11
Theihpitu Pahnih
1 Tahfung a bangmi funghreu pakhat i pek ih, “Va feh awla Pathian biakinn le biakòheng va tah aw; cule biakinn sungih Pathian a betu pawl siar aw.Ref 11.1 Ezk 40:3; Zek 2:1-2;
2 Asinan biakinn tual cu va tah hlah, ziangahtile Pathian thei lomi pawl hnenah pek a si zo ih cupawl cun thla sawmli le thla hnih sung Khuapi Thiang cu an cilbal thluh ding.Ref 11.2 Luk 21:24;
3 I theihpitu pahnih, buri hnipuan thawn thuam aw in, ka thlah ding; annih in Pathian thu cu profet bangin ni thawngkhat ni zahnih le sawmruk sung an sim ding,” tiah i ti.
4 Cuih theihpitu pahnih cu leilung Bawipa ih hmaiah a dingmi Olif thingkung pahnih le mei-inn pahnih an si.Ref 11.4 Zek 4:3, 11-14;
5 Anmah a siatsuah tumtu an ral pohpoh cu an kaa sung ihsin a suakmi meisa in an siatsuah ding; cuticun annih tuahmawh a tumtu cu thah an si ding.
6 Van pihter theinak thu an nei ih Pathian thu an phuan sung cu van ihsin ruah a sur lo ding. Tidai tlun khalah thu an nei ih cerhti pawl kha thisen ah an canter thei. Leilung hi an duh tik caan poh ah natnak a phunphun in hrem theinak thu an nei.Ref 11.6 2 Siang 17:1; Suah 7:17-19; 1 Sam 4:8;
7 An thusim an òheh tikah tawpneilo khur sung ihsin a suakmi sahrang in a do ding. A neh dingih a that ding.Ref 11.7 Dan 7:7, 21; Thup 13:5-7, 17:8;
8 Cule an ruak cu an Bawipa thinglamtah parih an thahnak khuapi lamzin ah an tanta ding. Cuih khuapi ih hmin deu cu Sodom asilole Izipt a si.Ref 11.8 Isa 1:9-10;
9 Miphun kip, hrin kip, ram kip le òong kipih mi hmuahhmuah in an ruak cu ni thum le a hrek sung an zoh dingih a phum ding khal an kham ding.
10 Hi profet pahnih an thih ruangah leilungtlun minung cu an lung a awi ding. An lungawinak puai an tuah dingih pakhat le pakhat laksawng an òhen aw ding, ziangahtile hi profet pahnih ruangah leilungmi harsatnak tam zet an rak tuar.
11 Asinan ni thum le a hrek hnuah Pathian hnen ihsin nunnak petu thaw a ra ih an sungah a lut ih annih cu an hung ding; cumi a hmutu hmuahhmuah cu an tuk a sum òheh.Ref 11.11 Ezk 37:10;
12 Cule cuih profet pahnih cun van ihsin, “Hinah hung uh,” tiah a run titu aw ring zet an thei. An ral pawl ih mithmuh rori ah annih cu mero thawn vancung ah an kai.Ref 11.12 2 Siang 2:11;
13 Cuih caan cekci ah nasa zet in ling a hnin ih khuapi òhenhra ih òhenkhat a siat òheh; minung thawngsarih an thi. Midang pawl cu òih le phangin an um ih vancung Pathian ih maksak zia an hmu ih an thangòhat.Ref 11.13 Thup 6:12, 16:18;
14 Òihnungza pahnihnak cu a cem, asinain pathumnak rei lo teah a ra ding.
Tawtawrawt Pasarihnak
15 Cule a pasarihnak vancungmi in a tawtawrawt a tum ih vancung ah a ring zetmi aw in,
“Leilungtlun uk theinak huham cu
kan Bawipa le a Messiah kut sungah
a um zo ih kumkhua in kumkhua tiang
amah in a uk ding,”
tiah an ti.Ref 11.15 Suah 15:18; Dan 2:44, 7:14, 27;
16 Cutikah Pathian hmaiah an bawi tohkham ih a totu upa kul hluanli pawl cu an bok ih Pathian an biak,
17 Annih in,
“Ziangkimtithei Bawipa Pathian,
atu ah a ummi le hlan ihsin
a rak um zomi!
A nasami na huham na langter ih
uknak hram na thok zo ruangah
kan lo thangòhat.
18 Na thinheng a langnak tikcu a thleng ih
mithi pawl thuòhen caan a kim ruangah,
Pathian awi lo pawl an thin a ling in a ling.
Na siahhlawh profet pawl le a lo upattu
na minung pawl a tum a sen in,
òuanman an ngah caan a thleng a si.
Leilung a siatsuahtu siatsuahnak
an ton caan a thleng zo,” tiah an ti.Ref 11.18 Saam 2:5, 110:5, 115:13;
19 Vancung ih a ummi Pathian biakinn an ong ih cutawkah Thukam Kuang a um. Cule nimthla a kau zukzo, khua a ri durdo, ling a hnin ih rial napi in a tla.Ref 11.19 Thup 8:5, 16:18, 21;