8
1 Atu cu Khrih Jesuh thawn a pehzom aw mi hrangah cun sual thuòhennak in an luat zo.
2 Ziangahtile Khrih Jesuh thawn pehzomnak thawngin nunnak in petu Thlarau ih daan in sualnak le thihnak daan sung ihsin in luatter zo.
3 Minung sinak hi a òonòaih tuk ruangah Daan ih a tuah thei lomi kha Pathian in a tuahsuak. Amah ih Fapa run thlah tahrat in minung sinak sungih a ummi sualnak kha a hnonsak; cuih a Fapa cu sualnak siatralterta dingin minung sinak thawn a ra.
4 Hibangtuk in Pathian in hna a òuannak cu minung sidan thawn nung lo in Thlarau duhnak ih a nungmi kannih sungah hin Daan ih in fialmi a dik le a dingmi pawl cu kimternak ding hrangah a si.
5 Minung sinak in a fialmi vekih a nungmi pawl thinlung cu minung sinak ih duhmi in a uk. Thlarau fialmi vekih a nungmi pawl thinlung cu Thlarau ih duhmi in a uk ve.
6 Minung sinak ih a ukmi pawl ih ton dingmi cu thihnak a si; Thlarau ukmi pawl ih co dingmi cu nunnak le daihnak a si.
7 Curuangah mi pakhat minung sinak ih a ukmi cu Pathian ih ral a si, ziangahtile Pathian ih daan a thlun lo; a thlun duh lo lawng si lo in a thlun thei lo.
8 Minung sinak ih daan a thluntu pawl cun Pathian lung an awiter thei lo.
9 Sikhalsehla nannih cu nan minung sinak ih duhmi vekin nan nung lo; Pathian ih Thlarau cu nan sungih a um taktak a si ahcun Thlarau ih fialmi vekin nan nung sawn a si. Zokhal Khrih ih Thlarau a nei lotu cu Khrih ta a si lo.
10 Khrih nan sungih a nun ahcun Thlarau cu nan hrangah nunnak a si; ziangahtile sualnak ruangah nan ruangpi cu a thi ding nain nannih cu Pathian thawn remtermi nan si zo.
11 Thihnak ihsin Jesuh a thawhtertu Pathian ih Thlarau nan sungih a nun ahcun thihnak ihsin Khrih a thawhtertu Pathian in nan sungah a Thlarau a umternak thawngin a thi theimi nan taksa ruangpi cu nunnak a pe ve ding a si.Ref 8.11 1 Kor 3:16;
12 Curuangah ka u le ka nau tla, minung kan sinak daan ih duh zawng in nung ding kan si lo.
13 Minung nan sinak daan duh zawng ih nan nun asile nan thi ding; sikhalsehla sualnak nan tuah òheumi pawl kha Thlarau bomnak in nan thah asile nan nung ding.
14 Pathian Thlarau ih hruaimi pawl cu Pathian ih fa an si.
15 Ziangahtile Pathian in a lo pekmi Thlarau cu sal ah a lo tuahtu ding Thlarau a si lo ih òihphang in a lo tuahtu khal a si fawn lo. Cuih Thlarau cun Pathian ih fa ah a lo canter ih Pathian hnenah, “Abba, Ka Pa,” tiih kan au theinak thazang in petu khal cu Thlarau a si.Ref 8.15-17 Mar 14:36; Gal 4:5-7;
16 Hitiih kan au ahhin Pathian ih Thlarau in kan thlarau a pehzom ih Pathian ih fa kan sinak kha a fiangter.
17 Fa kan si ruangah Pathian in a minung hrangih a retciami thluasuah a cotu ding kan si; cule Pathian in Khrih hrangih a retciami khal Khrih thawn kan co tlang ding. Ziangahtile Khrih tuarnak a tuar vetu kan si ahcun a sunlawinak khal kan òawm ve ding a si.
18 A tuih caan ih harsatnak kan tuarmi hi kan hnenih a lang lai dingmi sunlawinak thawn cun tahòhim tlak ah ka ruat hrimhrim lo.
19 Pathian in a faale pawl a langternak ding caan kha sersiammi hmuahhmuah in an hngakhlap ngaingai.
20 Ziangahtile sersiammi thil hmuahhmuah hi tumtahmi um lo ih hloral men dingah lairel cia a si. Cumi cu anmah ih duh thu si lo in Pathian ih duhnak in a si. Asinan ruahsannak a um lai.Ref 8.20 Sem 3:17-19
21 Ni khatkhat ah sersiammi hmuahhmuah hi a ziamral dingmi saltannak ihsin luatter òheh an si dingih Pathian faale pawl ih comi a sunglawi luatnak cu an òawm ve leh ding.
