SAAM HLABU 97
Cungsin Uktu Pathian
1 Bawipa cu siangpahrang a si!
Leilung hi lungawi in um seh!
Maw tifinriat ih um tikulh pawl,
nan aipuang uh!
2 Khawdur le khawthim cu
a kimvel ah an um;
A tohkham cu dingfelnak le
dingthluk lairelnak parah a òoh.
3 A hmaiah meisa a feh;
A kiangkap ih um a ral pawl
a kang òheh hai.
4 A nimthlakau in leilung pumpi
a vangter;
Cumi cu leilung in a hmu ih a khur.
5 Bawipa ih hmaiah
tlang pawl cu khuailul bangin
an zup;
Leilung pumpi ih Bawipa ih
hmaika ahcun!
6 Van pawl in a dingnak thu
an phuang ih,
Mi hmuahhmuah in
a sunlawinak huham an hmu.
7 Milem a betu pawl cu
ningzak in an um;
Milem a porh rerotu pawl cu!
Khawzing hmuahhmuah in
Bawipa ih hmaiah
an kuun a si.
8 Maw Bawipa,
na thuòhennak ruangah
Zion mi pawl cu an lung a awi ih,
Judah khuapi pawl cu an thin a nuam.
9 Maw Ziangkimtithei Bawipa,
Nang cu leilung pumpi uktu na si.
Khawzing hmuahhmuah hnakin
10 Bawipa in thil òha lo
a huatu pawl cu a duhdawt;
A minung pawl ih nunnak cu a hum,
miòha lo pawl ih kut sungin
a run hai a si.
11 Miding parah tleunak a thleng;
Miòha parah lungawinak a thleng.
12 Nannih miding pawl,
nan lungawi uh;
Bawipa ih thil tuahmi ruangah cun;
Thianghlim bik Amah ih a tuahmi
cu ciing ringring uhla,
A hnenah lungawinak pe uh.