7
1 Curuangah Bawipa ih Thukam Kuang cu Kiriath Jearim khua mi pawl in an phur ih, tlang parih a ummi Abinadab ih inn ah an ret. Abinadab ih fapa Eleazar kha a kiltu dingah an fial ih Pathian hnenih pumpeknak an tuah sak.Ref 7:1 2 Sam 6:2-4; 1 San 13:5-7;
Samuel In Israel A Uk
2 Kiriath Jearim khua ah Bawipa ih Thukam Kuang cu kum kul lai a um. Hi sung hmuahhmuah ah Israel mi pawl in Pathian hnenah bomnak dil in an ai-hram ringring.
3 Cutikah Samuel in, “Nan thinlung taktak ih Bawipa nan pan duh a si ahcun ramdang khawzing pawl le Astartes khawzingnu ih zuk pawl hi nan hlon òheh pei. Nan nunnak a zate in Bawipa ih hnenah pek òheh uhla amah lawng biak uh. Cuticun Filistin mi pawl ih nehnak sung ihsin Bawipa in a lo luatter ding a si,” tiah a ti.
4 Curuangah Israel mi pawl in Baal khawzing le Astartes khawzingnu ih zuk pawl cu an hlon òheh ih Bawipa lawnglawng an biak.
5 Cule Israel mi pawl cu Mizpah khua ah tongkhawm aw dingin Samuel in a cah hai ih, “Cutawkah Pathian hnenah nan hrangah thla ka cam ding,” a ti.
6 Curuangah Mizpah ahcun an tong aw khawm òheh. Tidai an khai ih Bawipa ih hnenah thawinak peknak ah tidai cu an thlet. Cule sunvu rawl an ul. “ Bawipa ih parah kan sual a si,” tiah an sual an phuang. Mizpah ah Israel mi pawl ih thu an neihmi cu Samuel in a òhen sak.
7 Israel mi pawl Mizpah ih an khawm awk òhehnak thu cu Filistin mi pawl in an rak theih tikah ra do dingah Filistin ih lal panga le an ralkap pawl cu an pok. Cuih thu cu Israel mi pawl in an theih tikah an òih ngaingai ih,
8 Samuel hnenah, “Filistin pawl ih kut sungin in run suak theinak dingah Bawipa kan Pathian hnenah cat lo in thlacam aw,” tiah an ti.
9 Cutikah Samuel in tuufaate a that ih a pum in mei-ur thawinak ah Bawipa ih hnenah a pek. Israel mi bawm dingah Bawipa ih hnenah Samuel in thla a cam ih a thlacamnak cu Bawipa in a theih sak.
10 Samuel in thawinak a pek rero laifangah, rin lopi in Filistin mi pawl in an run nam ciamco. Cutikah Bawipa in van ihsin khawripi in a ron tlir durdo ih Filistin mi pawl cu thinphang in an buai ih an tlan thluh.
11 Cuve tein Israel mi pawl cun Filistin mi pawl cu Mizpah ihsin Bethkar thleng tiang an dawi hai. An dawinak lamtluan ah Filistin mi pawl cu an that phah vivo.
12 Cule Samuel in lungto a lak ih Mizpah le Shen khua karlak ah a phun ih, “ Bawipa in lamzin tluan in bawm a si,” a ti ih “Ebenezer,”a Ebenezer ti cu Bomnak lungto tinak a si. tiah hmin a sak.
13 Cutiin Filistin mi cu ral an sung ih Samuel ih nunsung hmuahhmuah Israel ram do thei lo dingah Bawipa in a kham.
14 Ekron le Gath khua karlak ih a ummi khua hmuahhmuah Filistin mi pawl ih an lonmi khua pawl cu Israel mi hnenah an peksal ih cuticun Israel mi in an ram hmuahhmuah cu an ngahsal a si. Cule Israel mi le Kanaan mi karlak khalah remnak a um.
15 Samuel cu a nunsung hmuahhmuah Israel uktu a si.
16 Kumtin tein Bethel, Gilgal le Mizpah ah a feh ih thubuainak a ummi pawl thu a òhen sak vivo.
17 Cuih hnuah Ramah khua ih a inn ah a kirsal òheu ih Ramah khalah cun Israel pawl ih thuòhentu a òuan. Cule Ramah khua ah Bawipa hrangah biakòheng a don.