SAAM HLABU 96
Pathian Cungsin Nung Siangpahrang
1 Bawipa ih hnenah
hla thar sak uh!
Leilung pumpi in Bawipa ih
hnenah hla sak uh.
2 Bawipa ih hnenah hla sak uhla
a hmin cu thangòhat uh.
Nitin ten rundamnak
thuthangòha sim uh.
3 Miphun hmuahhmuah hnenah
a sunlawi zia than uhla,
Mi hmuahhmuah hnenah thil
a ti thei zia cu phuang uh.
4 Bawipa cu a tum ih
a sang bik ah thangòhat ding a si.
Khawzing dang hmuahhmuah hnakin
òih sawn ding a si.
5 Miphun dang pawl ih
khawzing tla cu milem an si;
Asinan Bawipa cu van ih
ummi hmuahhmuah tuahtu a si.
6 Sunlawinak le hminthannak cu
a kimvel ah an um;
Huham le mawinak cu
7 Leilungtlun mi hmuahhmuah tla,
Bawipa cawimawi uh;
A sunlawinak le a cahnak thangòhat uh.
8 Bawipa ih hmin sunglawi cu
thangòhat uh;
Thawinak kengin a Biakinn ah ra uh.
9 Thianghlim Bik Amah a lang tikah
a hmaiah kuun uh.
Leilung pumpi cu a hmaiah khur seh.Ref 96.7-9 Saam 29:1, 2;
10 Miphun hmuahhmuah hnenah,
“ Bawipa cu siangpahrang a si;
Leilung cu a umnak ah
hngette in a um zo ih,
òhawn theih a si nawn lo.
Mi hmuahhmuah cu
dingthluk lairelnak thawn an thu
a òhen sak ding,” tiah sim uh.
11 Maw lei le van, nan lungawi uh!
Tifinriat le a sungih ummi pawl tla
au uh!
12 Lo le a sungih ummi pawl tla,
nan aipuang uh!
Tupi sungih thingkung pawl khal
Bawipa ih hmaiah
lungawi in hla sak uh.
13 Ziangahtile leilung uk dingah
Bawipa cu a ra;
Leilungtlun mi hmuahhmuah cu
dingthluk lairelnak le felnak thawn
a uk hai ding.