16
David Hriakculhnak
1 Bawipa in Samuel hnenah, “Ziangtik tiang so Saul hrangah na riah a siat ding? Israel siangpahrang a sinak in ka hnong zo a si. Curuangah olif siti malte in la awla keng aw. Bethlehem khua ah Jesse an timi pa hnenah ka lo thlah ding. Ziangahtile a fapa pawl lakin pakhat cu siangpahrang dingah ka hril zo a si,” tiah a ti.
2 Cutikah Samuel in, “Cumi cu ziangtinso ka tuah ngam ding? Saul ih a theih a si ahcun i that ding a sisi,” tiah a ti.
Bawipa in, “Caw faate pakhat hei hruai phah awla Bawipa ih hnenah thawinak pek dingah ka ra tiah ti aw.
3 Jesse kha thawinak peknak ah sawm awla cuih hnuah na tuah dingmi cu ka lo sim ding. Hriak culh aw, ka lo timi pa cu siangpahrang si dingah hriak na culh pei,” tiah a ti.
4 Bawipa ih a tivek cun Samuel in a tuah ih Bethlehem ahcun a feh. Bethlehem khuasung ih upa pawl cun an rak hmuak ih khur rero in, “Thu òha thawn in ra tlawng a si maw?” tiah an rak sut.
5 Samuel in, “A si, Bawipa ih hnenah thawinak pe dingah ka ra a si. Thiangfai awter uhla ka hnenah ra uh,” tiah a ti. Jesse le a fapa pawl khal thiangfai aw dingin a sim ih thawinak ahcun a sawm hai.
6 An ra thlen tikah Jesse ih fapa Eliab cu Samuel in a hmuh tikah a thinlung tein, “ Bawipa hmaiih a dingmi a fapa hi Pathian hrilmi a si rori ding,” tiah a ruat.
7 Asinan Bawipa in a hnenah, “Hi pa hi mi sang zet le mi piang zet sihmansehla zoh duh hlah. Amah cu ka hnon zomi a si, ziangahtile milai zohdan in kei Bawipa cun ka zoh lo. Milai cun a lenglam thil nan zoh, kei cun an thinlung ka zoh a si,” tiah a ti.
8 Cun Jesse in a fapa Abinadab a ko ih Samuel hnen ahcun a ratpi. Asinan Samuel in, “A si lo, anih cu Bawipa ih hrilmi a si lo,” a ti.
9 Jesse in a fapa Shammah a rak hruai ih Samuel in, “Anih khal Bawipa ih hrilmi a si lo,” a ti lala.
10 Cutiin Jesse cun a fapa pasarih pawl cu Samuel ih hmaiah a rak hruai òheh nain Samuel in, “Pakhat hman Bawipa ih hrilmi a si lo,” tiah a ti.
11 Cuih hnuah Samuel in, “Fapa dang na nei nawn lo maw?” tiah a sut.
Jesse in, “A nauta bik pa a um lai nain hramlak ah tuu a khal,” tiah a ti.
Cutikah Samuel in, “Amah cu ko awla ra seh. A rat hlan lo Bawipa ih hnenah thawinak kan pe hrih lo ding,” tiah a ti.
12 Curuangah Jesse in a ko. David cu mi piang zet, mi harhdam zet tlangval note a si ih a mitmen tla cu a òha ngaingai. Bawipa in Samuel hnenah, “Ka hrilmi cu amah a si, hriak culh aw,” tiah a ti.
13 Samuel cun olif hriak a lak ih a unau pawl ih hmai ahcun David cu hriak a culh. Cule Bawipa ih thlarau cu a cuih ni ihsin thokin David hnenah nasa zet in a thleng. Cuih hnuah Samuel cu Ramah ah a tlung.
Saul Ih Inn Ah David A Thleng
14 Bawipa ih thlarau in Saul cu a tlansan ih Bawipa ih fialmi thlarau òha lo in a hrem.
15 A hnenum pawl in, “Pathian ih fialmi thlarau òha lo in a lo hrem a si, ti kan thei.
16 Curuangah bawipa, thu in pe awla òingòang tum a thiam zetmi kan hawl pei. Thlarau òha lo in a lo kaih tikah amah cun òingòang a tum pei ih na òhasal ding a si,” tiah an ti.
17 Cutikah Saul in, “Òingòang tum a thiam zetmi cu i hawl sak uhla rak hruai uh,” tiah thu a pek.
18 Cule a hnenum pakhat pa in, “Bethlehem khuami Jesse in òingòang tum thiam zet fapa pakhat a nei. Amah cu mi ralòha zet a si ih raldo tla a thiam zet. Thusim a thiam ih a piang zet fawn. A hnenah Bawipa a um a si,” tiah a ti.
19 Curuangah Saul in Jesse hnenah mi a thlah ih, “Tuu a khaltu na fapa David cu ka hnenah rak thlah hram aw,” tiah a cah.
20 Curuangah Jesse cun sabitti saphaw thawl khat le meete pakhat le sang an phurhter mi laak pakhat thawn David cu Saul hnenah a thlah.
21 David cu Saul hnenah a va thleng ih Saul ih hnaòuantu ah a cang. Cun Saul in David cu a duh zet ih a hriamnam kengtu ah a tuah.
22 Cule Saul in Jesse hnenah, “David cu ka duh zet a si. Ka hnenah um hrih ko seh,” tiah thu a cah.
23 Cun Pathian ih fialmi thlarau òha lo in Saul cu a kai òheu ih cutiih a kaih tinte David in a òingòang a lak ih a tum òheu. Cutikah thlarau òha lo cu a tlansal ih Saul cu a òha deuh ih a damsal òheu.