36
Judah Siangpahrang Joahaz
(2 Siang 23:30-35)
1 Judah mi pawl in Josiah fapa Joahaz siangpahrang ah an hril ih Jerusalem khua ah hriak an culh.
2 Joahaz cu Judah siangpahrang a òuan tikah kum kul hluanthum a ti ih Jerusalem ihsin thla thum sung a uk.
3 Izipt siangpahrang Neko in a kaih ih thawng ah a thlak; cule Judah mi in Neko cu ngun pawng zasarih le sawmnga, le sui pawng sawmsarih le pawngnga siah ah an pek.
4 Neko in Joahaz unau Eliakim cu Judah siangpahrang ah a tuah ih a hmin Jehoiakim ah a thleng. Joahaz cu Neko in Izipt ram ah a hruai.Ref 36:4 Jer 22:11, 12;
Judah Siangpahrang Jehoiakim
(2 Siang 23:36-24:7)
5 Jehoiakim cu Judah siangpahrang a òuan ah kum kul hluannga a ti ih Jerusalem ihsin kum hleikhat sung a uk. Bawipa a Pathian hmaiah thil òha lo a tuah.Ref 36:5 Jer 22:18,19; 26:1-6; 35:1-19;
6 Babilon siangpahrang Nebuchadnezzar in Judah ram cu a siim ih Jehoiakim cu kai tahrat in thir cikcin in an khit ih Babilon ah an hruai.Ref 36:6 Jer 25:1-38; 36:1-32; 45:1-5; Dan 1:1, 2;
7 Nebuchadnezzar in Bawipa ih Biakinn thilri mankhung hrekkhat pawl a lak ih Babilon a siangpahrang inn ah a ret.
8 Jehoiakim ih tuahmi hmuahhmuah, ningsinza thil a tuahmi cu a sualnak pawl tiangin, Israel Le Judah Siangpahrang Thuanthu Cabu sungah an ngan a si. A fapa Jehoiakhin in a ai ah siangpahrang a run òuan.
Judah Siangpahrang Jehoiakhin
(2 Siang 24:8-17)
9 Jehoiakhin cu Judah siangpahrang a òuan tikah kum hleiriat a ti ih Jerusalem ihsin thla thum le ni hra sung a uk. Anih khal Bawipa ih hmaiah a sual.
10 Khawsik a reh ih òhal a hungsuah tikah siangpahrang Nebuchadnezzar in a kai ih Babilon ah a hruai. Bawipa ih Biakinn thilri mankhung pawl tla a phur òheh. Cule Nebuchadnezzar in Jehoiakhin ih unau Zedekiah cu Judah le Jerusalem siangpahrang ah a tuah.Ref 36:10 Jer 22:24-30; 24:1-10; 29:1, 2; 37:1; Ezk 17:12-13;
Judah Siangpahrang Zedekiah
(2 Siang 24:18-20; Jer 52:1-3a)
11 Zedekiah cu Judah siangpahrang a òuan tikah kum kul hluankhat a ti ih Jerusalem ihsin kum hleikhat sung a uk.Ref 36:11 Jer 27:1-22; 28:1-17;
12 Bawipa ih hmaiah sualnak a tuah; Bawipa ih thu a phuangtu profet Jeremiah ih thusimmi a ngai lo.
Jerusalem Khuapi An Lak
(2 Siang 25:1-21; Jer 52:3b-11)
13 Zedekiah cu siangpahrang Nebuchadnezzar do dingah ral a tho. Cutikah Nebuchadnezzar in a kuthnuai um dingah Pathian hmin saal in thu a kamter. Zedekiah in Bawipa Israel ih Pathian hnenah sualsir aw in Pathian hnenih hoikirsal a tum hrimhrim lo.Ref 36:13 Ezk 17:15;
14 Cuih tlunah Judah mi hotu pawl, puithiam le misenpi pawl khalin an kiangkap ih um miphun pawl ih sualnak keneh cu an thlun ih an uire a si. Cuticun Bawipa amah rori in a thianhlimter mi Biakinn cu an borhhlawhter òheh.
15 Bawipa, an pupa ih Pathian in a minung pawl le a Biakinn cu a zuah duh ruangah an hnenih ralrinnak pe dingah cat lo in profet a thlah.
16 Asinan Pathian ih thlahmi palai le profet pawl cu an rak hmuhsuam; an hnihsan men ih zianghman ah an siar lo. A netnak ahcun an parah Bawipa ih thinhennak cu a luar tuk ih an luat theinak lamzin a um nawn lo.
17 Bawipa in Babilon siangpahrang a thlah ih Judah mi mino pawl cu Biakinn sung hmanah a that; zovek tlun hmanah zangfahnak a nei lo; mino siseh, upa siseh, nunau mipa tilo in, a na mi le harhdam mi tla an zate in a kut sungah Bawipa in a pek òheh a si.Ref 36:17 Jer 21:1-10; 34:1-5;
18 Babilon siangpahrang in Bawipa ih Biakinn a siim ih thilri le sumsaw, siangpahrang le a kuthnuai bawi pawl thilri mankhung hmuahhmuah a lak ih Babilon ah a phur òheh.
19 Jerusalem khuapi le Bawipa Biakinn, siangpahrang innpi le a sung thilri pawl tla meisa in a ur òheh.Ref 36:19 2 Siang 9:8;
20 Ralnam in thah ngah lomi, a tanglai mi pawl cu Babilon ah a hruai thluh ih cutawkah, Persia uknak a thlen hlan lo, Babilon siangpahrang le a tesinfa pawl ih sal ah an cang.
21 Cuticun profet Jeremiah hmangin Bawipa ih a rak simmi, “An ulh lomi Sabbath colhnak o Sabbath colhnak timi hi kum sarihnak kum poh ah an ram cu thlo lo ih colhter ding, timi daan a khihhmuhnak a si. kimter dingah an ram cu kum sawmsarih sung a òhing ding,” a timi thu cu a kim a si.Ref 36:21 Jer 25:11; 29:10;
Sairas In Judah Mi A Kirter
(Ezr 1:1-4)
22 Persia siangpahrangp Persia siangpahrang Sairas in Babilon khua cu BC 539 ah a neh ih Babilon ram pumpi siangpahrang a òuan ih BC 530 tiang a òuan a si. Sairas in siangpahrang a òuan kum khatnak ah Bawipa ih fial vekin ca a ngan ih a uk sung khuazakip ih siar dingin a kuat. Himi cu profet Jeremiah hmangin Bawipa ih thusimmi kimnakah a si. A thusuahmi cu hitiin a ngan:
23 “Himi cu Persia siangpahrang Sairas thusuah mi a si. Bawipa van ih Pathian in leilung pumpuluk uktu ah i tuah ih Judah ram Jerusalem khua ah amah hrangih Biakinn sak dingah òuanvo i pek. Cu a si ruangah nannih Pathian minung hmuahhmuah cutawkah feh thluh uh; Bawipa nan Pathian cu nan hnenah um hram seh,” tiah a ngan.Ref 36:23 Isa 44:28