cu an that ih Uriah khal an that a si.
18 Cule an doawknak thu cu Joab in David hnenah a than.
19 A thlahmi pa ih hnenah, “Kan raldonak thu a zaten na sim òheh tikah,
20 siangpahrang cu a thin a heng men dingih, “Ziangahso Ammon mi do dingah an khuapi naih tuk ah nan va feh? An khua kulhnak phar parih sin li le thal thawn in kap ding, ti nan thei lo maw si?
21 Jerubbeshethi Jerubbesheth hi Jerub-Baal ti le Gideon ti tla in an ko. ih fapa Abimelek an thahnak tla nan hngilh zo maw si? Thebez khua ah nunau pakhat in phar par ihsin fang rialnak lungto tumpi a parah a run thlak ih a thi a si kha! Cuti asinain ziangahso phar kiang tuk ah nan feh?” tiah a lo ti asile, “Na ralbawi, Hit mi Uriah tla an that a si, ti aw,” tiah a cah.Ref 11:21 Thuò 9:53;
22 A thlahmi pa cu David hnenah a feh ih Joab ih thucah mi vekin a sim òheh.
23 David hnenah, “Kannih hnakin ral pawl cu an cak deuh ih an khuapi sung ihsin an ra suakih khualeng ah kan do aw. Asinan an khua ih kotka tiang kan dawikir.
24 Cule an òannak phar parih sin thal thawn in kapih bawipa, na ralbawi hrekkhat an thi, Uriah khal an that a si,” tiah a ti.
25 Cutikah David in cumi pa ih hnenah, “Joab cu va sim awla a thinnau hlah seh, ziangahtile raldonak ahcun zo a thi ding, ti sim a theih ual lo. Nasa deuh in an khuapi cu do aw sehla lak suak rak tum seh,” tiah a ti.
26 Cule a pasal a thi ti kha Bathsheba in a theih tikah mithi ngai in a um.
27 A mithi ngai a reh tikah David in mi a thlah ih siangpahrang ih inn ah an va hruai. Cutiin a nupi ah a cang ih fapa a hrin. Sikhalsehla David ih thil tuahmi parah Bawipa cu a lung a awi lo.