3
Solomon In Bawipa Ih Biakinn Sak A Thok
(1 Kum. 6:1-38)
1 Siangpahrang Solomon cun Bawipa ih Biakinn cu Jerusalem khua, a pa siangpahrang David hnenih Bawipa a langnak Moriah Tlangmual ah sak a thok. Cuih hmun cu Jebus mi Araunah in a fang cilnak puum ih a rak hmanmi a si ih David in a rak simsial thluh zo mi a si.
2 Solomon siangpahrang a òuannak kum li le thla hnihnak ah Biakinn sak cu a thok.
3 Siangpahrang Solomon ih a sakmi Biakinn cu pi sawmkua a sau ih pi sawmthum a kau.
4 Biakinn hmaiih hulhliap cu Biakinn tia in pi sawmthum a kau ih pi za le sawmriat a sang. Cuih hulhliap a phar sunglam cu sui in an khuut.
5 A laifang khaan cu sidar thing in an òelh ih sui in an khuut ih tuumkung le cikcin zuk an cuanter.
6 Siangpahrang in Biakinn cu lungmankhung le Parvaim ram ihsin lei mi sui in a ceimawi.
7 Biakinn phar pawl, innbo le luanglu pawl, le sangka pawl cu sui in a khuut. A phar ah zungthiam pawl in cherubim lem pawl an cuanter.
8 A sungta bik khaan cu Hmun Thianghlim Bik an timi a si ih pi sawmthum a sau ih Biakinn tia in pi sawmthum a kau. Hmun Thianghlim Bik phar pawl khuutnakah sui pawng thawng sawmli le thawngnga an hmang;Ref 3:8 Suah 26:33, 34;
9 tlawngkhen an hmanmi cu sui in an tuah ih tlawngkhen hrangah sui pawngkhat lenglo a rit. Tlunta khaan phar pawl tla sui hlir in an khuut.
10 Siangpahrang in a hnaòuantu pawl cu thir in cherubim lem pahnih a tuahter ih Hmun Thianghlim Bik ahcun a ret.
11 Cuih cherubim lem pawl cu sangka lam hoi in a ret hai ih artlang in an dinter.
12 Cherubim pakhat in thla pahnih a nei ih a thla pakhat cu pi sarih le a hrek a sau; cuhrangah an thla an pharh tikah a khaan laifangah an thla cu a tong aw ih khatlam thla in phar an dai veve;
13 cuticun a khaan kauh lam pi sawmthum cu an thla in a dai òheh.Ref 3:10-13 Suah 25:18-20;
14 Puanzar pakhat an tuah ih cuih puanzar cu pat phangfemte ih tah mi le mepian, sendup le a sen in buhmi a si; cuih puanzar cu cherubim lem pawl cuangin an òelhmi a si.Ref 3:14 Suah 26:31;
Dar Òhuam Pahnih
(2 Siang 7:15-22)
15 Siangpahrang in pi sawmnga le pi hnih a saangmi dar òhuam pahnih a tuah ih Biakinn hmaiah a phun. Òhuam ih lubo cu pi sarih le a hrek veve a sang.
16 Òhuam ziik cu òhi kual a pehaw thluhmi le dar ih tuahmi taleti zakhat in an ceimawi.
17 Òhuam pahnih cu Biakinn vung luhnak saklam le thlanglam ah an phun; thlanglamta cu Jakhina Jakhin ti mi cu Hebru òong in Amah (Pathian) in a hngetter ti thawn a aw suah a bang aw a si. an ti ih saklamta cu Boazb Boaz timi cu Hebru òong in Amah (Pathian) cahnak in ti thawn a aw suah a bang aw a si. an ti.