15
1 Zumnak ih thazang a cakmi kannih in zumnak a derdai pawl ih thilrit kha kan phurh bawm ding a si. Kanmah ih nomnak kha ruat sawn ding kan si lo.
2 Cuhnakin kan unau pawl zumnak ih òhansoter ding kha thil òha a si ruangah an lung kan awiter sawn pei.
3 Ziangahtile Khrih cun amah hrangah nomnak a hawl lo. Ca Thianghlim in, “A lo dekcoktu pawl ih an lo hmuhsuamnak cu ka parah a tla òheh,” tiah a timi kha a kim a si.Ref 15:3: Saam 69:9
4 Ca Thianghlim ih in simmi thinsaunak le thinlung cahnak thawngin ruahsannak kan neihnak ding hrangah Ca Thianghlim sungih ngan cia mi hmuahhmuah cu kanmah thuzirhnak hrangah an si.
5 Khrih Jesuh kha zohòhim in nan lakah thinlung rual in nan um theinak dingah thinsaunak le thinlung cahnak hram a simi Pathian in lo bawm hram seh.
6 Cuticun nan zate in thinlung hmunkhat in kan Bawipa Jesuh Khrih ih Pathian le Pa cu nan thangòhat ding.
7 Khrih in a lo cohlan vekin Pathian sunlawinak hrangah nannih tla pakhat le pakhat cohlang aw uh.
8 Ka lo sim duhmi cu himi a si: Pathian ih thutak ai awh ah Khrih cu Judah mi pawl ih siahhlawh ah a cang; cumi cu Pathian in an pupa pawl hnenih a thukammi kimternak dingah le Pathian cu rinsan tlak a si, ti langternak ah a si.
9 Cuih tlunah Pathian cu zangfahnak neitu a si, ti kha Zentail mi tla in an thei ih an thangòhatnak ding khalah a si. Ca Thianghlim sungah:
“Zentail mi lakah na hmin cu
ka phuang dingih,
Nangmah thangòhatnak cu
hla in ka sak ding,”
tiah a timi kha a kim a si.Ref 15:9: 2 Sam 22:50; Saam 18:49;
10 Cuih tlunah, “Zentail mi nannih tla,
Pathian ih miphun pawl thawn
nan lungawi tlang uh,”Ref 15:10: Daan 32:43; a ti.
11 Cule, “Zentail mi nan zate in
Bawipa cu thangòhat uh;
Mi hmuahhmuah in
Amah cu lawm uh,”Ref 15:11: Saam 117:1; timi le
12 Profet Isaiah in,
“Jesse ih tefa pakhat a ra dingih
Zentail mi pawl uktu ah a cang ding;
Annih in amah ah ruahsannak
an nei ding,” a ti vekin a si.Ref 15:12: Isa 11:10;
13 Ruahsannak hram a simi Pathian in, amah nan zumnak thawngin, lungawinak le daihnak phunkim thawn lo khatter sehla, cuticun Thlarau Thianghlim in amah ih cahnak thawngin ruahsannak cu nan hnenah lo burh hram seh.
14 Ka u le ka nau tla, nannih cu miòha zet nan si ih thu nan thei zet ih pakhat le pakhat nan zirh aw thei zet, ti kha keimah hrimhrim in fiang tein ka thei.
15 Sikhalsehla hi ca ka lo kuatmi sungah ka lo theihtersal duhmi cu thu òhenkhat ahcun ralòha zet in ka ngan a si. Ka ralòhatnak cu Pathian in Zentail mi pawl hrangih hnaòuan dingah covo pekmi,
16 Khrih riantu ka si ruangah a si. Zentail mi pawl cu Pathian hnenah co tlakmi thawinak bangtuk an sinak dingah le Thlarau Thianghlim thawngin Pathian hnenih hlanmi an sinak dingah Pathian hnenin a rami Thuthangòha ka phuan tikah hin puithiam bangtukin ka òuan a si.
