19
Saul In David Harsatnak A Pek
1 Saul in David thah tengteng a tumnak thu kha a fapa Jonathan le a kuthnuai bawi pawl a sim. Jonathan in David cu a duh zet ruangah,
2 “Ka pa in thah a lo tum a si. Thaizing cu ralring awla hmun thup pakhatkhat ah rak relh aw.
3 Hramlak na umnak ih ka pa a rat tikah ka rak thlun ve dingih na thuhla cu ka sim ding. Thu theihmi ka nei asile ka lo sim ding,” tiah David cu a ti.
4 Cule a pa ih hnenah Jonathan in David òhatnak thu a sim ih, “Bawipa, David na salpa hi a siatnak tuah hlah aw. Anih in na parah zianghman siatnak a tuah dah lo ih a tuahmi hmuahhmuah cu na hrangih a òhahnem mi sawn an si.
5 Goliath a thah lai ahkhan a nunnak hman ruat lo in a tuahmi a si ih Bawipa in Israel hrangah ral tumpi a neh a si. Cumi na hmuh tikah na lung a rak awi zet. Cuti a si ruangah ziangahso mawhnak nei lomi David cu ziang thu hman um lo in a thah na tum?” tiah a ti.
6 Jonathan ih thusimmi cu Saul in a ngai ih Bawipa in hmin saal in, “David cu thah a si lo pei” tiah thu a kam.
7 Curuangah Jonathan in David cu a ko ih a pa ih òongmi hmuahhmuah cu a sim òheh. Cuih hnuah a pa ih hnenah a fehpi ih David cu a hlan bangtukin siangpahrang ih hnaòuantu ah a cangsal.
8 Israel le Filistin pawl ral an do aw sal ih David in a nam hai ih nasa zet in a neh ruangah Filistin pawl cu a suk le a so ah an tlan òheh.
9 Nikhat ah Bawipa ih thlahmi thlarau òha lo in Saul cu a kai lala ih a inn sungah Saul cu feipi kengin a to. David cu Saul hrangah òingòang a tum rero.
10 Culaifang ah Saul in feipi cun a khawh ih David a rak pet man ruangah a feipi cu phar parah a phun aw cukci. David cu a tlan ih a luat.
11 Saul in a cuih zan ah David ih inn va thlingthla dingah le a thaizing ih David that dingah mihrek khat a thlah. Asinan a nupi Mikhal in, “Tuih zan ih na tlan lo asile thaizing ahcun na thi rori ding,” tiah ralrinnak a pek.Ref 19:11 Saam 59 Thulu.
12 A nupi cun sangkate ihsin a lengah a vun thlak ih David cu a tlanhlo ih a luat.
13 Cun an innsang milem a lak ih an ihkhun parah Mikhal cun a ret. Me hmul ih tuahmi lukham a lu lamah a ret ih puan in a khuh.
14 Cule Saul ih milai pawl David kai dingih an rat tikah Mikhal in, “David a dam lo a si,” tiah a rak ti.
15 Asinan Saul in, “Nan mit hrimhrim in va zoh uh. A ihkhun thawn hitawkah rak zawn uhla ka that ding,” tiah a ti ih a minung a thlahsal.
16 David inn sungih an vung luh tikah ihkhun parah innsang milem le a lu lamih mehmul in tuahmi lukham cu an hmu.
17 Cutikah Saul in, “Ziangahso hitiin i bum ih ka ral na luatter?” tiah Mikhal cu a sut.
Cule Mikhal in, “Ka luatnak ding i bawm aw. Culole ka lo that ding, i ti ruangah a si,” tiah a ti.
18 David cu a tlan vivo ih Ramah khua ah Samuel hnenah a va thleng. Saul in a parih a tuahmi hmuahhmuah cu Samuel a sim thluh. Cuih hnuah David le Samuel cu Naioth ah an feh ih cutawkah an um.
19 David cu Ramah khua kiang Naioth khua ah a um, tiah Saul an sim.
20 Curuangah David kai dingah Saul in mi a hei thlah. Naioth khua an thlen tikah Samuel ih ho in profet pawl profet òong in an òong ih an phun an tlok ruri kha an hmu. Cutikah Saul ih milai pawl khal Pathian ih thlarau in a kai ih an phun an tlok ciamco ve.
21 Cuih thu Saul in a theih tikah mi tam deuh a thlah. Asinan annih khal cuti thotho in an um ve. Veithum tiang mi a thlah ih cuti thotho cun an um.
22 Cuih hnuah amah Saul siangpahrang rori a pok ih Ramah ahcun a feh. Seku an timi tikhur tumpi a va thleng ih, cutawkah Samuel le David umnak a suh tikah Ramah kiang Naioth khua ah an um, tiah mi in an rak sim.
23 Lamzin ih a feh lai ah Bawipa ih thlarau in Saul khal cu a kai ve ih profet òong in a òong ih phun phah le tlok phahin Naioth cu a va thleng.
24 Samuel ih hmuhhngan ah a hnipuan a hlit òheh ih a phun a tlok ciamco. Cuticun a lawngfangkheh in sunvu le zanvar cutawkah a it.
Curuangah, “Saul khal profet a si ve maw si?” tiih òongòhimnak ih a canta-nak a si. Ref 19:24 1 Sam 10:11, 12;