7
1 U le nau pawl, nannih tla cu nan zate in daan thu a theitu nan si ruangah atu nan hnenih ka sim dingmi hi nan theih cia mi a si ko. Minung cu an nunsung lawnglawng daan in a uk, ti nan thei ko a si lo maw?
2 Tahòhimnak ah, pasal nei nunau pakhat cu a pasal a nunsung lawnglawng daan in a uk; a pasal a thih asile òhit-umnak daan ihsin a luat a si.
3 Curuangah a pasal a nung cingin mipa dang thawn an um tlang a si ahcun òaangòawm sualnak tuahtu a si; sikhalsehla a pasal in a thihsan a si ahcun midang a pasal khalle òaangòawm sualnak tuahtu a si nawn lo.
4 Ka u le ka nau tla, nanmah ih thuhla khalah hin cuvek òhiamòhiam in a si. Daan thu ka rel a si ahcun, nannih cu Khrih ruangpum ih taksa òhen nan si zo ruangah a thimi nan si. Asinan atu ahcun Pathian hrangih rah òha nan rah theinak dingah thihnak ihsin thawhtersal a simi pa ih ta nan si.
5 Ziangtintile, kan milai sidan vekih kan rak nun lai ahcun kan taksa ih sualhiarnak cu Daan in kan taksa sungah a cangvaiter ih a rah kan ngahmi cu thihnak a si.
6 Sikhalsehla atu ahcun Daan ihsin kan luat zo; ziangtintile sal ih in rak tuahtu Daan hrangah cun mithi kan si zo. Ca in nganmi Daan hlun hnuai ah si lo in Thlarau lamzin thar ah Pathian kan rian a si.
7 Cuti asile ziangtinso kan ti ding? Daan hrimhrim hi sual a si, kan ti ding maw? Ti naisai hlah! Sualnak hi sual a si, ti in theitertu cu Daan hi a si. Daan in, “Midang thil daw hlah,” i rak ti hlah sehla midang ih thil dawt cu ziang a si, ti ka rak thei lo ding.Ref 7.7 Suah 20:17; Daan 5:21;
8 Asinan sualnak in cuih thukham cu hmang tahrat in ka pumsa sungah duhhiarnak a phunphun a thoter. Daan a um lonak ahcun sualnak cu a thi a si.
9 Keimah khal hi daan tel lo in a nungmi ka rak si; asinain thukham a ra thlen tikah sualnak cu a nung ih kei cu ka thi.
10 Nunnak petu dingah timi thukham cu ka hrangah cun thihnak a si.
11 Sualnak in tikcu òha a ngah ih thukham cu a hriamhrei ah hmang tahrat in i bum ih i that a si.Ref 7.11 Sem 3:13;
12 Cutiin Daan amah ngaingai cu a thianghlim ih thukham khal a thianghlim, a dikmi a si ih a òha zet.
13 Cuti asile a òhami cu kei ka thihnak riangri ah a cang, a si maw? Si hrimhrim hlah! Thihnak tuahtu ngaingai cu sualnak a si. Sualnak in sualnak a si zia taktak kha fiang teih langter dingah òhatnak kha hmang tahrat in thihnak cu ka parah a thlenter. Curuangah thukham in sualnak cu tuksumza sualnak a si zia hi a langter a si.
14 Daan cu thlarau lamih thil a si, ti kan thei; asinain kei cu tisa mi ka si ih sualnak ih sal si dingah zuarmi ka si.
15 Thil ka tuahmi hi a tican ka thei òheu lo, ziangahtile tuah ka duhmi kha ka tuah lo ih ka duh lomi sawn kha ka tuah.Ref 7.15 Gal 5:17;
16 Tuah ka duh lomi ka tuah ruangah Daan cu a dik tiin ka lungkimpi ti a lang.
17 Curuangah hitiih a tuah rerotu ngaingai hi keimah ka si lo; ka sungih a ummi sualnak a si sawn.
18 Minung ka sinak taktak sungah òhatnak zianghman a um lo ti cu ka thei. Ziangahtile a òhami tuah duhnak thinlung cu ka sungah um hmansehla a òhami ka tuah thei hrimhrim lo.
19 Ka tuah duhmi thil òha kha tuah lo in ka tuah duh lomi thil sia riangri sawn kha ka tuah a si.
20 Tuah ka duh lomi ka tuah a si ahcun a sullam cu a tuahtu kha keimah ka si lo ih ka sungih a nungmi sualnak a si sawn, tinak a si.
21 Curuangah ka sungih thil a candan zia cu ka thei, a òhami tuah ka duh tikah ka hrilsuakmi cu a òha lomi hlir a si.
22 Ka sung muril in Pathian ih daan ahcun ka lung a awi.
23 Sikhalsehla ka taksa sungah hna a rak òuan vetu daan dang a um; cuih daan cu ka thinlung sungin a òha a timi kha a rak dotu daan a si. Cumi cun ka taksa sungih hna a òuanmi sualnak ih daan hnuai ah sal bangin i tanter.
24 Mi lungrethei ka va si so! Thihnak lamzin a pantu hih taksapum ihsi hin zoso i runsuak ding?
25 Pathian hnenah thangòhatnak um ko seh: Pathian amah in kan Bawipa Jesuh Khrih thawngin i runsuak a si.
Ka sidan ngaingai cu hitiin a si. Keimahte cun ka thinlung lawngin Pathian daan cu ka thlun; asinain minung ka sinak taktak cun sualnak daan ka thlun a si.