22 A tuih caan tiang sersiammi hmuahhmuah cun nauhrin natih hrum-ai bangin an hrum an ai a si, ti kan thei.
23 Sersiammi lawng si lo in Pathian laksawng hmaisabik Thlarau a co ih a teptu kanmah khal hi kan taksa ruangpi luatnak ding le Pathian fa cannak ding hngakin kan pumsa sunglam in kan hrum kan ai ve a si.Ref 8.23 2 Kor 5:2-4;
24 Ziangahtile ruahsannak in rundammi kan si. Kan ruahsanmi kha kan hmu thei a si ahcun ruahsannak a si ngaingai lo. Zoso a mit in a hmuh theimi cu a ruahsan dah?
25 Sikhalsehla kan hmuh lomi kan ruahsan a si ahcun thinsau tein kan hngak a si.
26 Cutivek òhiamòhiam in kannih cu a òawnòaimi kan si ruangah kanmah bawm dingah Thlarau a ra. Ziangtinso thla kan cam ding ti hman kan theih lo lai ah, hmurka hman in simsuak thei lomi hrum-ainak thawn Thlarau in kan hrangah Pathian hnenah in dil sak.
27 Cule kan thinlung a hmutu Pathian in Thlarau ih ruahmi cu ziang a si, ti a thei; ziangtintile Pathian duh zawng in a mithiang pawl hrangah Thlarau in Pathian hnenah in dil sak a si.
28 Ziangtinkim ahhin Pathian cun amah a duhdawtu le amah ih tumtahmi vekih a kawhmi hrangah cun an òhatnak ah hna a òuan a si, ti kan thei.
29 Pathian in a hril cia mi pawl cu a Fapa hmuihmel keng dingah a thleidang cia hai; cuticun unau tampi lakah a Fapa cu upa bik a sinak dingah a si.
30 Curuangah Pathian in a thleidan cia mi pawl cu kawh khal a ko. Cule a kawhmi pawl cu thiam a coter ih a sunlawinak khal a hlawm hai a si.
31 Hi hmuahhmuah kan theih hnuah ziangso kan sim hrih ding? Pathian kan lamih a òan ahcun zoso in dodal thei ding?
32 In dodaltu cu Pathian a si lo, a Fapa neihsun hman zuah lo in kan zate hrangah in pe zo! Amah ih Fapa rori hman in pek a si ahcun thil dangdang khal a lak in in pe lo ding maw?
33 Pathian ih hrilmi a minung pawl cu zo in so sual a puh thei ding? Pathian amah in thiam a coter sawn hai a sisi!
34 Zo in so mawh a phurh hai ding? Khrih Jesuh in mawh a phurh lo ding; anih cu an hrangah a thi ih thawhtersal a si hnuah Pathian vorhlam kapah a um ih kan hrangah Pathian hnenah a dil.
35 Cuti a si ahcun zo in so Khrih ih duhdawtnak cun in òhen thei ding? Harsatnak siseh, tuarnak siseh, hremnak siseh, rilrawnnak siseh, hnipuan nei lo farahnak in siseh, òihphannak le thihnak khal siseh, cupawl in, in òhen thei ding maw? Òhen thei hlah!
36 Ca Thianghlim sungah,
“Nangmah ih ruangah
sun nihlawh thahnak kan tong;
Thah dingih ruahmi
tuu bangtuk kan si,”Ref 8:36: Saam 44:22; tiah a um.
37 Hibangtuk a si ko nain kannih in duhdawtu ih thawngin hi thil hmuahhmuah tlunah kannih cu nehtu hnakin kan uak deuh a si.
38 Ziangahtile amah ih in duhdawtnak ihsi cun zianghman in, in òhensuak thei lo ding, tihi fiang tein ka zum a si; thihnak in siseh, nunnak in siseh, vancung ih a ummi vanmi le uktu le huham neitu pawl in siseh, atu san in siseh, hmailam san in siseh, thuneitu
39 leitlun ummi in siseh, leihnuai ummi in siseh, sersiammi thil hmuahhmuah in siseh, in òhen thei lo ding. Kan Bawipa Khrih Jesuh sungin kan ta a simi Pathian ih duhdawtnak ihsi cun in òhen theitu ding zianghman a um lo.