21
Van Thar Le Lei Thar
1 Cuih hnuah van thar le lei thar ka hmu. A hmaisa ih a rak ummi van le leilung kha cu an hlota ih tifinriat khal a um nawn lo.Ref 21.1 Isa 65:17, 66:22; 2 Pit 3:13;
2 Cule Khuapi Thianghlim Jerusalem thar cu, a pasal dingmi tong dingah cei aw in a timtuah aw mi mo vekin Pathian hnen vancung ihsin a rung òum kha ka hmu.Ref 21.2 Isa 52:1, 61:10; Thup 3:12;
3 Bawi tohkham ihsin aw ring zet ka thei ih, “Pathian umnak inn cu minung hnenah a si zo. Amah cu an hnenah a um dingih annih tla cu amah ih minung an si ding. Pathian amah rori an hnenah a um dingih an Pathian a si ding.Ref 21.3 Ezk 37:27; Pui 26:11, 12;
4 An mitthli hmuahhmuah a hnul sak ding. Thih a um nawn lo ding; ninghang riahsiat, aihram òahnak le natnak a um nawn lo ding. Ziangahtile thil hlun pawl cu an hlo òheh zo,” tiah a ti.Ref 21.4 Isa 25:8, 35:10, 65:19;
5 Cule bawi tohkham parih a totu in, “Zoh hnik uh, thil hmuahhmuah a thar in ka tuah a si,” tiah a ti. Ka hnenah, “Himi thu hi ngan aw, ziangahtile a dikmi le zum tlak thu a si,” tiah i ti.
6 Cule, “Ziangkim òheh thluh a si zo. Keimah cu Alfa le Omega ka si, a thawhnak le a cemnetnak ka si. Zokhal ti a haaltu cu nunnak cerhti in dingah man lo in ka pe ding.Ref 21.6 Isa 55:1;
7 Nehtu hmuahhmuah in himi hi an co ding. An Pathian ka si dingih annih cu ka faale an si ding.Ref 21.7 2 Sam 7:14; Saam 89:26-27;
8 Sikhalsehla òihhrutmi, zumnak bansantu, fihnungza tuahtu, mi a that hrimtu, nupa sualnak a tuahtu, dawithiam pawl, milem a betu le thuphanpertu pawl ih umnak ding hmun cu kaat meilipi sungah a si dingih cumi cu vei hnih thihnak a si,” tiah i ti.
Jerusalem Thar
9 Vancungmi pasarih lakih a netabik, natsia pasarih in a khatmi kheng pasarih a kengtu in ka hnenah, “Ra aw, Tuufa ih nupi ding Mo cu ka lo hmuh ding,” tiah i ti.
10 Thlarau in i zeel ih vancungmi in a sang zetmi tlang parah i fehpi. Cule Jerusalem, Khuapi Thianghlim cu Pathian hnen vancung in a rung òum kha i hmuh.Ref 21.10 Ezk 40:2;
11 Pathian sunlawinak thawn a tleumi Khuapi a si; Jasper timi lunghring mankhung bangin a tleu ih thlalang bangin a fai.
12 A kimvel in a sang zetmi phar in an kulh ih kotka hleihnih a nei; cuih kotka cu vancungmi hleihnih in an kil. Cuih kotka ahcun Israel miphun hleihnih ih hmin an ngan.Ref 21.12-13 Ezk 48:30-35;
13 Siir khat ah kotka pathum fingfing an um: Nisuahnak lamah pathum, thlanglam ah pathum, saklam ah pathum le nitlaknak lamah pathum an um.
14 Khuapi kulhnak phar cu innhram òohnak lungto hleihnih parih phunmi a si; cuih lungto parah cun Tuufa ih tirhthlah hleihnih pawl ih hmin an ngan.
15 Ka hnenah i simtu vancungmi in khuapi le a phar le a kotka pawl tahnak ah sui tahfung a keng.Ref 21.15 Ezk 40:3;
16 Khuapi cu a kauhlam le a saulam le a saanlam a bang aw òheh. Vancungmi in a tahfung thawn cuih khuapi cu a tah: A saulam peng thawngkhat le zanga, a kauhlam peng thawngkhat le zanga a si ih a saanlam khal peng thawngkhat le zanga thotho a si.
17 Vancungmi in milai ih tahfung thawn phar khal a tah ih pi zahnih le hleiruk a sang.j 21:17 A sang timi hi a sah ti khal a si thei.
18 Phar cu Jasper timi lunghring mankhung in an tuah ih khuapi cu thlalang bangin a faimi sui hlir in tuahmi a si.Ref 21.18-21 Isa 54:11-12;
19 Khuapi hramòohnak lungto cu lungmankhung a phunphun in mawitermi a si. A pakhatnak cu jasper timi lunghring mankhung a si, a pahnihnak cu safaira timi mepian lungmankhung a si, a pathumnak cu agate timi hring-eu lungmankhung a si, a palinak cu emerald timi hringdup lungmankhung a si;
20 a panganak cu onix timi lungsen mankhung a si, a paruknak cu karnelian timi a sendupmi lungmankhung a si, a pasarihnak cu aihre le sui pian zia rawimi quartz lungmankhung a si, a pariatnak cu beriil timi mepian le a hring rawimi lungmankhung a si, a pakuanak cu topaz timi aihre lungmankhung a si, a pahranak cu khalsidoni timi a pawlmi lungmankhung a si, hleikhatnak cu turquoise timi a sen le aihre rawimi lungmankhung a si ih hleihnihnak cu amethyst timi a engmi lungmankhung a si.
21 Kotka hleihnih cu tikep lungmankhung hleihnih in tuahmi an si; kotka ih kipin tikep lungmankhung pakhat fingfing ih tuahmi an si. Khuapi lamzin cu sui hlir in tuahmi a si ih thlalang bangin a fai.
22 Cuih khuapi ah biakinn a um lo, ziangahtile a biakinn cu Ziangkimtithei Bawipa Pathian le Tuufa a si.
23 Ni le thlapi ih tleunak khal a òul lo, ziangahtile Pathian sunlawinak cu cuih khuapi ah a tleu ih an mei-inn cu Tuufa a si.Ref 21.23 Isa 60:19-20;
24 Leilungtlun mi hmuahhmuah in cuih khuapi tleunak thawngin fehnak an hmu dingih leilungtlun siangpahrang pawl in cuih khuapi sungah an lennak sumsaw an keng ding.Ref 21.24 Isa 60:3;
25 Cuih khuapi kotka pawl cu sun nihlawh in on an si ding; ziangtik hmanah an khar lo ding, ziangahtile cutawkah zan a um nawn lo.Ref 21.25-26 Isa 60:3;
26 Leilung miphun hmuahhmuah in an phun lennak le sunlawinak cu cuih khuapi ah an rak keng ciar ding.
27 Sikhalsehla cuih khuapi sungah a thiang lomi zianghman a lut lo ding; ningsinza thil a tuahtu le thuphanpertu khal an lut lo ding. Tuufa nunnak cabu sungih hmin nganmi lawng an lut ding.Ref 21.27 Isa 52:1; Ezk 44:9;