17 Khrih Jesuh thawn kan pehzom awknak thawngin Pathian hna ka òuanmi ah hmaiòhatnak ka nei.
18 Zentail mi pawl Pathian thu an thlunnak dingah Khrih in i hmang ih hna a òuanmi lawng hi ralòha zet in ka sim ding. Hibangtuk a tuahmi hi òongkam in siseh, tuahnak in siseh,
19 hmuhsaknak thilmak tuahnak le khawruahhar a cahnak huham in siseh, Pathian Thlarau ih cahnak huham in siseh, a tuahmi a si. Cuticun Jerusalem ihsi thokin Illirikumf 15:19 Illirikum timi hi Dalmatia ti tla in an ti. Rom ih ukmi a si ih Mesidonia peng ihsin saklam nitlaklam pengih ummi a si. tiang khual ka tlawnnak ahhin Khrih ih Thuthangòha cu tlamtling zet in ka phuang.
20 Ka tumtah ringringmi cu Khrih an theih dah lonak hmunah Thuthangòha phuan kha a si, ziangahtile midang in a hram an rak bun cianak hmun ahkhan va sakbet ding cu ka duh lo.
21 Ca Thianghlim in,
“Amah ih thu a thei dah lo pawl in
an hmu ding,
A thei dah lo pawl in an thei ding,”Ref 15:21: Isa 52:15;
a ti bangtukin a si.
22 Curuangah lo tlawng suak thei lo in vei tampi dawntu ka neih òheunak cu a si.Ref 15.22 Rom 1:13;
23 Sikhalsehla atu cun hi ram hrawngih ka hnaòuan ka òheh zo ruangah le nanmah ra lo hmuh ding hi kum tampi sung ka duhmi a si bangtukin,
24 tuihòum cu nanmah lo tongsuak ding ka beiseimi a si. Spain ram ih ka feh zawng ah lo tong phah ningla ka duh ih nan hnenah caan malte ka hman hnuah cutawkih fehnak khal cu in bawm leh uhla ka duh.
25 Sikhalsehla atu cu Jerusalem ah ka vung feh dingih Pathian ih miphun pawl ka vung bawmta ding.Ref 15.25-26 1 Kor 16:1-4;
26 Ziangahtile Masidonia ram le Akhaia ram ih a ummi kawhhran pawl in Jerusalem ih a ummi Pathian miphun farah pawl bomnak ah lungthote ih an pekmi thawhlawm a um.
27 Cutiih an pek cu anmah ih ruahthiamnak in a si; hitiih mi an bom cu an òuanvo a si ve. Judah mi pawl in thlarau lam thluasuahnak an comi kha Zentail mi an hlawm vekin Zentail mi khalin thilri lam thluasuahnak an comi cu Judah mi pawl bomnak ah hlawm ve ding an si.Ref 15.27 1 Kor 9:11;
28 Hi hnaòuan ka òheh ih an hrang pekmi thawhlawm kim tein an kut sungah ka ap òheh tikah Spain ram feh dingah ka pok dingih cunah ka lo pal phah hai ding.
29 Nan hnen ka thlen tikah Khrih ih thluasuahnak famkim cu ka lo sum thei ding, ti ka thei.
30 U le nau pawl, ka hrangah Pathian hnenah thla rak cam ringring ve dingah kan Bawipa Jesuh Khrih le Thlarau ih in pekmi duhdawtnak thawn ka lo forh a si.
31 Judea ram ih a ummi Khrih a zum lotu pawl ih kut in harsatnak ka ton lonak dingah le Jerusalem ih ka hnaòuan dingmi cu Pathian ih mithiang pawl hnenah co tlak si dingin thla in rak cam sak uh.
32 Cuticun Pathian ih lungkimnak a um ahcun lungawi zet in nan hnenah ka ra thleng thei dingih colhdamnakg 15:32 Colhdamnak timi hi thlarau tha thar lak caan ti khal a si thei. caan òha khal ka ngah ding.
33 Kan hnenah daihnak in petu Pathian cu nan zate hnenah um hram seh. Amen.