18
Babilon Siatnak
1 Hi hnuah vancungmi pakhat vancung ihsin a rung òum ka hmu. Amah cu thuneihnak huham tum zet a nei ih a tleunak in leilung pumpuluk a vangter òheh.
2 Ring zet in a au ih, “Nunaunu a tlu zo! Babilon maksak cu a siat zo! Khawsia le thlarau borhbah in an luah ih a sungah fihnungza le mitkemza vate a phunphun in an khat.Ref 18.2 Isa 13:21, 21:9; Jer 50:39, 51:8; Thup 14:8;
3 Ziangahtile miphun hmuahhmuah in a taksa hiar sualnak zu an in ih an ri òheh. Siangpahrang pawl thawn tisa sualnak an tuah ih sumtuahtu pawl khal supnak nei lo a taksa hiar nomnak thawngin milian ah an cang,” tiah a ti.Ref 18.3 Isa 23:17; Jer 51:7;
4 Cule aw dang pakhat vancung ihsin ka thei ih,
“Ra suak uh, ka minung pawl,
Kha nu hnen ihsin ra suak uh.
A sualnak sungah tel hlah uh,
Hrem a tuarnak sung khalah
tel hlah uh.Ref 18.4 Isa 48:20; Jer 50:8, 51:6, 45;
5 Ziangahtile a sualnak cu
van tiang a thleng ih,
A òhatlonak cu Pathian in
a ciing ringring a si.Ref 18.5 Sem 18:20-21; Jer 51:9;
6 Nanmah a lo tuah vek cekci in
a parah tuah ve uh.
A tuahmi let hnih in phulei sam uh.
Nan in dingih a rawimi hnakih
let hnih cak in a in dingah
a khuathai sungah rawi sak uh.Ref 18.6 Saam 137:8; Jer 50:29;
7 Sunlawinak le nunnomnak
amah le amah a rak pekawk zat in,
natnak le riahsiatnak pe ve uh.
Ziangahtile a thinlung tein,
“Hinah ka to, siangpahrang
bawinu ka si, nuhmei ka si lo,
riahsiatnak ka tong dah lo ding,” a ti.Ref 18.7-8 Isa 47:7-9;
8 Hivek a si ruangah nikhat sungah
rinlopi in pulhnat in a tlun ding.
Natnak, riahsiatnak le paampi
a tong ding.
Meisa ih ur a tong ding.
Ziangahtile a thuòhentu
Bawipa Pathian cu
Ziangkimtithei a si,” tiah a ti.
9 A tisa sualnak le a taksa hiar nomnak sungih a teltu leilung siangpahrang pawl in Babilon khuapi meisa ih a kangnak meikhu an hmuh tikah an òap an ai ding.Ref 18.9-10 Ezk 26:16-17;
10 Cutiih a tuarnak an hmuh tikah tuar ve pang ding an òih ruangah hlavang ah an ding ih, “Ziangtluk òihnungza so a si! Ziangtluk tuksumza so a si! Khua maksak le a cakmi Babilon khualipi! Nazi pakhat sungah hremsiatnak na ton hi!” tiah an ti ding.
11 Leilungtlun sumtuah pawl khal cunu hremsiatnak a ton cu an ninghanpi ih an òap, ziangahtile zohman in an thilri an lei nawn lo.Ref 18.11 Ezk 27:31, 36;
12 Zohman in an sui, an ngun, an lungmankhung, an tikep lungmankhung le patzai in tahmi puan raang, mepian sendup puan, pu puan, puan sen le a ngah har zetmi thing ihsin tuahmi a phunphun, vuiho le thing mankhung ihsin tuahmi a phunphun, daar, thir, lungrang le,Ref 18.12-13 Ezk 27:12, 13, 22;
13 thinghawng hmui, masala, rimhmui, mura rimhmui, frankinsens rimhmui le sabitti le hriak, vainim le sangvut, caw le tuu, rang le rangleng, sal le minung khal zohman in an lei nawn lo.
