17
Hlawhhlang Hminthang Nu
1 Cule kheng pasarih a kengtu vancungmi pasarih lakih pakhat ka hnenah a ra ih, “Ra awla tiva tampi kiangih tohmi khuapi, hminthang hlawhhlangnu khi ziangvekin hremnak a tong ding, ti ka lo hmuh ding.Ref 17.1 Jer 51:13;
2 Leilungtlun siangpahrang pawl amah thawn nupa sualnak an tuah ih leilungtlun mi pawl khalin amah ih tisa diriam sualnak sabitti an in ruangah an ri òheh a si,” tiah a ti.Ref 17.2 Isa 23:17; Jer 51:7;
3 Thlarau in i zeel ih vancungmi in hramlak ah i fehpi. Cutawkah sahrang sen parah nunau pakhat a to ka hmu; cuih sahrang taksa pumpuluk ah Pathian hmuhsuamnak hmin tampi an ngan ih cuih sahrang cu lu pasarih le ki pahra a nei.f 17:3 Lu pasarih le ki pahra timi hi i “Tifinriat sung ihsin sahrang a hung suakmi” ih neihmi vek cekci a si.Ref 17.3 Thup 13:1;
4 Cuih nunau cu mepian sen le puan sen dup in a thuam aw ih hlawnthil sui le tikep lung le lungmankhung dangdang in a taksa cu a khat òheh. A kut in sui khuathai pakhat a keng ih cuih khuathai cu a tisa diriam sualnak thil zoh mawi lo le fihnungza thil in a khat.Ref 17.4 Jer 51:7;
5 A cal ah hmin pakhat an ngan ih tican thup a nei. “A maksak zetmi Babilon, hlawhhlang hmuahhmuah le misual borhbah hmuahhmuah ih nu,” ti a si.
6 Cule cuih nunau cu Pathian mithiang pawl ih thisen le Jesuh an rinsan ruangih thah a tuartu pawl ih thisen a in ruangah a ri, ti ka hmu.
Cuih nunau ka hmuh tikah ka mang a bang ngaingai.
7 Cutikah vancungmi pakhat in, “Ziangahso na mang a bang? Nunau ih tican thup le nunaunu a tonak sahrang lu pasarih le ki pahra a neimi sahrang ih tican thup cu ka lo sim ding.
8 Hi na hmuhmi sahrang hi a rak nung dah nain atu cu a nung nawn lo; tawpneilo khur sung ihsin a hung suak dingih siatralnak ah a feh lan ding. Leilung siam hlan ihsin nunnak cabu sungih hmin ngan lomi pawl in cuih sahrang an zoh tikah an mang a bang ngaingai ding. A rak nung dah nain atu cu a nung nawn lo; asinain a hung suaksal ding.Ref 17.8 Dan 7:7; Thup 11:7; Saam 69:28;
9 “Fimnak le theihnak neih a òul. Lu pasarih cu nunau a tonak tlang pasarih an si.g 17:9 Tlang pasarih timi hi Rom khua a sawh tiah zum a um; Rom khua cu tlang pasarih parih tohmi a si. Siangpahrang pasarih khal an si.h 17:9 Siangpahrang pasarih timi hi Rom Emperor a ti duhnak a si; asinain zo bik an si, tihi fiang tein theih kim a si lo.
10 Cuih siangpahrang pasarih lakah panga cu an tlu zo; pakhat in a uk lai; a dang pakhat cu a ra hrih lo. A rat tikah tikcu tawite sung lawng a uk ding.
11 A rak nung dah nain atu ah a nung nawn lomi sahrang cu siangpahrang pariatnak a si; siangpahrang pasarih lakih a telmi a si ih siatralnak ih a thleng dingmi a si.
12 “Ki pahra na hmuhmi cu ram a uk thok hrih lotu siangpahrang pahra an si; asinain annih cu sahrang thawn nazi pakhat sung uk dingah thuneihnak pek an si ding.Ref 17.12 Dan 7:24;
13 An pahra in an huham le an thuneihnak cu sahrang hnenih pe ding cu an tumtah ciarmi a si.
14 Annih cu Tuufa an do ding; sikhalsehla Tuufa le amah ih a kawhmi, a hrilmi le amah a rinsantu pawl in an neh ding, ziangahtile Tuufa cu bawi hmuahhmuah lakih Bawi bik, siangpahrang hmuahhmuah lakih Siangpahrang sin a si,” tiin i sim.
15 Cule vancungmi in, “Hlawhhlang nu ih tonak tidai na hmuhmi cu miphun kip, hrin kip, ram kip le òong kip an si.
16 Na hmuhmi ki pahra le sahrang in hlawhhlang nu cu an hua ding; a neihmi thil hmuahhmuah an long dingih a taklawng in an taan ding; a sa an ei dingih meisa in an ur ding.
17 Pathian tumtahmi an tuahsuaknak dingah Pathian in an thinlung sungah tuah duhnak thinlung a ret. Curuangah thinlung rual tein hna an òuan tlang ih Pathian thu a kim hlan sung an ram uknak huham cu sahrang hnenah an pek.
18 “Na hmuhmi nunau cu leilungtlun siangpahrang pawl a uktu khuapi tumpi a si,” tiah i ti.