20
Kum Thawng Khat
1 Cule vancung ihsin vancungmi pakhat a rung òum ih a kut in tawpneilo khur onnak tawhfung le a rit zetmi thir cikcin a ken kha ka hmu.
2 Cuih vancungmi in khuahlanlai ihsin rulpi a simi rulhreng cu a kaih ih thir cikcin in a khit ih tawpneilo khur ahcun kum thawngkhat sung a thlak. Cuih rulhreng cu Khawsia asilole Satan timi cu a si.Ref 20.2 Sem 3:1;
3 Kum thawngkhat a kim hlanah cun zohman bum nawn hlah seh tiah cuih khur sungah cun tawh a hren ih hminsinnak tacik a khen cih. Cuih hnuah caan malte sung thlahsal a si ding.
4 Cule bawi tohkham pawl le a parih a totu, thuòhen theinak an hnenih pek a simi pawl ka hmu. Jesuh ih a phuanmi thutak le Pathian thu an phuan ruangih thah a tuartu pawl ih thlarau pawl ka hmu. Annih pawl cun sahrang an bia lo, a lem khal an bia lo; sahrang ih hminsinnak cu an cal ah siseh, an baan ah siseh, an nei lo. An nungsal ih siangpahrang tohkham parah to in Khrih thawn kum thawngkhat sung an uk.Ref 20.4 Dan 7:9, 22;
5 A dang mithi pawl cu kum thawngkhat a cem hlanah cun an thosal hrih lo. Himi hi mithi thawhsalnak hmaisabik a si.
6 Hibangtuk in mithi thawhsalnak a hmaisabik ih a teltu cu mi lungawi le mi thluasuak an si. Vei hnih thihnak in an tlunah thu a nei nawn lo. Pathian le Khrih hrangah puithiam an òuan dingih amah thawn kum thawngkhat sung an uk ding.
Satan A Sung
7 Kum thawngkhat hnuah Satan cu a thawng tlaknak ihsin suah a si dingih,
8 leilungtlun khuazakip ah òekdarhmi miphun pawl bum dingah a feh ding; cuih miphun pawl cu Gog le Magogi 20:8 Gog le Magog timi hi miphun tampi ih hmin tican a si. ti an si. Raldo dingah Satan in hmunkhat ah a finkhawm ding; anmah cu tifinriat kapih vunnel zat an si ding.Ref 20.8 Ezk 7:2, 38:2, 9, 15;
9 Leilungtlun khuazakip ah an feh ih Pathian minung pawl umnak hmun le a duh zetmi khuapi kha an kulh òheh. Asinan van ihsin meisa a rung tla ih a kang that òheh hai.
10 Cule anmah bumtu Satan cu sahrang le profet deu an hlonnak, kaat meilipi sungah an hlon. Cutawkah a sun a zanin hrem ringring an si ding.
Netabik Thuòhennak
11 Cule a maksak zetmi bawi tohkham raang le a parih a totu ka hmu. Bawi tohkham parih a totu mithmuh ihsin van le leilung cu an tlan ih hmuh theih an si nawn lo.
12 A thi cia mi pawl cu a tum a sen in bawi tohkham hmaiah an ding ka hmu. Cabu pawl an kau; cuih hnuah nunnak cabu timi cabu dang pakhat an kau lala. Mithi pawl cu cuih cabu sungih an rak khum cia mi an hnaòuan vekin an thu òhen a si.Ref 20.11-12 Dan 7:9-10;
13 Cule tifinriat in a sungih ummi mithi pawl a hun suah. Thihnak le mithi khua khalin an hren cihmi mithi pawl an hun suah ve. An zate in an hnaòuan cia mi vekin thuòhen an si òheh.
14 Cule thihnak le mithi khua cu tilipi vek a simi meilipi sungah thlak an si. Hi meilipi cu vei hnih thihnak kha a si.
15 Zokhal nunnak cabu sungih hmin ngan lomi cu meilipi sungah hlon an si.