12
1 Cuti a si ruangah ka u le ka nau tla, a tam zetmi Pathian ih in zangfahnak ruangah hin nan ruangpumpi cu a thiangmi le cohlan tlak thawinak bangtukin Pathian hnenah pe uh, tiah ka lo dil. Cumi cu Pathian hnenih nan pek dingmi biaknak taktak cu a si.
2 Hi khawvel daan ahhin kop nawn hlah uh; cuhnakin nan thinlung kha tharthawh tahrat in thleng aw sawn uh. Cutiin Pathian ih duhnak cu nan thei dingih Pathian ih hmaiah ziangso a òha, ziangso a lungawimi a si tile ziangso a famkimmi a si, ti nan thei ding.
3 Pathian in a zangfahnak laksawng i pekmi ruangah pumpak ciar nan hnenah hitiin ka sim: Nan ruahawk ding hnakih sang deuh in ruat aw hlah uh. Ziangvek teu so ka si, ti kha thei aw sawn uhla Pathian in zumnak a lo pekzat ciar in nan ruahawkdan cu siseh, .
4 Kan ruangpi hi pakhat asinain taksa òhen tampi an um ih cuih taksa òhen pawl ih hnaòuannak cu an bang aw lo.Ref 12.4-5 1 Kor 12:12;
5 Cubangtuk in kannih khal mi tampi kan si nain Khrih thawn kan pehzom awknak ahcun pumkhat kan si. Kan ruangpi ih taksa òhen pawl an pehawk thluh vekin kan peh aw thluh ve a si.
6 Curuangah laksawng phun dangdang kan ngahmi cu Pathian zangfahnak kan cozat ciarin hmang uh si. Kan ngahmi laksawng cu Pathian thu phuan ding a si ahcun zumnak kan comi zat in phuang uh si;Ref 12.6-8 1 Kor 12:4-11;
7 cubangtuk òhiamòhiam in midang riantu ding kan si ahcun rian uh si; zirhtu ding kan si ahcun zirh uh si;
8 midang thazang petu ding kan si ahcun pe uh si. Kan neihmi thilri kha midang hlawm ding kan si ahcun siang zet in hlawm uh si. Hotu ding kan si ahcun taima zet in òuan uh si; midang hnenah zangfahnak langtertu ding kan si ahcun lungawi sopar tein langter uh si.
9 Duhdawtnak kan ti tikah thinlung taktak thawn duhdawt ding a si. A òha lomi cu hua uhla a òhami kha kai hnget uh.
10 Khristian unau nan si ruangah pakhat le pakhat sunsak aw zet tein duhdaw aw ton uh. Pakhat le pakhat hmaizah awknak thiam uh.
11 Zaangzel hlah uh; napi in hnaòuan uh. Nan thinlung zate pe in Bawipa ih hna cu òuan uh.
12 Nan beiseinak in nan lung lo awiter seh; harsatnak nan ton tikah thinsau in um uh; cat lo in thlacam uh.
13 A tlasam mi Khristian unau pawl thawn nan neihmi kha hlawm aw uh. Cule mikhual pawl hrangah nan sangka ong uh.
14 A lo hremtu pawl hrangah camriamnak si lo in thluasuahnak kha Pathian hnenah dil sak sawn uh.Ref 12.14 Mat 5:44; Luk 6:28;
15 Lungawimi pawl thawn lungawi tlang uhla a òapmi pawl thawn òap tlang uh.
16 Nanmah ih zawn nan ruat vekin midang zawn khal ruat ve uh. Keimah ka si bik, tiin ruat aw hlah uh; hnaòuan òukòak tete òuan duhnak thinlung nei uh. Ka fim a si tiah ruat aw hlah uh.Ref 12.16 Thuf 3:7;
17 Mi pakhatkhat in nan parah òhat lonak an tuah tikah an parah òhat lonak thawn lehrul hlah uh. Zozokhal ih a òha a mawi an timi kha tuah zuam uh.
18 Mi hmuahhmuah thawn rem teih um ding kha a cang thei tawkin zuam uh.
19 Ka duhdawtmi pawl, ziangtik khalah phulak tum hlah uh; Pathian thinhennak sawn in cumi cu tuah seh. Ziangahtile Ca Thianghlim sungah, “Keimah in phu ka la ding; Keimah in ka lehrul ding, tiah Bawipa in a ti,” tiah a um.Ref 12:19: Daan 32:35;
20 Cule Ca Thianghlim in, “Na ral a ril a rawng asile rawl pe aw; a ti a haal asile tidai pe aw; cutiih na tuah asile a luthlung ah meiling na ret a si ding,” a ti.Ref 12:20: Thuf 25:21-22;
21 Òhat lonak in lo neh hlah seh; òhat lonak kha òhatnak in neh sawn aw.