SAAM HLABU 74
Luatnak Hrang Thlacaml Asaf Ih Phuahmi Hla
1 Maw Pathian, ziangruangah so
kannih hi in dungtun?
Na tuu pawl kan parah hin kum
khua in maw na thin a heng ding?
2 Na ta si dingah hlanlaipi ih
na rak hrilmi,
Na minung pawl hi hngilh hlah aw.
Nangmah ih ro na miphun si dingih
na tlenmi pawl cu!
Na umnak Zion Tlang cu
ciing ringring hram aw.
3 Ra awla hi siatsuah thluhmi
parah hin ra fehhnik aw;
Kan ral pawl in Biakinn sung
thilri an siatsuah òheh a si.
4 Na minung pawl na ton òheunak
na Biakinnpi ah,
Na ral pawl an au ciamco,
Cutawkah nehnak thantar an tar.
5 Anmah tla cu thing hautu pawl
an bang,
Hreitlung ih thing hautu pawl
bangin.
6 An hreitlung le an nam in
zanthing ih tuahmi,
sangka le a dangdang an mawiter
mi pawl cu,
an ceek ih an khuai òheh.
7 Na Biakinnpi cu an bal ih
meisa in an ur;
Nangmah kan lo biaknak hmun
thianghlim an borhhlawhter.
Ziang hmuahhmuah
an siatbal òheh a si.
8 Kan ci hmih òheh in tum.
Kan ram sungih hmunthiang
hmuahhmuah cu,
Meisa in an ur òheh a si.
9 Hminsinnak thianghlim
kan neihmi pawl cu an cem;
Profet pakhat hman an um nawn lo;
Hivek in ziangtik tiang
a si ding ti cu,
Zohman ih theih lomi a si.
10 Maw Pathian, ziangtik tiang so
kan ral pawl in,
Capohnak ah an lo hman ding?
Na hmin cu kumkhua in maw
an relsiat ding?
11 Ziangahso in bom duh lo?
Ziangahso na kut dunglet na sih?
12 Asinan Bawipa,
a hramthok ihsin nangmah cu,
Kan siangpahrang na si zo;
Leilungtlun ah runnak a thlentertu
nangmah na si.
13 Na thacak in tifinriat cu na òhen;
Tifinriat ih rulhreng tum zetzet ih
lu pawl cu na deen kuai.Ref 74.13 Suah 14:21;
14 Leviathan timi rulpi lu pawl
na rial dip ih,
A sa cu nelrawn ramsa pawl
ei dingah na pek.Ref 74.14 Job 41:1; Saam 104:26; Isa 27:1;
15 Nangmah in cerhti le tikhur pawl
na luanter ih,
tivapi khal na carter.
16 Nangmah in sun le zan na tuah,
Ni le thlapi tla an umnak ciar ah na ret.
17 Nangmah in leilung ih
ramri cu na tuah ih,
òhal caan le khawsik caan khal
18 Sikhalsehla maw Bawipa,
na ral pawl in, capohnak ih
an lo hman cu hngilh hlah aw;
Pathian thei lo pawl in na hmin
an hmuhsuam a si.
19 Zianghman tithei lo
na minung pawl cu,
Zangfah nei lo an ral pawl kut
sungah hnong hram hlah aw.
Hremnak tuartu na minung pawl hi
20 Kanmah thawn thukamnak na tuah
mi kha thei ringring aw;
Hi ram khawthimnak kilkip ah,
Nunsiatnak le dodalnak a um.
21 Hmuhsuamnak le hremnak tuartu
pawl cu, ningzak in
umter hai hlah aw.
Asinan mifarah le mi tlasam pawl in,
Nangmah lo thangòhat hai seh.
22 Maw Pathian, tho awla
na thuhla cu dinpi aw;
Pathian thei lotu pawl in
sun nihlawh capohnak ih
an lo hman cu ciing ringring aw.
23 Na ral pawl thinheng ih
an aunak le,
A lo dodaltu pawl cat lo ih thawmvang
an neih cu hngilh hlah aw.