21
David A Tlan
1 David cu Nob khua puithiam Ahimelek hnenah a feh ihRef 21:1-6 Mat 12:3, 4; Mar 2:25, 26; Luk 6:3; Ahimelek cun thinphang zet in a rak hmuak; “Ziangahso nangmah lawng na rat? Zotal ih an lo thlun lo?” a rak ti.
2 Cutikah David in, “Siangpahrang in hnaòuan i fial ruangah ka ra a si. Cuih i fialmi thu cu zohman sim lo dingah i tiam fawn. Ka ralkap pawl cu hmunkhat khatih i tong dingin ka tiam hai a si.
3 Cun ei ding ziangso na neih? Sang zawlnga asilole na neihmi pohpoh i pe aw,” tiah a dil.
4 Cule puithiam cun, “Sang menmen pawl ka nei lo. Ka neihmi cu sang thianghlim a si. Na ralkap pawl in tunai hrawngah nunau an pawl lo a si ahcun nan ei thei ko ding,” tiah a ti.
5 Cutikah David in, “Nunau an pawl hrimhrim lo. Nunau hrimhrim kan hnenah an um lo. Thupi um lem lo ih khual kan tlawn hmanah ka ralkap pawl cu, an thuamhnaw pawl thawn, thianghlim zet in an um ringring. Atu cu a hleice ih thupi mi hnaòuan kan neih ruangah a hleice in an thianghlim a si,” tiah a ti.
6 Curuangah puithiam Ahimelek in David cu sang thianghlim a pek, ziangahtile a neihmi sang cu Pathian hrangih hunmi sang lawng a si ih cabuai thianghlim ihsin an lak zomi, a ai ah sang thar tla an retsal zomi, sang a si.Ref 21:6 Pui 24:5-9;
7 Cule Edom mi Doeg cu Pathian biak ah cutawk ahcun a rak um ve ngelcel. Doeg cu Saul siangpahrang ih tuukhaltu pawl hotu a si.
8 David in Ahimelek hnenah, “Keimah pek dingah fei asilole nam tal na nei maw? Siangpahrang in zamrangih i fial ruangah ralnam zianghman ka la man lo,” tiah a ti.
9 Cutikah Ahimelek in, “Elah Rawn ih na thah mi Filistin mi Goliath ih ralnam cu ka nei. Puithiam òaangthlaih angki ih phenah puan in kan tuam ih a um ko. Hinah cumi lawng hriamnam a um. Na duh asile la aw,” tiah a ti.Ref 21:9 1 Sam 17:51;
David in, “I pe aw. Khuihman ah hibangtuk ralnam a um lo,” tiah a ti.
10 Cun David cu a fehsal. Saul ih hmuh thei lonak ah a feh ih Gath ram siangpahrang Akhish hnenah a va thleng.
11 Gath ram ih bawi pawl cun an siangpahrang Akhish hnenah, “Hi pa hi amah ram ih siangpahrang a si vemi David a si lo maw? “Saul in a thawng a sawm in a that ih David cun a thawng a za in a that,” tiah nunau pawl an laam phah ih hla ih an phuah mi pa kha amah hi a si,” tiah an ti.Ref 21:11 1 Sam 18:7; 29:5;
12 An òong cu David in a thei thluh ih curuangah Gath siangpahrang Akhish cu David in a òih ngaingai.Ref 21:12 Saam 56 Thulu.
13 Curuangah an zate ih hmuh ah a aa awter. An hmai ahcun a umdan a lamdang awter ih an khua ih kotka par tla ah thuphan pipi a ngan ih, a cil tla cu a khahmul parah a luang thluahthlo.Ref 21:13 Saam 34 Thulu.
14 Curuangah Akhish in a kuthnuai bawi pawl hnenah, “Hi pa hi a aa a sisi. Ziangahso ka hnenah nan ratpi?
15 Mi-aa ka hlawhsam ah maw si nan ruat? Ka inn sung hnaihnoktu dingah ziangahso hi mi-aa pa hi nan rak hruai?” tiah a ti.