4
Biakinn Hrang Thilri
(2 Siang 7:23-51)
1 Siangpahrang Solomon in dar in biakòheng pakhat a tuah; pi sawmthum a sau, pi sawmthum a kau ih pi hleinga a sang.Ref 4:1 Suah 27:1, 2;
2 Cule dar in pi sarih le hrek a thuk ih a kaa a puum mi maihum tumpi a tuah; khatlam tlang ihsin khatlam tlang cu pi hleinga a si ih a kimvel cu sawmli le pi nga a si.
3 A tlang ih lenglam kimvel ah thuaita le tlunta ti in mawiternak tlar hnih in an tuah. An mawiternak cu cawcang zuk cuang in an òelh ih maihum thawn peh aw in buurmi a si.
4 Tidai khawlnak maihumpi cu dar hlir in tuahmi cawcang lem hleihnih parah an ret ih, saklam thlanglam, nisuah lam le nitlak lamah cawcang pathum fingfing an hoiter. Cawcang ih tawlam cu a laifangah an tong aw thluh zik.
5 Maihum phar cu pi thum a sah; a tlangzim cu khuat tlangzim vek, asilole pangpar a par laimi vekin lenglam ah pharh nawn in a um. Cuih maihum cu tidai pung thawnghnih lenglo a tlem.
6 Cule kanto pahra tla an tuah ih panga cu Biakinn thlanglam ah, a dang panga cu Biakinn saklam ah an ret. Cuih kanto tidai cu mei-ur thawinak ih pekmi sa pawl kholhnak ah an hmang. Maihum tumpi sungih tidai cu puithiam pawl in kholhawknak ah an hmang.Ref 4:6 Suah 30:17-21;
7 An tuah òheumi ruangrai vekin sui meivannak pahra le cabuai pahra an tuah ih Biakinn a laifang khaanpi sungah an ret.Ref 4:7 Suah 25:31-40;
8 saklam ah meivannak panga le cabuai panga, thlanglam ah meivannak panga le cabuai panga an ret. Cuih hlei ah suikheng zakhat an tuah.Ref 4:8 Suah 25:23-30;
9 A sunglam tual le a lenglam tual an tuah ih a sunglam tual cu puithiam pawl hrangah a si. A sunglam le a lenglam tual karlak ih kotka kharnak sangka pawl cu dar hlir in an tuam.
10 Maihumpi cu Biakinn nisuahnak lam thlanglam kilah an ret.
11-16 Cun Huram in beel pawl, cawhlek pawl le kheng pawl a tuah, Siangpahrang Solomon hnenah tuah dingih a tiammi Biakinn thilri hmuahhmuah cu a tuah òheh:
òhuam pahnih,
òhuam parih retmi kheng ruangrai in
òhuambo pahnih,
òhuambo parih òhi kual peh aw mi pawl,
òhuambo velkim ih a tlun le
a hnuai tiih retmi dar in tuahmi taleti zali,
Cawleng pahra,
Kanto pahra,
Maihum a hun dotu cawcang hleihnih,
Bel pawl, cawhlek pawl le
haiòek pawl an si.
Kutzungthiam Huram in hi thilri pawl cu siangpahrang Solomon thupeknak bangtukin Bawipa ih Biakinn sungih hman dingah hnawt tleumi dar in a tuah òheh.
17 Siangpahrang in Jordan Phairawn, Sukkoth le Zeredah karlak ih a ummi dar sodennak hmunah a tuahter òheh.
18 An tuahmi thilri a tam tuk hrangah an hmanmi dar ziangzat a rit ti cu zohman ih tuat theih a si lo.
19 Siangpahrang Solomon in Biakinn sung hman dingmi thilri pawl cu kim tein a tuahter òheh. Ruangrai um cia vekin sui biakòheng, Bawipa hrangih hunmi sang retnak cabuai pawl,
20 meivannak òhuam pawl le Hmun Thianghlim Bik hmaiih van dingmi sui òha bik ih tuahmi mei-inn pawl;
21 Biakinn mawiternak pangpar pawl, mei-inn pawl, sui òha bik ih tuahmi caiceh pawl;
22 mei-inn meica cehnak pawl, kheng pawl, rimhmui urnak kheng pawl le meivam kennak kheng pawl an si. An zate in sui hlirih tuahmi an si. Biakinn lenglam sangka pawl le Hmun Thianghlim Bik ih luhnak sangka pawl cu sui ih khuutmi an si òheh.