EZRA
Thuhmaihruai
Ezra cabu hi Sansiarnak cabu pehzom mi a si. Babilon ihsin Judah mi hrekkhat an tlunkirsalnak le Jerusalem ih Pathian an biak, an nun khawsakdan thu tla a sim. Cuih thu pawl tla cu a tanglam bangtukin a sangsang in a sim.
(1) Persia ram kulh uktu Sairas ih thupeknak thawngin Judah mi a kir hmaisa pawl Babilon ihsin an pawhnak thu.
(2) Biakinn an rem ih Pathian hnenih an hlan hnuah Pathian biaknak ah an hmangsal.
(3) Cuih hnu kum tam nawn ah Ezra ih ho in Judah mi pawl cu Babilon ihsin Jerusalem ah an kir ih Israel pawl thlarau lamah ro bangtukih an co dingmi zirhnak kha an hlohter lonak dingah Ezra in napi in a bawm ih a zirh. Ezra cu Pathian ih Daan a thiam ngaingai mi a si.
1
Sairas In Judah Mi A Kirter
1 Persia siangpahrang Sairas in siangpahranga Persia siangpahrang Sairas in BC 539 ah Babilon khua a lak ih ram pumpuluk ih siangpahrang ah a cang. a òuannak kum khatnak ah Bawipa in a thinlung a thoter ih ca ngan in thu pakhat a suah ih a ramsung hmuahhmuah ih siar dingah a kuat.Ref 1:1 Jer 25:11; 29:10; Himi cu profet Jeremiah hmangin Bawipa ih thusimmi kimternak dingah a si.
2 A thusuahmi sungah cun hitiin a ngan: “Himi cu Persia siangpahrang Sairas ih thupekmi a si. Bawipa, Van ih Pathian in keimah cu leilung pumpuluk uktu dingah i tuah zo ih Judah ram Jerusalem khua ah amah hrangih biakinn sak dingah òuanvo i pe a si.Ref 1:2 Isa 44:28;
3 Pathian cu a minung nan zate hnenah um hram seh. Judah ram Jerusalem khua ah kir uhla Jerusalem ih a ummi Pathian, Israel ih Bawipa Pathian biakinn cu saksal uh.
4 Bawipa minung lakah hi saltannak ihsin kir dingah bom a òulmi pawl cu an innhnen pawl in bawm hai seh. Sui le ngun, rawl le thil phurtu rannung le Jerusalem khua ah Pathian hnenih pek dingmi thawinak pawl tla pe hai seh,” a ti.
5 Cutikah Judah mi le Benjamin mi sungkhat ih hotu pawl puithiam le Levi mi pawl le Bawipa in Jerusalem ih Bawipa ih Biakinn sak dingah an thinlung a thawhtermi hmuahhmuah cu feh dingah an tim an tuah ciamco.
6 An innhnen pawl in thilri tampi an pek; an pekmi thilri pawl cu ngun beelkheng pawl, sui, rawl, thil phurtu rannung, a dang thil mankhung pawl le biakinn ih thawinak pek dingmi pawl an si.
7 Siangpahrang Nebuchadnezzar in Jerusalem ihsin a lak ih a khawzing pawl biakinn sungih a rak retmi kheng le khuat pawl cu siangpahrang Sairas in an hnenah a peksal.
8 Hi khuat le kheng pawl cu Judah uktu bawi Shehbazzar hrangah siangpahrang thilri kiltu upa bik Mithredath ih tuahmi an si. Sairas in cuih khuat le kheng pawl cu Mithredath hnen ahcun a pek.
9-10 A pekmi pawl cu a tanglam pawl hi an si:
11 A zate cun sui le ngun kheng pawl le khuat le bungbeel dangdang thawn thawngnga le zali a si ih Babilon ihsin Jerusalem ih an kir tikah Sheshbazzar in a kirpi.