14 Sumtuah pawl in cunu ih hnenah, “Nei ningla tiih saduh na thahmi thil òha hmuahhmuah an hloral òheh zo; na lennak le na sunlawinak kha an cem thluh zo ih ziangtik hmanah na ngahsal nawn lo ding,” an ti.
15 Cutawk khuapi sungah sumtuah tahrat ih a lianmi pawl in a tuarnak sungih tel ve pang ding an òih ruangah hlat zet ah anding ding. An riahsia in an òap dingih,Ref 18.15 Ezk 27:31, 36;
16 “Òihnungza a si! Tuksumza a si! Babilon khualipi cu! Patzai in tahmi puan raang, sendup puan le puan sen in a rak thuam aw òheu ih sui hlawnthil le lungmankhung le tikep lungmankhung in a cei aw òheu a si.
17 Asinan nazi pakhat sungah a hlawnthil hmuahhmuah cu a cemral òheh a si,” an ti ding.
Tangphawlawng mawngtu bawi pawl le lawng a totu mi hmuahhmuah, lawng hnaòuan pawl le tidai parih pumcawmnak a hawltu hmuahhmuah hlapi ah an ding ih,Ref 18.17 Isa 23:14; Ezk 27:26-30;
18 khuapi a kangnak meikhu an hmuh tikah, “Hi khualipi bangtuk khuapi ziangtik hmanah a um dah lo,” tiah an au.Ref 18.18 Ezk 27:32;
19 An lu ah leivut phulh aw in an òap an raak ih, “Òihnungza le tuksumza a va si so, hi khuapi hrangah cun! Tangphawlawng a nei ih ti parah sum a tuahtu hmuahhmuah cu hi nunau ih lennak thawngin milian ih an cannak khuapi a si. Asinan nazi pakhat sungah a neihmi hmuahhmuah a cemfai òheh a si!” an ti.Ref 18.19 Ezk 27:30-34;
20 Maw van, Babilon a siatral ruangah na lungawi aw! Maw Pathian mithiang pawl, tirhthlah pawl le profet pawl, lungawi aipuang in um uh! Ziangahtile nan parih a thiltuahmi ruangah Pathian hnen ihsin cawhkuan a tong zo.Ref 18.20 Daan 32:43; Jer 51:48;
21 Cule a cak zetmi vancungmi pakhat in lungto pakhat, fang rialnak lungtlep tumpi tia khi a khai ih tifinriat sungah a vun hlon ih, “Hibangtuk in Babilon khualipi cu vuakthlakmi bangin hlon a si dingih zohman in an hmusal nawn lo ding.Ref 18.21 Jer 51:63-64; Ezk 26:21;
22 Babilon khualipi òingòang tum thawng le minung awzai, phirivau tum thiam pawl in phirivau an tum thawng le tawtawrawt tum thiam pawl ih an tawtawrawt tum thawng cu na sungah a thang nawn lo ding. Ziangbangtuk hnaòuan a si khalle hnaòuantu na sungah an um nawn lo ding. Fang rial awn thawng na thei nawn lo ding.Ref 18.22 Ezk 26:13; Isa 24:8;
23 Ziangtik hmanah na sungah mei-inn a vang nawn lo ding. Nupi òhi tlangval aw siseh, mothar aw siseh, na sungah a leng nawn lo ding. Na sungih sumtuahtu pawl cu leilungtlun ah huham nei bik an si, sikhalsehla na dawithiamnak in leilungtlun mi hmuahhmuah cu na bum òheh a si,” tiah a ti.Ref 18.22-23 Jer 7:34, 25:10;
24 Profet le Pathian mithiang pawl ih thisen a sungih a luan ruangah Babilon cu hrem a tong zo. A si, leilungtlun ih thah a tuartu pawl ih thisen cu hi khuasung ah a luang a si.Ref 18.24 Jer 51:49;