13
1 Ram uktu bawi pawl kha an thu ngai uh; ziangahtile Pathian ih lungkimnak lo in zohman thuneitu an um thei lo; cule atu ih thuneitu pawl hi Pathian ih retmi an si.
2 Zokhal thuneitu a dotu cu Pathian ih a retmi kha a do a si. Cubangtuk in a dotu cu amah lala parah thuòhennak a thlenter ding.
3 Uktu bawi pawl hi thil òha a tuahtu pawl cun òih ding an si lo; òhat lonak a tuahtu pawl lawngin òih ding an si. Thuneitu bawi pawl kha òih lo in um cila na duh maw? Na duh asile thil òha tuah awla mithmai òha na ngah ding;
4 ziangahtile nangmah ih òhatnak tuahtu dingah Pathian ih siahhlawh a si. Sikhalsehla a òha lomi na tuah ahcun thuneitu cu va òih aw; ziangahtile mi hrem theinak a nei taktak a si. Amah cu Pathian ih siahhlawh a si ruangah thil òha lo a tuahtu pawl parah Pathian ih hremnak a thleng suaktertu a si.
5 Curuangah Pathian hremnak ruang lawngah si lo in sia le òha thleidan thiamnak ruang khalah thuneitu bawi pawl khi an thu ngai uh.
6 Cumi ruang khalah a si ngunkhuai nan pek cu; thuneitu bawi pawl in an òuanvo an òuansuak tikah Pathian hrangah an òuan a si.Ref 13.6-7 Mat 22:21; Mar 12:17; Luk 20:25;
7 Curuangah nan pek ding a simi cu pe uh; pumpak ngahmi sungih pek dingmi ngunkhuai siseh, thilri hrangih pek dingmi ngunkhuai siseh, pe uh. Hmaizah tlak a simi cu hmaizahnak pe uh; upat tlak a simi cu upatnak pe uh.
8 Zohnen hmanah bakmi nei hlah uh. Nan bakmi cu pakhat le pakhat duhdawt awknak lawng kha si seh. Duhdawtnak a neitu cu Daan thluntu a si.
9 Thukham pekmi, “Òaangòawm sualnak tuah hlah; mi that hlah; rukru hlah; mi ih thil va daw hlah,” timi pawl le a dang thukham pawl hmuahhmuah cu, “Nangmah le nangmah na duhdawt awk bangin na innhnen khal duhdaw aw,”Ref 13:9: Suah 20:13-15, 17; Daan 5:17-19, 21; Pui 19:18 timi thukham sungah a kim òheh.Ref 13.9 Suah 20:13-15, 17; Daan 5:17-19, 21; Pui 19:18;
10 Mi pakhatkhat na duhdawt asile amah hrang a òha lomi cu na tuah dah lo ding. Curuangah Daan kim teih thlun thei timi cu duhdawt awk hi a si.
11 Himi cu nan tuah hrimhrim a òul. Ziangahtile nan ihthatnak ihsin nan òhang caan a thleng zo, ti nan thei. Rundam kan sinak ding caan cu hmaisa kan rak zum pek lai hnakin atu ah a nai sinsin thlang a si.
12 Zan a cem zik thlang ih sun a ra thleng zik thlang. Khawthim sungih hnaòuannak pawl cu bansan uhla khawtleu sungih raldo dingah hriamnam lak uh si.
13 Sun khawvang ih a ummi kan si bangtukin kan nun ziaza cu mawiter thlang uh si: Awn au celcel le zuri sabah in um hlah uh si; nupa sual tuah le zoh mawi lo in um hlah uh si; sual aw le nahsik aw khalin um nawn hlah uh si.
14 Kan Bawipa Jesuh Khrih kha ralthuam vekin hruk uh; tisa duhnak le hiarnak pawl cu bansan thlang uh.