27
Judah Siangpahrang Jotham
(2 Siang 15:32-38)
1 Jotham cu kum kul hluannga a ti ah siangpahrang a cang ih Jerusalem ihsin kum hleiruk sung a uk. A nu cu Zadok fanu Jerushah a si.
2 A pa vekin Bawipa ih hmaiah thilòha a tuah ih Bawipa ih lung a awiter; asinain a pa vek cun Biakinn sungah lut tahrat in thilsual a tuah lo. Misenpi pawl in sualnak thil òha lo an tuah ringring.
3 Biakinn ih Saklam Kotka a saktu le Jerusalem khuasung Ofel veng an timi kiangih khuapi kulhnak ralhruang nasa zet ih a saktu cu amah Jotham a si.
4 Judah ram tlang parah khua tampi a din ih hramlak khalah raldo òannak le ralvennak innsanghlei pawl a sak.
5 Ammon siangpahrang le a ralkap pawl a do ih a neh. Cule Ammon mi cu siah kumtinten kum thum sung a hnenih pe dingah thu a pek. A thupekmi vekin kumtin an pekmi siah cu ngun pawng thawngsarih le zanga,i Pawng thawngsarih le zanga timi cu talent zakhat an timi a si. Talent cu cuih san ih an hmanmi paisa a si ih talent pakhat cu ngun pawng 75 tluk a si. sangvut haan thawng sawmnga le barli sangvut haan thawng sawmnga an si.
6 Bawipa a Pathian ih thu cu fel tein a thlun ruangah Jotham cu siangpahrang cak zet ah a cang.
7 Siangpahrang a can sungih thil a tuahmi, a raldonak le a thil tumtahmi dang pawl cu Israel le Judah siangpahrang Thuanthu Cabu sungah kim tein an ngan a si.
8 Jotham cu kum kul hluannga a ti in siangpahrang a cang ih Jerusalem in kum hleiruk sung a uk.
9 A thi ih David khuapi ah an phum. Cule a fapa Ahaz in a ai ah siangpahrang a run òuan.