SAAM HLABU 73
Bu Thumnak
Pathian Ih Dingnakk Asaf Ih Hla
1 Pathian cu Israel mi hnenah le
Thinlung thiang a neimi pawl
hnenah a òha a si.
2 Asinan kei cu ka tlu zik thlang;
Ka ke pawl an naal zik thlang a si.
3 Ziangahtile mi hngal pawl khi
ka iksik ih,
Miòha lo pawl milian ih
an can khi ka hmu thei lo.
4 Annih pawl cu natnak
zianghman an tuar lo;
An harhdam zet ih an cak zet fawn.
5 Midang tuar zat in an tuar lo;
Harsatnak khal midang tluk in
an tong fawn lo.
6 Curuangah an hngalnak cu
òhi bangin an orh ih,
Thazang ih mi nehnak cu
angki bangin an hruk.
7 An thau tuk ah an mit a cuur liailiai;
An thinlung cu aatnak in
a liam hluahhlo.
8 Midang cu capohnak ah an hmang ih
mi siatnak thu an rel.
An hngal zet ih mi hmuhsuamnak
thu lawng an rel.
9 Vancung ih Pathian an relsiat ih
Leilungtlun minung hnenah
hngal zet in thu an pek.
10 Curuangah Pathian ih minung
pawl hman an lam an hoi ih,
An relmi hmuahhmuah cu
lungtho zet in an zum.
11 Annih in, “Ziangtinso Pathian in
a theih thei ding?
Anih Cungnungbik cun theih
theinak a nei maw si?” an ti.
12 Miòha lo pawl cu
hibangtuk an si ko;
Thil tam zet an nei nain tam sinsin
neih an duh.
13 Thianghlim zet in ka um ih
ka kut khal sualnak tuah lo ih
an um hi a lak maw a si òheh ding?
14 Maw Pathian, sun nihlawh
i tuarter zo;
Zingtin in hremnak i pek.
15 Cubangtuk cun keimah in
rak sim ningla,
Na minung pawl zuarthlaitu ah
ka cang zo ding.
16 Curuangah hi thu cu thu har zet
sihmansehla,
Theihthiam ding napi in ka zuam.
17 Cule na Biakinn sungah ka feh,
Cutik lawngah miòha lo parah
Ziangvek thil a thleng ding,
18 Lamzin naalnak ah annih cu
na ret ih,
Siatnak sungah na tlakter hai.
19 Hmakhat teah hlohralnak an tong;
An cem netnak cu rapthlakza a si.
20 Maw Bawipa, annih cu
zinglam ih a hlo òhehmi
mang vek an si;
Na òhang tikah ziang an bang
ti hman na ciing nawn lo.
21 Ka lung a sia ih
Ka thin a natzet tikah,
22 Mi-aa ka bang ih zianghman
ka ruat thei lo;
Na hnenah ramsa bangin ka nung.
23 Asinan cat lo in na hnenah
ka um ih ka kut in i kai.
24 Na remruahnak in i hruai ih,
A netnak ahcun upat hmin thannak
thawn nangmah in i pom ding.
25 Vancung ah nangmah siar lo
ziangso ka neih?
Nangmah ka lo neih hnu ahcun
Leilungtlun ah ziangso ka hai?
26 Ka thinlung le ka taksa hi
òumsuk deuhdeuh hmansehla,
Pathian cu ka cahnak a si.
Amah lawng hi kumkhua ih
27 Nangmah a lo dungtuntu pawl cu
an thi tengteng ding;
Nangmah ah mizuangzam pawl cu
Nangmah in na siatsuah òheh ding.
28 Asinan Pathian kiangih ka um hi
ziangtlukin so a òhat!
A thil tuahmi hmuahhmuah
sim le rel dingah,
Bawipa Pathian cu
ka beunak ah ka tuah zo.