16
1 Kenkhria khua kawhhran ih hnaòuantu kan farnu Fibi hi nan theihthiammi siseh, ti ka duh.
2 Pathian zumtu pawl ih tuah dingmi a si vekin Bawipa ih hmin in amah cu rak cohlang uhla bomnak a òul ahcun rak bawm uh. Amah hi mi tampi hrangah siseh, keimah hrang khalah siseh, rualpi òha, mi òhahnem zet a si.
3 Khrih Jesuh hnaòuannak ah ka hnaòuanpi a simi Prisilla le Aquila cibai ka rak buk hai.Ref 16.3 Tirh 18:2;
4 Annih cu ka hrangah thih a ngamtu an si. An parah lungawinak tampi ka nei; keimah lawng hman ka si lo, Zentail kawhhran pawl an zate in an parah an lung a awi ngaingai a si.
5 An inn ih a khawm aw mi kawhhran khal cibai ka rak buk a si.
Asia ram sungih Khrih a zum hmaisabiktu ka duhdawtmi ka rualpi Epenetas khal cibai ka rak buk.
6 Nan hrangah hnaòuan khung zetzet a òuantu Mari khal cibai ka buk.
7 Ka Judah phunpi le keimah thawn thawng a tla vemi Andronikas le Junias khal cibai ka rak buk. Annih cu dungthluntu pawl ih theihthiam zetmi an si ih keimah hlanah Khristian an rak cang zo.
8 Bawipa ih pawlkomnak sungah ka rualpi òha a simi Ampliatas cibai ka rak buk.
9 Khrih hrang hnaòuannak ah kan òuanpi Urbanas khal kha cibai ka rak buk; ka rualpi òha Stakis tla cibai ka rak buk.
10 Khrih zumnak ah rin tlak ngaingai a simi Apelles kha cibai ka buk. Aritobulas innsang ih ummi pawl cibai ka rak buk.
11 Ka Judah phunpi, Herodian le Narsissas innsang ih a ummi Khristian unau pawl khal cibai ka rak buk a si.
12 Bawipa hrang ih hnaòuannak ah hna a òuantu Traifena le Traifosa kha cibai ka buk; cule Bawipa ih hrangah tam zet hna a òuantu ka rualpi òha Persis khal cibai ka rak buk.
13 Bawipa hrang ih hnaòuannak ah òha cuangih hna a òuantu Rufus le a fapa ngaingai vekin i zohòhatu Rufus ih nu khal cibai ka rak buk.Ref 16.13 Mar 15:21;
14 Asinkhritas, Flegon, Hermes, Patrobas, Hermas le an hnenih Khristian unau dangdang pawl khal cibai ka rak buk.
15 Filologas le Julia, Nereus le a farnu, Olimpas le anmah thawn a ummi Pathian ih minung pawl khal cibai ka rak buk a si.
16 Pakhat le pakhat hnamnak thianghlim thawn cibai buk aw uh. Khrih ih kawhhran hmuahhmuah in cibai an lo buk a si.
17 U le nau pawl, òhenòhek awknak a suahpitu le zumnak a buaitertu le nan pom cia mi zirhnak a dodaltu pawl kha ralring uh tiah ka lo forh. Annih cu pawl hlah uh.
18 Cubangtuk thil a tuahtu pawl cu kan Bawipa Khrih hrang hnaòuantu an si lo; an pumpi hrang òuantu an si. An òong nal le an mi porhthiamnak in zaran pawl cu an bum òheh a si.
19 Mi hmuahhmuah in Thuthangòha thu ahcun rinsan tlak nan si kha an thei òheh zo; curuangah keimah khal nan parah ka lung a awi. A òhami thu ahcun mifim si uhla a òha lomi ahcun ziang thei lo si uh ti ka lo duh.
20 Cule kan daihnak a simi Pathian in nan ke hnuai ah Satan cu a rialdip cing ding a si.
Kan Bawipa Jesuh ih zangfahnak cu nan hnenah um ko seh.
21 Ka hnaòuanpi Timote in cibai a lo buk. Cubangtuk òhiamòhiam kan Judah phunpi, Lusias, Jason le Sosipater in cibai an lo buk a si.Ref 16.21 Tirh 16:1;
22 Hi ca a ngantu keimah Tertius in Bawipa ih sungin cibai buknak ka lo kuat ve.
23 Kawhhran pumkhawmnak ih a inn an hman òheumi ka inntekpa Gaius in cibai a lo buk ve. Hi khuapi tangka kiltu Erastas le kan unau Quartes in cibai an lo buk.Ref 16.23 Tirh 19:29; 1 Kor 1:14; 2 Tim 4:20;
24 “Kan Bawipa Jesuh Khrih ih zangfahnak cu nan zate parah um hram seh,” Amen.
25 Pathian hnenah thangòhat sunlawinak pe uh si. Amah cu Jesuh Khrih ih Thuthangòha ka aupimi le a liam cia mi san tampi sungah thuh in a um nain atu ah phuan a simi thuthuk thawngin nan zumnak sungah hngetkhoh zet ih a lo dintertu a si.
26 Atu ahcun cuih thutak cu profet pawl ih cangannak thawngin mi hmuahhmuah ih hmaiah langter a si zo; cule kumkhua a nungmi Pathian ih thupekmi thawngin cuih thu cu zozo khalin an zum ih an thlunnak dingah miphun hmuahhmuah hnenah phuan a si zo.
27 Thu hmuahhmuah ah a fim ih amah lawng Pathian a simi hnenah Jesuh Khrih thawngih thangòhatnak cu a kumkhua in um hram seh. Amen.